Eksoda 14:16 - BIBELE Mahungu Lamanene

¹⁶ Teka nhonga ya wena, u yi tlakusela ehenhla ka lwandle, u hambanisa mati hi le xikarhi, leswaku Vaisraele va ta pela laha ku omeke.

Xitsonga (Bibele)

¹⁶ Kambe wena yimisa nhonga, u tlakusa voko ra wena ehenhla ka lwandle, u ri tsemakanyisa, vana va Israele va ta famba exikarhi ka lwandle, laha ku omeke.

Eksoda 14:16 Referans Kwoze

Eksoda 7:19

Kutani HOSI Xikwembu xi ku ka Muxe: “Lerisa Aroni leswaku a teka nhonga ya yena hi voko, a yi tlakusela ehenhla ka mati hinkwawo ya le Egipta, emilambyeni, ni le tindleleni ta mati, ni le maqhivini, ni le mativeni hinkwawo, kutani mati ya kona ma ta hundzuka ngati. Tiko hinkwaro ra Egipta ri ta tala hi ngati, yi ta va kona ni le swibyeni swo vatliwa ni le makhuwaneni.”

Eksoda 14:26

Kutani HOSI Xikwembu xi ku ka Muxe: “Tlakusela voko ra wena ehenhla ka lwandle, leswaku mati ma ta tlhela ma vuya ma khubumeta Vaegipta ni makalichi ya vona ni tihanci ta vona.”

Eksoda 4:20

Hiloko Muxe a teka nsati ni vana va yena, a va gadisa mbhongolo, kutani a tlhelela etikweni ra Egipta, a famba a khomile nhonga ya Xikwembu.

Eksoda 4:17

Naswona nhonga leyi, u ta famba u yi khomile, u ta endla swihlamariso ha yona.”

Eksoda 4:2

Hiloko HOSI Xikwembu xi ku: “U khome yini kwalaho xana?” Muxe a ku: “I nhonga.”

Esaya 10:26

Mina HOSI ya matimba hinwawo, ndzi ta va ba hi ximoko, ku fana ni leswi ndzi biseke xiswona Vamidiyani le ribyeni ra Orebe; nhonga ya mina yi ta va ehenhla ka vona, ndzi ta yi tlakusa ku fana ni leswi ndzi swi endleke le Egipta.

Eksoda 7:9

“Loko Faro a mi byela leswaku mi tikombisa hi ku endla swihlamariso, wena Muxe u ta lerisa Aroni leswaku a teka nhonga ya yena a yi hoxa hansi emahlweni ka Faro, kutani yi ta hundzuka nyoka.”

Tinhlayo 20:11

Hiloko Muxe a tlakusa voko ra yena, a ba ribye kambirhi hi nhonga; kutani ku huma mati, ma tele swinene; ntshungu wu nwa ni swifuwo swa wona.

Eksoda 14:15

Kutani HOSI Xikwembu xi ku ka Muxe: “Xana u huwelela u lava yini eka mina xana? Byela Vaisraele leswaku va famba va ya emahlweni.

Eksoda 17:5

Hiloko HOSI Xikwembu xi ku ka Muxe: “Hundzela emahlweni ka vanhu, u teka van'wana va vakulukumba va Israele, u rhanga na vona, u famba ni nhonga leyi u nga ba mati ya nambu hi yona.

Eksoda 17:6

Vona, u ta ndzi kuma ndzi ku yimerile le ntshaveni ya Horebe kusuhi ni ribye; u ta fika u ba ribye, kutani ku ta huma mati lawa vanhu va nga ta nwa wona.” Muxe a endla sweswo, vakulukumba va Israele va ri karhi va n'wi vona.

Yoxuwa 8:18

Kutani HOSI Xikwembu xi ku ka Yoxuwa: “Tlakusa tlhari leri nga vokweni ra wena u kombetela muti wa Ayi ha rona, hikuva muti lowu ndzi ta wu nyiketa emavokweni ya wena.” Kutani Yoxuwa a tlakusa tlhari leri a a ri khomile, a kombetela muti wa Ayi.

2 TIHOSI 4:29

Kavaloko Elixa a lerisa Gehazi, a ku: “Tikhame, u teka nhonga ya mina ya vuprofeta, u kahlula. Loko u tshuka u hlangana ni munhu endleleni, u nga n'wi xeweti; niloko munhu a ku xeweta, u nga hlamuli. Kutani u ya tlhandleka nhonga ya mina exikandzeni xa n'wana.”

Habakuku 3:8

Xana u hlundzukela milambu, we HOSI, u karihela yona xana? Xana ku hlundzuka ka wena ku kongomile lwandle ke, siku u gadaka mapapa wonge i tihanci ta wena, siku u ma khandziyaka wonge i makalichi ya wena yo hlula ha wona enyimpini, xana?