Eksoda 12:38 - BIBELE Mahungu Lamanene

³⁸ Va fambile ni vanhu lavo tala va tinxaka tin'wana, ni mintlhambi yo tala ngopfu ya tinyimpfu ni timbuti ni tihomu.

Xitsonga (Bibele)

³⁸ Kambe lavo tala va matiko va suka na vona, ni mitlhambi ya tinyimpfu ni tihomu leto tala ngopfungopfu.

Eksoda 12:38 Referans Kwoze

Tinhlayo 11:4

Exikarhi ka Vaisraele a ku ri ni ntlawa wa vanhu vambe lava a va rilela swakudya swo nandziha, kutani Vaisraele va tlhela va vilela, va ku: “Mawaku lava dyaka nyama!

Zakariya 8:23

HOSI ya matimba hinkwawo yi vurisa sweswo, yi ri: “Erixakeni rin'wana ni rin'wana ku ta huma vavanuna va khume, va khoma Muyuda hi xiambalo va ku: ‘Hi lava ku famba na wena, hikuva hi swi twile leswaku Xikwembu xi na n'wina Vayuda.’ ”

Eksoda 10:9

Muxe a hlamula a ku: “Hi fanele ku famba hinkwerhu, hambi va ri lavatsongo kumbe lavakulu. Hambi va ri vana va hina va majaha kumbe vanhwana, hi ta famba na vona; na tona timbuti ni tinyimpfu ni tihomu ta hina, a ti nga sali, hikuva hi ta va ni nkhuvo wo tlangela HOSI Xikwembu.”

Eksoda 17:3

Vanhu va khomiwa hi torha swinene kwale Refidimi, kutani va dzumadzumela Muxe, va ku ka yena: “Xana u hi humesele yini etikweni ra Egipta, u ta hi lovisa hi torha, hina ni vana va hina ni swifuwo swa hina xana?”

Tinhlayo 20:19

Kutani Vaisraele va ku ka hosi ya Edomu: “Hi ta famba hi gondzo lerikulu; loko hina ho tshuka hi nwa mati ya tiko ra n'wina, kumbe loko ku nwa swifuwo swa hina, hi ta hakela; hina a hi kombeli swin'wana, ho kombela ntsena ku tsemakanya hi le tikweni ra n'wina.”

Tinhlayo 32:1

Va nyimba ya ka Rhuveni ni ya ka Gadi a va ri ni swifuwo swo tala ngopfu; kutani matiko ya Yazere na Giliyadi va ma vonile ma ri lama faneleke hi swifuwo.

Duteronoma 3:19

Kambe vasati va n'wina ni vana va ta sala emitini leyi ndzi mi nyikeke yona; hambi swi ri swifuwo swa n'wina swi ta sala; ndza swi tiva leswaku mi ni swifuwo leswo tala.

Yoxuwa 8:35

Yoxuwa a nga tlulanga hambi ri ri rito ni rin'we ra lawa Muxe a ma leriseke. Ú hlayerile ntshungu hinkwawo wa Vaisraele. Vavasati, ni vana, ni vanhu lava luveleke exikarhi ka Vaisraele, na vona a va ri kona.

Nehemiya 13:3

Loko vanhu va twile nawu, va hambanisa Vaisraele ni vanhu va tinxaka tin'wana.

Levhitika 24:10

Emixaxeni ya Vaisraele, a ku ri ni wanuna loyi tata wa yena a a ri Muegipta; mana wa yena a a ri Muisraele loyi a va ku i Xelomiti N'wa-Dibri wa nyimba ya ka Dani. Siku rin'wana, wanuna loyi ú holovisanile na Muisraele un'wana kwale mixaxeni, kutani Muegipta loyi a sandza vito ra Xikwembu, a tlhela a rhuketela. Hiloko van'wana va n'wi khoma, va n'wi yisa eka Muxe,