Eksoda 15:13 - BIBELE Mahungu Lamanene

¹³ “Hi rirhandzu ra wena lero tshembeka, u rhangerile vanhu lava u va kutsuleke; u va hleterile hi matimba ya wena, va kondza va fika evutshan'wini bya wena lebyo hlawuleka.

Xitsonga (Bibele)

¹³ “Hi tintswalo ta wena u fambisile u tshunxile tiko leri; U ri fambisile hi matimba ya wena, Evutshan'weni bya ku kwetsima ka wena.

Eksoda 15:13 Referans Kwoze

Pisalema 77:20

U fambisile vanhu va wena kukota ntlhambi, u va risa hi Muxe na Aroni.

1 Petro 1:5

n'wina lava mi pfumeleke, kutani mi hlayisiwa hi matimba ya Xikwembu, leswaku mi ta kuma ku ponisiwa loku yimeleke ku kombisiwa enkarhini wa makumu.

Yeremiya 2:6

A va vutisanga va ku: ‘Xana HOSI Xikwembu xi kwihi, xona lexi xi hi humeseke etikweni ra Egipta, xana?’ Kasi hi mina ndzi mi fambiseke emananga, etikweni ra sava ni magova, etikweni leri omeke ra xinyami xo chavisa; hi mina ndzi mi fambiseke laha ku nga hundziki munhu, laha ku nga tshamiki munhu na un'we!

Pisalema 106:9

Xi tshinyile Lwandle-ro-Tshwuka, kutani ri phya, xi tsemakanyisa Vaisraele exikarhi ka swidziva onge hi loko va ri emananga.

Vaefesa 2:4

Kambe Xikwembu xi ni musa swinene, hikwalaho ka rirhandzu lerikulu leri xi hi rhandzeke ha rona.

Pisalema 80:1

We murisi wa Israele, yingisa, rhiya ndleve wena u fambisaka va ka Yosefa kukota ntlhambi; wena u tshameke exiluvelweni ehenhla ka tikerubu, komba ku vonakala ka wena.

Genesa 19:16

Loko Lota a ha rhendzeleka-rhendzeleka, vavanuna lava va tintsumi va n'wi khoma hi voko, va khoma ni nsati wa yena ni vana va yena lava vambirhi va va humesa va ya va tshika ehandle ka muti, hikuva HOSI Xikwembu a xi twela Lota vusiwana.

Nehemiya 9:12

Ninhlekanhi, u va rhangerile hi ku nembeleta papa emahlweni ka vona; nivusiku u va rhangerile hi ku nembeleta ndzilo lowu pfurhaka wu va voningela ndlela leyi va faneleke ku famba ha yona.

Eksoda 6:6

Hikokwalaho tivisa Vaisraele leswaku ndzi ri ka vona: ‘Hi mina HOSI Xikwembu, kutani ndzi ta mi humesa emintirhweni yo tika ya le Egipta, ndzi mi ponisa evuhlongeni bya kona, ndzi mi kutsula hi mintirho ya mina ya matimba ni ku avanyisa loku hlamarisaka.

Eksoda 15:16

Va weriwile hi ku chava ni gome, hikwalaho ka matimba ya voko ra wena, va yimile va nga ha tshukatshuki, ku kondza loko vanhu va wena va hundza, we HOSI, ina, vanhu va wena lava u nga tikumela vona va ko va hundza.

Eksoda 15:17

Wena u ta va nghenisa etikweni, u va simeka entshaveni leyi nga ya wena, exivandleni lexi u tiendleleke xona leswaku u ta tshama eka xona, we HOSI, xi nga xivandla xo hlawuleka, lexi wena N'wini wanga u xi tumbuluxeke hi mavoko ya wena.

Eksoda 20:2

“Hi mina HOSI Xikwembu xa wena, lexi xi ku humeseke etikweni ra Egipta, ni le vuhlongeni bya kona.

2 SAMIELE 15:25

Kutani hosi Davhida a ku ka Sadoki: “Tlherisela Areka ya Xikwembu emutini. Loko HOSI Xikwembu xi ndzi tsakela, xi ta endla leswaku ndzi vuya ndzi ta yi vona, ndzi vona ni laha yi tshamaka kona.

Pisalema 74:2

Anakanya vanhu va wena lava u nga tihlawulela vona ku sukela khale, va nga lava u va kutsuleke leswaku va va ndzhaka ya wena. Tsundzuka ni ntshava ya Siyoni leyi khale a wu tshama eka yona.

Pisalema 78:35

Va tsundzukile leswaku Xikwembu lexi nga henhla-henhla i ribye ra vona ni muhlayisi wa vona.

Esaya 51:10

Xana a hi wena u phyiseke mati ya lwandle, u omisa swidziva swa rona, kutani u boxa ndlela laha a ku ri ni swidziva, leswaku lava u va kutsuleke va kota ku tsemakanya, xana?

Esaya 57:15

Xikwembu xa le henhla-henhla, xona lexi nga kona minkarhi hinkwayo, lexi vito ra xona xi nga Muhlawuleki, xi vurisa sweswo xi ri: “Mina ndzi tshama ehenhla laha ku hlawulekeke, kambe ndzi kumeka ni le xikarhi ka lava khunguvanyekeke, lava titsongahataka; ndzi nyika lava titsongahataka matimba, lava khunguvanyekeke emoyeni, ndza va tiyisa.

Esaya 63:9

emaxangwini ya vona hinkwawo; a va ponisiwanga hi murhumiwa kumbe ntsumi, xi va ponisile hi xoxe. Xi va twele vusiwana, xi va kutsula hi rirhandzu ra xona, eminkarhini hinkwayo leyi hundzeke, xi va vukarhile, xi va hlayisa.