Eksoda 13:19 - BIBELE Mahungu Lamanene

¹⁹ Muxe a a tekile ni marhambu ya Yosefa, hikuva Yosefa a a lerisile Vaisraele ku hlambanya leswaku va ta endla sweswo a ku: “Xikwembu xi ta ta xi ta mi kutsula, kutani mi fanele ku teka marhambu ya mina laha tikweni leri, mi famba na wona.”

Xitsonga (Bibele)

¹⁹ Muxe a teka na yena marhambu ya Yosefa; hikuva Yosefa a hlambanyele vana va Israele, a ku: “Kunene Xikwembu xi ta mi endzela kutani mi ta suka halenu mi tekile; marhambu ya mina.”

Eksoda 13:19 Referans Kwoze

Yoxuwa 24:32

Marhambu ya Yosefa lawa Vaisraele va humeke na wona etikweni ra Egipta, va ma celerile eXikeme, endhawini leyi Yakobo a yi xaveke eka vana va Hamoro tata wa Xikeme hi mali ya tisilivhere ta 100. Kutani ndhawu leyi yi vile ndzhaka ya vatukulu va Yosefa.

Timhaka 7:16

Va rhwariwa va yisiwa eXikeme, va lahliwa esirheni ra Abrahama, leri a a ri xavile hi mali ya silivhere eka vana va Hemori, kwale Xikeme.

Genesa 48:21

Kutani Yakobo a ku ka Yosefa: “Vona, ndzi le kusuhi ni ku fa, kambe Xikwembu xi ta va na n'wina, xi ta mi tlherisela etikweni ra vakokwa wa n'wina.

Luka 7:16

Hinkwavo va khomiwa hi ku chava, va dzunisa Xikwembu va ku: “Ku humelele muprofeta lonkulu exikarhi ka hina.” Naswona a va ku: “Xikwembu xi endzele tiko ra xona.”

Luka 1:58

Lava akeke na yena ni maxaka ya yena va twa leswaku Hosi yi n'wi katekisile swinene, kutani va tsaka swin'we na yena.

Eksoda 4:31

Kavaloko Vaisraele va kholwa: Loko va twisisile leswaku HOSI Xikwembu xi tile eka vona hakunene, ni leswaku xi vonile ku xaniseka ka vona, va korhamela hansi va xi gandzela.

Timhaka 7:15

Kutani Yakobo a rhelela a ya le Egipta; yena ni vatata wa hina va fela kona.

Vaheveru 11:22

Hi ku pfumela, Yosefa, eku heteleleni ka vutomi bya yena, ú vurile ta ku huma ka Vaisraele etikweni ra Egipta, kutani a lerisa leswi a nga ta lahlisiwa xiswona.