Eksoda 14:25 - BIBELE Mahungu Lamanene

²⁵ Xi bodlhomerisa mavhilwa ya makalichi ya vona endzhopeni, leswaku ma famba hi ku nonoka; kutani Vaegipta va ku: “A hi tsutsumeni hi tshika Vaisraele, hikuva HOSI Xikwembu hi xona xi va lwelaka eka hina Vaegipta.”

Xitsonga (Bibele)

²⁵ a hlumule masondzo ya makalichi ya vona, kutani va ma koka hi matimba. Kutani Vaegipta va ku: “A hi balekeni emahlweni ka Vaisraele, hikuva Yehovha a va lwela, a lwa ni Vaegipta.”

Eksoda 14:25 Referans Kwoze

Eksoda 14:14

HOSI Xikwembu, hi xona xi nga ta mi lwela, n'wina mo miyela mi ku whííí!”

Yeremiya 51:21

Ndzi ku tirhisile ku dlaya tihanci ni vagadi va tona, ndzi ku tirhisile ku fayetela makalichi ya nyimpi, u dlaya ni vachayeri va kona.

Ntirho 20:24

Ú ta balekela tlhari ra nsimbhi, a ya tlhaviwa hi nseve wa koporo;

Duteronoma 3:22

Wena u nga ma chavi, hikuva HOSI Xikwembu xa wena hi xona lexi xi nga ta ku lwela.’

Amosi 9:1

Ndzi vonile N'wini wa hinkwaswo a yimile etlhelo ka alitari, a ri karhi a lerisa a ku: “Bana lwangu ra Tempele swihukuva swa yona swi kondza swi tsekatseka; ri mbindzimuxe ri wela ehenhla ka tinhloko ta vanhu hinkwavo; lava nga ta sala, ndzi ta va herisa hi fumu, na un'we wa vona a nga ka a nga baleki, a ku nga phonyoki na un'we.

Amosi 5:19

Swi ta fana ni loko munhu a tsutsuma nghala, a ya hlangana ni xinkankanka, kutani loko a tsutsumela endlwini, a khegela khumbi hi voko, nyoka yi n'wi luma.

Pisalema 76:6

We Xikwembu xa Yakobo, u lo na va tshinya, vo wela hansi ni tihanci ta vona.

Pisalema 68:12

“Tihosi ni mavuthu ya tona hi letiyaa, ta baleka, ta baleka! Hina vavasati hi ta phakelana swilo swa nkoka leswi phanghiweke hi ri emakaya,

Pisalema 46:9

Xi siverile tinyimpi ku ya fika evugimamusi, vurha xi tshovile, xi bvinyile ni matlhari; makalichi ya nyimpi xi ma hisile!

Ntirho 27:22

Xihuhuri xi va ba xi nga tsetseleli, va balekela ntamu wa xona va tsutsuma;

Ntirho 11:20

Kambe mahlo ya lavo homboloka a ma nga ha voni, ni ndlela yo baleka ha yona a va nga ha yi tivi; va to langutela ntsena siku ra vona ra ku fa!”

Amosi 1:14

Hikokwalaho ndzi ta tshivela ndzilo erirhangwini ra muti wa Raba, wu ta herisa ni tindlu ta kona ta vuhosi, esikwini ra nyimpi ni mukhosi leri nga ta fana ni moya lowukulu wa xidzedze.

Vaavanyisi 4:15

Loko masocha ya Baraka ma hlomula mafumu ma nghena enyimpini, HOSI Xikwembu xi hangalasa masocha hinkwawo ya Sisera ni makalichi ya yena hinkwawo, kutani yena a xika ekalichini a tsutsuma.

Eksoda 14:4

Mina ndzi ta nonon'hwisa mbilu ya Faro, kutani ú ta landza Vaisraele; hi ndlela leyi, ndzi ta dzunisiwa swinene, hi mhaka ya leswi swi nga ta humelela eka Faro ni mavuthu ya yena; naswona Vaegipta va ta tiva leswaku hi mina ndzi nga HOSI.” Kutani Vaisraele va endla hilaha va lerisiweke hakona.

Eksoda 14:18

Loko ndzi dzunisiwa hi mhaka ya Faro ni makalichi ya yena ni vagadi va tihanci ta yena, hi kona Vaegipta va nga ta swi tiva leswaku hi mina ndzi nga HOSI.”

Duteronoma 32:31

Valala va hina a va na rona ribye leri tiyeke, leri fanaka ni Ribye ra hina, sweswo va swi tiva, vona hi voxe.

Nehemiya 6:16

Valala va hina ni vamatiko hinkwavo lava hi rhendzeleke, va tshuke ngopfu va tlhela va hela ni matimba loko va twa timhaka leti, hikuva a va swi vona leswaku Xikwembu xa hina hi xona xi hi pfuneke ku heta ntirho lowu.

Eksoda 15:3

HOSI i nhenha hakunene, vito ra yona i HOSI Xikwembu.

Duteronoma 1:30

HOSI Xikwembu xa n'wina lexi xi mi rhangeleke emahlweni, hi xona xi nga ta mi lwela, ku fana ni leswi xi mi endleleke swona etikweni ra Egipta, mi ri karhi mi swi vona.

Yoxuwa 10:14

Siku ro fana ni leri, a ri nga si tshama ri va kona, leri HOSI Xikwembu xi nga yingisa rito ra munhu. HOSI Xikwembu xi va lwerile Vaisraele!

2 TIKRONIKA 20:29

Kutani loko vanhu va mimfumo yin'wana va twa leswaku HOSI Xikwembu xi lwerile Vaisraele ni ku va hlulela valala, va khomiwa hi ku chava lokukulu.

Nehemiya 4:14

Loko ndzi vona leswaku va chava, ndzi suka ndzi yima ndzi byela varhangeri, ni tindhuna ni vanhu hinkwavo ndzi ku: “Valala va hina, mi nga va chavi; tsundzukani leswaku HOSI Xikwembu xa hina i xikulu, naswona xa chaviseka! Kutani, lwelani vamakwenu, ni vana va n'wina va xinuna ni va xisati, ni vasati va n'wina ni miti ya n'wina.”

Nehemiya 9:11

U endlile leswaku mati ya lwandle ma avana hi le xikarhi, kutani va tsemakanya hi laha ku omeke. Lava a va va hlongorisa u va hoxile exidziveni lexo enta va wela ku fana ni ribye leri hoxiweke emagandlatini.

Pisalema 35:1

We HOSI, hlasela lava va ndzi hlaselaka, u lwa ni lava lwaka na mina.

Esaya 31:4

HOSI Xikwembu xi te ka mina: “Mina HOSI ya matimba hinkwawo, ndzi ta rhelela, ndzi ta lwela muti wa Siyoni ni xintshabyana xa wona; ndzi ta fana ni nghala leyi bongaka loko yi kume nyama, leyi yi nga chaviki nchumu nikutsongo, hambiloko varisi va ba huwa va ringeta ku yi hlongola.