Eksoda 14:26 - BIBELE Mahungu Lamanene

²⁶ Kutani HOSI Xikwembu xi ku ka Muxe: “Tlakusela voko ra wena ehenhla ka lwandle, leswaku mati ma ta tlhela ma vuya ma khubumeta Vaegipta ni makalichi ya vona ni tihanci ta vona.”

Xitsonga (Bibele)

²⁶ Kutani Yehovha a ku eka Muxe: “Tlakusa voko ra wena ehenhla ka lwandle, mati ma ta vuya henhla ka Vaegipta ni makalichi ya vona, ni vakhandziyi va tihanci.”

Eksoda 14:26 Referans Kwoze

Eksoda 14:16

Teka nhonga ya wena, u yi tlakusela ehenhla ka lwandle, u hambanisa mati hi le xikarhi, leswaku Vaisraele va ta pela laha ku omeke.

Eksoda 8:5

Kutani HOSI Xikwembu xi ku ka Muxe: “Lerisa Aroni leswaku a teka nhonga ya yena hi voko, a yi tlakusela ehenhla ka milambu, ni le henhla ka tindlela ta mati, ni le henhla ka maqhivi, a vangela tiko ra Egipta khombo ra mintlambya.”

Yakobo 2:13

Hakunene muavanyisi a nga ka a nga tsetseleri munhu loyi a nga tsetselelangiki van'wana; kasi loyi a tsetselelaka van'wana wa khana esikwini ra ku avanyisa.

Matewu 8:27

Vanhu va hlamala va ku: “Munhu loyi i munhu muni xana, leswi mheho ni lwandle swi n'wi yingisaka ke?”

Matewu 7:2

hikuva mi ta avanyisiwa hi ku avanyisa loku mi avanyisaka van'wana ha kona; ni mpimo lowu mi pimelaka van'wana ha wona, mi ta pimeriwa ha wona na n'wina.

Eksoda 7:19

Kutani HOSI Xikwembu xi ku ka Muxe: “Lerisa Aroni leswaku a teka nhonga ya yena hi voko, a yi tlakusela ehenhla ka mati hinkwawo ya le Egipta, emilambyeni, ni le tindleleni ta mati, ni le maqhivini, ni le mativeni hinkwawo, kutani mati ya kona ma ta hundzuka ngati. Tiko hinkwaro ra Egipta ri ta tala hi ngati, yi ta va kona ni le swibyeni swo vatliwa ni le makhuwaneni.”

Eksoda 1:22

Kutani Faro a lerisa tiko ra yena hinkwaro, a ku: “N'wana un'wana ni un'wana wa mufana loyi a nga ta velekiwa eka Vaheveru, n'wi cukumeteni enambyeni, kambe mi tshika vanhwanyana hinkwavo va hanya!”

Nhlavutelo 16:6

Hikuva vanhu va halatile ngati ya vahlawuriwa va wena ni ya vaprofeta, kutani u va nyikile ngati va nwa. I hakelo ya vona.”

Esaya 11:16

Ku sukela le Asiriya, ku ta va ni gondzo lerikulu, leri masalela ya vanhu va HOSI Xikwembu ma nga ta famba ha rona; ri ta fana ni leri Vaisraele va fambeke ha rona, loko va huma etikweni ra Egipta.

Eksoda 15:1

Kutani Muxe ni Vaisraele va dzunisa HOSI Xikwembu hi risimu leri nge: “Ndzi ta yimbelela ndzi dzunisa HOSI, hikuva yi hlurile hi ndlela yo hlamarisa; hanci ni mugadi wa yona, yi swi hoxile elwandle.

Eksoda 15:4

“Makalichi ya Faro ni mavuthu ya yena, HOSI yi swi hoxile elwandle. Vafambisi lavo tiya va muvuthu ya Faro va dyiwile hi Lwandle-ro-Tshwuka.