Eksoda 14:8 - BIBELE Mahungu Lamanene

⁸ HOSI Xikwembu xi nonon'hwisa mbilu ya Faro hosi ya Egipta, kutani a landza Vaisraele loko va ri karhi va huma va ntshunxekile swinene.

Xitsonga (Bibele)

⁸ Kambe Yehovha a nonon'hwisa mbilu ya Faro, hosi ya Egipta, leswaku a landza vana va Israele, hikuva vana va Israele a va humile hi voko ra matimba.

Eksoda 14:8 Referans Kwoze

Timhaka 13:17

Xikwembu xa tiko leri ra Vaisraele xi hlawurile vatata wa hina, kutani loko Vaisraele lava va ha luverile etikweni ra Egipta, Xikwembu xi va kurisa, xi vuya xi va humesa kona hi matimba lamakulu.

Tinhlayo 33:3

Vaisraele va sukile eRamsese hi siku ra vu-15 ra n'hweti yo sungula, ri nga leri tlhandlamaka siku ra Nkhuvo wa Paseka; va humile etikweni ra Egipta va ntshunxekile swinene, Vaegipta hinkwavo va ri karhi va va vona.

Duteronoma 26:8

Kutani HOSI Xikwembu xi hi humesa etikweni ra Egipta hi ntamu lowukulu ni mintirho ya matimba leyi chavisaka ngopfu, ni swikombiso ni mahlori.

Eksoda 14:4

Mina ndzi ta nonon'hwisa mbilu ya Faro, kutani ú ta landza Vaisraele; hi ndlela leyi, ndzi ta dzunisiwa swinene, hi mhaka ya leswi swi nga ta humelela eka Faro ni mavuthu ya yena; naswona Vaegipta va ta tiva leswaku hi mina ndzi nga HOSI.” Kutani Vaisraele va endla hilaha va lerisiweke hakona.

Eksoda 13:16

Leswi swi ta va xitsundzuxo eka n'wina, ku fana ni loko mi bohile xanchumu evokweni kumbe emombyeni, hikuva HOSI Xikwembu xi hi humesile etikweni ra Egipta hi matimba ya xona lamakulu.”

Eksoda 6:1

Kutani HOSI Xikwembu xi ku ka Muxe: “Sweswi u ta vona leswi ndzi nga ta swi endla eka Faro: Ndzi ta tirhisa matimba ya mina leswaku Faro a tshika vanhu va Israele va famba. Ina, hi ku sindzisiwa hi mina, ú ta va hlongola kunene, va huma etikweni ra yena.”

Pisalema 86:13

hikuva u ndzi kombile rirhandzu lerikulu, u ndzi kutsurile u ndzi humesa exivandleni xa vafi.

Duteronoma 32:27

kambe ndzi chavile leswaku valala va vona va nga swi teka hi ndlela leyi nga riki yona, kutani va ndzi hlekula, va ku: Hi hlurile hi matimba ya hina, a hi HOSI Xikwembu lexi xi endleke hinkwaswo leswi!’

Eksoda 13:18

Kambe Xikwembu xi va rhendzelekisile hi ndlela ya mananga, leyi kongomaka Lwandle-ro-Tshwuka, va hlomile matlhari.

Eksoda 13:9

Nkhuvo lowu wu ta va xitsundzuxo eka n'wina, ku fana ni loko mi bohile xanchumu evokweni kumbe emombyeni, leswaku mi ta kala mi nga rivali ku twarisa ni ku dyondzisa nawu wa HOSI Xikwembu, hikuva xi mi humesile etikweni ra Egipta hi matimba ya xona lamakulu.

Eksoda 4:21

Kutani HOSI Xikwembu xi ku ka Muxe: “Loko u tlhelerile etikweni ra Egipta, vona leswaku u endla, emahlweni ka Faro, swihlamariso hinkwaswo leswi ndzi ku nyikeke matimba ya ku swi endla; kambe ndzi ta nonon'hwisa mbilu ya yena, leswaku a nga pfumeleli Vaisraele ku famba.

Eksoda 9:12

Kambe HOSI Xikwembu xi nonon'hwisa mbilu ya Faro, a nga yingisi Muxe na Aroni, tanihilaha a xi byerile Muxe hakona.

Eksoda 10:27

Hambiswiritano, HOSI Xikwembu xi nonon'hwisa mbilu ya Faro, a ala ku va tshika va famba.

Eksoda 14:7

Faro a famba ni makalichi ya yena ya 600 layo tiya, a teka ni makalichi laman'wana hinkwawo ya tiko ra Egipta, kalichi rin'wana ni rin'wana ri ri ni mufambisi wa rona.

Eksoda 14:17

Mina ndzi ta nonon'hwisa timbilu ta Vaegipta leswaku va ta nghena elwandle va landza Vaisraele; kutani ndzi ta dzunisiwa swinene hi mhaka ya leswi swi nga ta humelela eka Faro, ni le ka mavuthu ni makalichi ya yena, ni le ka vagadi va tihanci ta yena.

Eksoda 15:9

Nala a a ku: ‘Ndzi ta va hlongorisa, ndzi va kuma, ndzi phakela leswi phanghiweke, ndzi korwisa ku navela ka mina hi swona. Ndzi ta hlomula banga ra mina, ndzi va hangalasa hi voko ra mina.’

Swirilo 3:65

tlanyarisa timbilu ta vona, u va fularhela;

Levhitika 26:13

Hi mina HOSI, Xikwembu xa n'wina lexi xi mi humeseke etikweni ra Egipta, leswaku mi nga ha vi mahlonga ya Vaegipta. Ndzi susile mpingu lowu a mi rhwexiwile wona, leswaku na n'wina mi ta va vanhu exikarhi ka van'wana vanhu.

Yoxuwa 11:20

HOSI Xikwembu hi xona xi nga nonon'hwisa timbilu ta vanhu lava leswaku va ta lwa nyimpi ni Vaisraele. HOSI Xikwembu a xi endlela leswaku vanhu lava va nga tweriwi vusiwana, kambe va herisiwa va nyamalalela makumu hilaha xi leriseke Muxe hakona.

Vaavanyisi 4:7

Kutani mina HOSI ndzi ta yenga Sisera mufambisi wa mavuthu ya Yabini, a ta hlangana na wena exinambyaneni xa Kixoni, a ri ni makalichi ni masocha ya yena; kutani mina ndzi ta n'wi nyiketa emavokweni ya wena.’ ”

Pisalema 105:43

Loko Xikwembu xi kutsula vanhu va xona, a va tsakile swinene, vahlawuriwa va xona va famba va ri karhi va ba minkulungwana.