Eksoda 13:6 - BIBELE Mahungu Lamanene

⁶ Mi fanele ku dya xinkwa lexo-ke-comela masiku ya 7, kutani hi siku ro hetelela ri nga ra vu-7, mi endla nkhuvo wo tlangela HOSI Xikwembu.

Xitsonga (Bibele)

⁶ Mi ta dya vuswa lebyo kala comela hi ntlhanu wa masiku ni masiku mambirhi; kutani hi siku ra ntlhanu na mambirhi, ku ta va nkhuvo wa Yehovha.

Eksoda 13:6 Referans Kwoze

Levhitika 23:8

Emasikwini lawa ya 7, mi fanele ku ndzi humesela magandzelo mina HOSI. Hi siku ra vu-7 mi ta tlhela mi hlengeletana mi ndzi gandzela; hi siku leri, mi nga tshuki mi tirha ntirho na wun'we lowu tikaka.”

Eksoda 34:18

“Mi ta endla nkhuvo wa Xinkwa lexo-ke-comela, hilaha ndzi mi leriseke hakona. Mi fanele ku dya xinkwa lexo-ke-comela masiku ya 7, hi nkarhi lowu vekiweke eka n'hweti ya Abibi, hikuva hi yona n'hweti leyi mi humeke ha yona etikweni ra Egipta.

Duteronoma 16:8

Emasikwini lawa ya 6, mi fanele ku dya xinkwa lexo-ke-comela; kutani hi siku ra vu-7, mi ta hlengeletana mi gandzela HOSI Xikwembu xa n'wina. Hi siku leri, mi nga tshuki mi endla ntirho ni wun'we.

2 TIKRONIKA 30:21

Vaisraele lava a va ri eYerusalema va dya nkhuvo wa Xinkwa lexo-ke-comela masiku ya 7, hi ku tsaka lokukulu. Siku rin'wana ni rin'wana, Valevhi ni vaprista a va dzunisa HOSI Xikwembu hi tinsimu, va yimbelela va ri karhi va chaya swichaya-chayani swa vona va nga karhali.

Yoxuwa 5:11

Siku leri tlhandlamaka ra nkhuvo wa Paseka, Vaisraele va lumile swa tiko ra Kanana: Hi siku rero va dyile swimbhundzwa leswo-ke-comela ni tindzhoho leti oxiweke.