Eksoda 13:22 - BIBELE Mahungu Lamanene

²² Papa leri a ri nembelela ninhlekanhi, ni ndzilo lowu a wu pfurha nivusiku, a swi nga suki emahlweni ka Vaisraele.

Xitsonga (Bibele)

²² Ku nembelela ka papa ninhlekanhi, ni ku pfurha ka ndzilo nivusiku, a ku sukanga emahlweni ka tiko.

Eksoda 13:22 Referans Kwoze

Nhlavutelo 10:1

Kutani ndzi vona ntsumi yin'wana ya matimba yi xika hi le tilweni yi phutseriwile hi papa, yi ri ni nkwangulatilo ehenhla ka nhloko ya yona; nghohe ya yona a yi fana ni dyambu, milenge ya yona yi fana ni timhandze ta ndzilo.

Eksoda 14:1

Kutani HOSI Xikwembu xi ku ka Muxe:

Eksoda 14:19

Kutani ntsumi ya Xikwembu leyi a yi rhangela mintshungu ya Vaisraele, yi suka yi ya endzhaku ka vona. Na rona papa leri a ri nembelela emahlweni ka vona ri suka ri ya yima hi le ndzhaku ka vona,

Tinhlayo 9:15

Hi siku leri Ntsonga lowu nga ni Areka ya Ntwanano wu yimisiweke ha rona, papa ri wu khubumeta; nivusiku a ri fana ni ndzilo, ri funengeta Ntsonga dyambu ri kondza ri xa.

Nehemiya 9:12

Ninhlekanhi, u va rhangerile hi ku nembeleta papa emahlweni ka vona; nivusiku u va rhangerile hi ku nembeleta ndzilo lowu pfurhaka wu va voningela ndlela leyi va faneleke ku famba ha yona.

Nehemiya 9:19

Hambiswiritano wena a wu va tshikanga emananga, hikuva u tele ku twela vusiwana; papa leri a ri nembelela ninhlekanhi ri va komba ndlela a ri sukanga emahlweni ka vona, hambi wu ri ndzilo lowu a wu pfurha nivusiku wu va voningela ndlela leyi a va fanele ku famba ha yona, a wu sukanga.

Esaya 4:5

Muti hinkwawo lowu nga ntshaveni ya Siyoni, ni hinkwako laha vanhu va hlengeletanaka kona, HOSI Xikwembu xi ta swi funengeta hi papa ninhlekanhi, nivusiku xi ta swi funengeta hi musi ni ndzilo lowu pfurhaka. Ku kwetsima ka HOSI Xikwembu ku ta va xisirhelelo lexi khubumetaka muti matlhelo hinkwawo.

Eksoda 40:38

Papa ra HOSI Xikwembu a ri khubumeta Ntsonga ninhlekanhi; nivusiku a ku pfurha ndzilo epapeni, Vaisraele va ri karhi va swi vona, masiku hinkwawo ya riendzo ra vona.