Eksoda 13:14 - BIBELE Mahungu Lamanene

¹⁴ Kutani eka minkarhi leyi taka, loko vana va n'wina va mi vutisa va ku: ‘Xana leswi swi vula yini xana?’ mi ta va hlamula mi ku: ‘HOSI Xikwembu xi hi humesile hi matimba ya xona lamakulu etikweni ra Egipta, laha a hi ri mahlonga kona.

Xitsonga (Bibele)

¹⁴ Kutakuloko n'wana wa wena a ku vutisa emikarhini yin'wana, a ku: ‘Mhaka leyi i yihi?’ U ta ku eka yena: ‘Yehovha u hi humesile hi voko ra matimba endlwini ya vukhumbi;

Eksoda 13:14 Referans Kwoze

Yoxuwa 4:6

leswaku ma ta va xikombiso exikarhi ka n'wina. Loko vana va n'wina va mi vutisa eminkarhini leyi taka va ku: ‘Maribye lawa ma vula yini eka n'wina xana?’

Eksoda 13:3

Kutani Muxe a byela vanhu, a ku: “Siku leri, mi nga tshuki mi ri rivala, hikuva hi rona siku leri HOSI Xikwembu xi mi humeseke hi matimba ya xona etikweni ra Egipta, laha a mi ri mahlonga kona. Hi siku leri, mi nga tshuki mi dya xinkwa lexi nga ni comela.

Pisalema 145:4

Vanhu va nkarhi wa sweswi va ta byela lava va ha taka leswi u swi endleke, va ta va tivisa mintirho ya wena ya matimba.

Yoxuwa 22:24

Kambe hina hi akile hi ku chava leswaku eminkarhini leyi taka, vana va n'wina va ta byela vana va hina va ku: ‘Xana mi tiva yini hi HOSI Xikwembu xa Israele xana?

Eksoda 13:9

Nkhuvo lowu wu ta va xitsundzuxo eka n'wina, ku fana ni loko mi bohile xanchumu evokweni kumbe emombyeni, leswaku mi ta kala mi nga rivali ku twarisa ni ku dyondzisa nawu wa HOSI Xikwembu, hikuva xi mi humesile etikweni ra Egipta hi matimba ya xona lamakulu.

Eksoda 10:2

kutani wena u ta rungulela vana va wena ni vatukulu va wena hilaha ndzi tlangeke hi Vaegipta hakona; u ta va hlayela ni swikombiso leswi ndzi swi humeseke exikarhi ka Vaegipta, kutani mi ta tiva leswaku hi mina HOSI Xikwembu.”

Genesa 30:33

Siku u nga ta ta u ta vona leswi u ndzi hakeleke hi swona, ku tshembeka ka mina ku ta tikomba. Loko u kuma ndzi ri ni mbuti leyi yi nga riki na mavalavala, kumbe nyimpfu leyi nga riki ya ntima exikarhi ka ntlhambi, u swi hlaya swi ri leswi ndzi nga ta va ndzi lo swi yiva.”

Timhaka 13:17

Xikwembu xa tiko leri ra Vaisraele xi hlawurile vatata wa hina, kutani loko Vaisraele lava va ha luverile etikweni ra Egipta, Xikwembu xi va kurisa, xi vuya xi va humesa kona hi matimba lamakulu.

Eksoda 6:6

Hikokwalaho tivisa Vaisraele leswaku ndzi ri ka vona: ‘Hi mina HOSI Xikwembu, kutani ndzi ta mi humesa emintirhweni yo tika ya le Egipta, ndzi mi ponisa evuhlongeni bya kona, ndzi mi kutsula hi mintirho ya mina ya matimba ni ku avanyisa loku hlamarisaka.

Eksoda 13:8

Hi siku rero ra nkhuvo, mi fanele ku byela vana va n'wina, mi ku: ‘Hi endla leswi hikwalaho ka mintirho leyi HOSI Xikwembu xi hi endleleke yona, siku hi humeke le Egipta.’

Pisalema 78:4

A hi nga ti fihleli vatukulu va vona, vona lava va taka endzhaku ka hina, hi ta va tivisa mintirho leyo dzuneka ya HOSI Xikwembu ni matimba ya xona, hi va byela ni leswo hlamarisa leswi xi swi endleke.

Eksoda 6:1

Kutani HOSI Xikwembu xi ku ka Muxe: “Sweswi u ta vona leswi ndzi nga ta swi endla eka Faro: Ndzi ta tirhisa matimba ya mina leswaku Faro a tshika vanhu va Israele va famba. Ina, hi ku sindzisiwa hi mina, ú ta va hlongola kunene, va huma etikweni ra yena.”

Eksoda 6:7

Naswona ndzi ta mi endla vanhu va mina, mina ndzi va Xikwembu xa n'wina; kutani mi ta swi tiva leswaku hi mina HOSI Xikwembu xa n'wina, lexi nga ta mi humesa emintirhweni yo tika ya le Egipta.

Eksoda 12:41

Loko ku hundzile malembe ya 430, hi siku roleri ra nkhuvo, mintshungu hinkwayo ya HOSI Xikwembu yi humile etikweni ra Egipta.

Eksoda 20:2

“Hi mina HOSI Xikwembu xa wena, lexi xi ku humeseke etikweni ra Egipta, ni le vuhlongeni bya kona.

Duteronoma 5:6

‘Hi mina HOSI Xikwembu xa wena, lexi xi ku humeseke etikweni ra Egipta ni le vuhlongeni bya kona.

Duteronoma 5:15

Tsundzuka leswaku a wu ri hlonga etikweni ra Egipta, ni leswaku mina HOSI Xikwembu xa wena ndzi ku humesile evuhlongeni byebyo, hi ntamu lowukulu ni mintirho ya matimba. Hikokwalaho, mina HOSI Xikwembu xa wena ndzi ku lerisa ku hlayisa siku ra Savata.

Duteronoma 6:12

mi nga tshuki mi rivala HOSI Xikwembu lexi xi mi humeseke etikweni ra Egipta ni le vuhlongeni bya kona.

Yoxuwa 24:17

hikuva hi xona HOSI Xikwembu xa hina lexi xi hi humeseke evuhlongeni etikweni ra Egipta, hina ni vatata wa hina. Hi xona xi endleke mahlori lamakulu hi ri karhi hi swi vona, xi hi hlayisa eriendzweni leri hi ri fambeke ni le ka vanhu hinkwavo lava hi hundzeke exikarhi ka vona.

Vaavanyisi 2:12

va tshika HOSI, Xikwembu xa vatata wa vona lexi xi va humeseke etikweni ra Egipta, kutani va ya tirhela swikwembu swa vamatiko lava va va rhendzeleke; kutani Vaisraele va hlundzukisa HOSI Xikwembu hi ku humesela swikwembu leswi emagandzelo.

Vaavanyisi 6:8

xi va rhumerile muprofeta, a fika a ku ka vona: “HOSI Xikwembu xa Israele xi vula sweswo, xi ri: ‘Hi mina loyi a mi humeseke etikweni ra Egipta ni le vuhlongeni bya kona;

1 TIKRONIKA 16:12

Anakanyani mintirho ya yona leyo hlamarisa, ni hilaha ku lerisa ka yona ku mi lamuleleke hakona.

Nehemiya 1:10

Lawa i malandza ya wena; hi vona vanhu va wena lava u va ntshunxeke hi ntamu wa wena lowukulu, ni mintirho ya wena ya matimba.

Pisalema 136:11

Ú humesile Vaisraele etikweni ra Egipta, — Rirhandzu ra yena hi leri nga heriki —

Yeremiya 34:13

“Mina HOSI Xikwembu xa Israele ndzi ri, ndzi endlile ntwanano ni vatata wa n'wina, siku ndzi va humeseke evuhlongeni le tikweni ra Egipta, ndzi ku ka vona:

Daniele 9:15

“We N'wini wa hina ni Xikwembu xa hina, hi wena u hi humeseke etikweni ra Egipta, hi matimba ya wena lamakulu, u titwarisa ha swona ku ta fika ni namuntlha. Kambe hina hi ku dyoherile, hi endla leswo biha.