Eksoda 14:9 - BIBELE Mahungu Lamanene

⁹ Vaegipta va landza Vaisraele va ri ni makalichi hinkwawo ya Faro ni tihanci ta kona ni vagadi va tihanci ni mavuthu ya Faro, va ya va kuma va govile eribuweni ra lwandle, emahlweni ka muti wa Pi-Hahiroto, kusuhi na Baala-Sefoni.

Xitsonga (Bibele)

⁹ Vaegipta va va landzela; tihanci ni makalichi hinkwawo ya Faro, ni lava khandziyeke, ni nyimpi ya yena hinkwayo, yi va kuma va govile ekusuhi ni lwandle, emahlweni ka Pi-Hahiroto, ku langutene na Baala-Sefoni.

Eksoda 14:9 Referans Kwoze

Eksoda 15:9

Nala a a ku: ‘Ndzi ta va hlongorisa, ndzi va kuma, ndzi phakela leswi phanghiweke, ndzi korwisa ku navela ka mina hi swona. Ndzi ta hlomula banga ra mina, ndzi va hangalasa hi voko ra mina.’

Yoxuwa 24:6

Kutani ndzi humesile vatata wa n'wina etikweni ra Egipta, va famba va ya fika eLwandle-ro-Tshwuka. Vaegipta va hlongorisile vatata wa n'wina va ya fika eLwandle-ro-Tshwuka hi makalichi ni vagadi va tihanci.

Eksoda 14:2

“Byela Vaisraele leswaku va tlhelela endzhaku, va ya gova emahlweni ka muti wa Pi-Hahiroto, exikarhi ka Migidolo ni lwandle; mi fanele ku gova kusuhi ni muti wa Baala-Sefoni, eribuweni ra lwandle.

Eksoda 13:18

Kambe Xikwembu xi va rhendzelekisile hi ndlela ya mananga, leyi kongomaka Lwandle-ro-Tshwuka, va hlomile matlhari.

Tinhlayo 33:7

Va suka le Etamu, va tlhelela ndzhaku va kongoma muti wa Pi-Hahiroto lowu nga evuxeni bya Baala-Sefoni, kutani va ya gova kusuhi na Migidolo.