Eksoda 13:8 - BIBELE Mahungu Lamanene

⁸ Hi siku rero ra nkhuvo, mi fanele ku byela vana va n'wina, mi ku: ‘Hi endla leswi hikwalaho ka mintirho leyi HOSI Xikwembu xi hi endleleke yona, siku hi humeke le Egipta.’

Xitsonga (Bibele)

⁸ Hi kona u nga ta byela n'wana wa wena, u ku: ‘Lexi, i xitsundzuxo xa leswi Yehovha a ndzi endleleke swona loko ndzi huma eEgipta.’

Eksoda 13:8 Referans Kwoze

Eksoda 13:14

Kutani eka minkarhi leyi taka, loko vana va n'wina va mi vutisa va ku: ‘Xana leswi swi vula yini xana?’ mi ta va hlamula mi ku: ‘HOSI Xikwembu xi hi humesile hi matimba ya xona lamakulu etikweni ra Egipta, laha a hi ri mahlonga kona.

Pisalema 44:1

We Xikwembu, vatata wa hina va hi byerile leswi u swi endleke khale eminkarhini ya vona, hi swi twile hi tindleve ta hina:

Esaya 38:19

Vanhu lava hanyaka, hi vona ntsena lava kotaka ku ku nkhensa, ku fana na mina ndzi ku nkhensaka sweswi; vatswari a va dyondzise vana va vona leswaku u Xikwembu xo tshembeka.

Eksoda 10:2

kutani wena u ta rungulela vana va wena ni vatukulu va wena hilaha ndzi tlangeke hi Vaegipta hakona; u ta va hlayela ni swikombiso leswi ndzi swi humeseke exikarhi ka Vaegipta, kutani mi ta tiva leswaku hi mina HOSI Xikwembu.”

Vaefesa 6:4

Na n'wina vatatana, mi nga dyisi vana va n'wina embitsi, kambe mi va kurisa, hi ku va laya ni ku va dyondzisa ta Hosi.

Duteronoma 6:20

“Eminkarhini leyi taka, loko vana va n'wina va mi vutisa va ku: ‘Xana HOSI Xikwembu xa hina xi mi nyikele yini switsundzuxo leswi ni milawu leyi ni swiletelo leswi xana?’,