Eksoda 13:21 - BIBELE Mahungu Lamanene

²¹ Ninhlekanhi, HOSI Xikwembu a xi va rhangela hi ku nembeleta papa emahlweni ka vona, xi va komba ndlela, kasi nivusiku, a xi nembeleta ndzilo, xi va voningela ndlela, leswaku va ta kota ku famba vusiku ni nhlekanhi.

Xitsonga (Bibele)

²¹ Yehovha a va rhangela emahlweni hi ku nembelela ka papa ninhlekanhi, ku va komba ndlela, ni ku pfurha ka ndzilo nivusiku ku va voningela leswaku va famba nhlekanhi ni vusiku.

Eksoda 13:21 Referans Kwoze

Nehemiya 9:12

Ninhlekanhi, u va rhangerile hi ku nembeleta papa emahlweni ka vona; nivusiku u va rhangerile hi ku nembeleta ndzilo lowu pfurhaka wu va voningela ndlela leyi va faneleke ku famba ha yona.

Pisalema 99:7

A xi vulavula na vona xi ri epapeni leri nembelelaka, kutani vona a va hlayisa swiletelo swa xona ni milawu leyi xi va nyikeke yona.

Duteronoma 1:33

hambileswi xona a xi mi rhangela mahlweni, xi mi komba ndlela, ni laha mi nga dzimaka mintsonga ya n'wina kona. Loko mi famba nivusiku, a xi mi rhangela hi ndzilo, kasi loko ri xile a xi mi rhangela hi papa.

Pisalema 105:39

Hiloko Xikwembu xi nembeleta papa ro sirhelela Vaisraele ninhlekanhi, nivusiku xi va voningela hi ndzilo.

Pisalema 78:14

Ninhlekanhi a xi va rhangela hi papa, kasi vusiku byin'wana ni byin'wana, a xi va voningela ndlela hi ndzilo.

Nehemiya 9:19

Hambiswiritano wena a wu va tshikanga emananga, hikuva u tele ku twela vusiwana; papa leri a ri nembelela ninhlekanhi ri va komba ndlela a ri sukanga emahlweni ka vona, hambi wu ri ndzilo lowu a wu pfurha nivusiku wu va voningela ndlela leyi a va fanele ku famba ha yona, a wu sukanga.

Tinhlayo 14:14

Kutani va ta byela vaaki va tiko ra Kanana emhaka leyi. Vanhu lava va swi twile leswaku wena HOSI u kona exikarhi ka Vaisraele, ni leswaku u tikombile eka vona hi tindlela leto tala; naswona papa ra wena a ri hambani na vona; u va rhangela emahlweni u ri endzeni ka papa leri nembelelaka ninhlekanhi, u tlhela u nembeleta ndzilo u va voningela ndlela nivusiku.

Tinhlayo 10:34

Loko va suka emixaxeni, papa ra HOSI Xikwembu a ri va ehenhla ka vona nhlekanhi hinkwawo.

Eksoda 16:10

Loko Aroni a ri karhi a vulavula ni ntshungu hinkwawo wa Vaisraele, va languta etlhelo ra mananga, kutani va vona ku kwetsima ka HOSI Xikwembu epapeni.

Duteronoma 31:8

HOSI Xikwembu hi xoxe, hi xona xi nga ta ku rhangela emahlweni, xi nga ka xi nga ku fularheli kumbe ku ku tshika; hikokwalaho, u nga tshuki u chava kumbe ku hela matimba.”

Pisalema 68:7

We Xikwembu, siku u humeke ni vanhu va wena u tsemakanya na vona mananga,

Pisalema 77:20

U fambisile vanhu va wena kukota ntlhambi, u va risa hi Muxe na Aroni.

Risimu ra Tinsimu 3:6

Xana i ncini lexi taka hi tlhelo ra mananga, xo fana ni papa ra musi, xi n'wan'waseriwile mafurha ya mirha ni mirhi ya risuna, ni swinun'hweriso hinkwaswo leswi xavisiwaka, xana?

Eksoda 10:10

Kutani Faro a ku ka vona: “Loko ndzo mi tshika mi famba ni mindyangu ya n'wina, swi ta vula leswaku HOSI Xikwembu xi na n'wina! Swa vonaka leswaku mi le ku lukeni ka makungu layo biha.

Eksoda 32:1

Loko Vaisraele va vona leswaku Muxe wa hlwela ku rhelela a vuya hi le ntshaveni, va vitanana va ya hlengeletana eka Aroni, va ku ka yena: “Hatlisa u hi endlela xikwembu lexi nga ta hi rhangela emahlweni, hikuva a hi tivi leswaku Muxe wa kona loyi a nga hi susa etikweni ra Egipta, ú helele kwihi.”