Eksoda 14:22 - BIBELE Mahungu Lamanene

²² kutani Vaisraele va nghena elwandle, va famba laha ku omeke; mati a ma endlile makhumbi hi tlhelo ra vona ra xinene ni lera ximatsi.

Xitsonga (Bibele)

²² Kutani vana va Israele va famba exikarhi ka lwandle, laha ku omeke; mati ma endle tintshava hi matlhelo mambirhi.

Eksoda 14:22 Referans Kwoze

Vaheveru 11:29

Hi ku pfumela, Vaisraele va perile Lwandle-ro-Tshwuka onge hi loko ku ri laha ku omeke. Kambe loko Vaegipta va ringetile ku endla sweswo, va dyiwile hi mati.

Pisalema 66:6

Xi hundzule lwandle ri va tiko leri omeke, vanhu va tsemakanyile nambu hi milenge. Hikokwalaho, a hi xi beleni nkulungwana!

Pisalema 78:13

Xi avanisile mati ya lwandle, ma endla tindhundhuma ematlhelweni mambirhi, kutani xi va tsemakanyisa, va hundza.

Eksoda 15:19

Kuteloko tihanci ta Faro ti nghenile elwandle, ni makalichi ya yena ni vagadi va tihanci ta yena, HOSI Xikwembu xi vuyisa mati ma va khubumeta; kambe Vaisraele vona va famba exikarhi ka lwandle laha ku omeke.

Eksoda 14:29

Kambe Vaisraele vona va pele lwandle va famba laha ku omeke, mati ma va endlele makhumbi exineneni ni le ximatsini.

1 Vakorinto 10:1

Vamakwerhu, ndzi lava leswaku mi twisisa leswi humeleleke eka vatata wa hina: Hinkwavo a va sirheleriwa hi papa, hinkwavo va perile Lwandle lero Tshwuka.

Esaya 63:13

xona Xikwembu lexi tsemakanyiseke Vaisraele hi le xikarhi ka swidziva, xana sweswi, xi kwihi ke? A va famba kukota hanci leyi tsutsumaka erivaleni; a va kalanga va khuguka.

Nehemiya 9:11

U endlile leswaku mati ya lwandle ma avana hi le xikarhi, kutani va tsemakanya hi laha ku omeke. Lava a va va hlongorisa u va hoxile exidziveni lexo enta va wela ku fana ni ribye leri hoxiweke emagandlatini.

Eksoda 15:8

“Loko u hefemutekile hi ku kariha, mati ma hlengeletanile, maboboma ma yima ma endla makhumbi, magandlati exikarhi ka lwandle ma tiya.

Tinhlayo 33:8

Va suka ePi-Hahiroto, kutani va tsemakanya Lwandle-ro-Tshwuka, va ya nghena emananga ya Etamu, va famba masiku manharhu emananga lawa, va kondza va ya gova eMara.

Zakariya 2:5

HOSI Xikwembu xi vurisa sweswo xi ri: Ndzi ta va rirhangu ra ndzilo leri nga ta rhendzela muti wa Yerusalema, kutani ndzi ta twakala exikarhi ka wona.’ ”

Yoxuwa 3:17

Loko Vaisraele hinkwavo va ri karhi va pela nambu hi laha ku omeke, vaprista lava rhwaleke Areka ya Ntwanano wa HOSI Xikwembu vona a va yimile laha ku omeke exikarhi ka nambu wa Yordani, ku kondza Vaisraele hinkwavo va khupuka.

Yoxuwa 4:22

mi ta hlamusela vatukulu va n'wina leswaku n'wina Vaisraele mi tsemakanyile nambu wa Yordani hi laha ku omeke,

1 SAMIELE 25:16

Eka nkarhi hinkwawo lowu hi tshameke na vona hi ri karhi hi risa tinyimpfu, vusiku ni nhlekanhi a va hi sirhelela ku fana ni rirhangu.

2 TIHOSI 2:8

Eliya a teka xiambalo xa yena xa vuprofeta, a xi songa, a ba mati ha xona, kutani ma avana hi le xikarhi, ha vumbirhi bya vona va pela laha ku omeke.

Pisalema 74:15

Hi wena u khulukiseke swihlovo ni swinambyana, kambe milambu leyi a yi tshama yi ri karhi yi khuluka, u yi phyisile.

Pisalema 136:14

kutani Vaisraele va tsemakanya hi le xikarhi, — Rirhandzu ra yena hi leri nga heriki —

Esaya 43:16

HOSI Xikwembu xi ri: “Ndzi boxile ndlela elwandle, ndzi pfula budula exidziveni lexo chavisa.

Esaya 63:12

Xikwembu lexi tiyiseke Muxe hi matimba ya xona, xi avanyisa ni mati ya lwandle hi le xikarhi emahlweni ka Vaisraele, leswaku vito ra xona ri ta ka ri nga rivariwi,

Yoxuwa 3:16

kutani mati lama khulukaka ma ta hi hala tlhelo ra le henhla ka nambu ma yima, ma endla ndhundhuma ma ya fika ni le mutini wa Adama lowu nga kusuhi na Saretani. Mati lama khulukaka ma rhelela ma kongoma eLwandle ra Araba, ri nga Lwandle-ra-ku-fa, ma tsemeka, ma nga ha khuluki, kutani Vaisraele va pela nambu wa Yordani, ku langutana na Yeriko.

2 TIHOSI 2:14

Kutani a khoma xiambalo lexi weke hi le makatleni ya Eliya, a ba mati ha xona, a ri karhi a vutisa a ku: “Yi kwihi HOSI, xona Xikwembu xa Eliya hi xiviri xa xona ke?” Loko a bile mati ya nambu, wona ma avana hi le xikarhi, kutani a tsemakanya.

Pisalema 106:9

Xi tshinyile Lwandle-ro-Tshwuka, kutani ri phya, xi tsemakanyisa Vaisraele exikarhi ka swidziva onge hi loko va ri emananga.

Pisalema 136:13

Ú avanisile mati ya Lwandle-ro-Tshwuka ma endla tindhundhuma, — Rirhandzu ra yena hi leri nga heriki —

Esaya 11:15

HOSI Xikwembu xi ta phyisa mati ya nsonga wa lwandle ra Egipta; xi ta ndzuluta voko ra xona ehenhla ka nambu wa Yufrata, kutani moya wa xona lowo hisa wu ta ta, wu avanyisa nambu, ku huma swinambyana swa 7, leswi munhu a nga swi tsemakanyaka a nga susanga ni tintanghu.

Esaya 11:16

Ku sukela le Asiriya, ku ta va ni gondzo lerikulu, leri masalela ya vanhu va HOSI Xikwembu ma nga ta famba ha rona; ri ta fana ni leri Vaisraele va fambeke ha rona, loko va huma etikweni ra Egipta.

Esaya 51:10

Xana a hi wena u phyiseke mati ya lwandle, u omisa swidziva swa rona, kutani u boxa ndlela laha a ku ri ni swidziva, leswaku lava u va kutsuleke va kota ku tsemakanya, xana?