Eksoda 12:3 - BIBELE Mahungu Lamanene

³ Vitanani Vaisraele hinkwavo, mi va byela leswaku, hi siku ra vukhume ra n'hweti leyi, va lavela mindyangu ya vona swinyimpfana kumbe swimbutana, xin'we hi ndyangu;

Xitsonga (Bibele)

³ Byelani nhlengeletano hinkwayo ya Israele, mi ku: Hi siku ra vukhume ra n'hweti leyi, un'wana ni un'wana u ta tihlawulela xinyimpfana kumbe ximbutana swi ya hi tindlu; yindlu yin'wana ni yin'wana yi ta va ni xinyimpfana kumbe ximbutana.

Eksoda 12:3 Referans Kwoze

1 Vakorinto 5:7

Cukumetani comela xa khale, leswaku mi ta va mbila leyintshwa. Mhaka ya kona hileswaku a ma ha ri na comela, hikuva Kriste, la nga xinyimpfana xa hina xa Paseka, ú tlhaviwile.

Yohane 1:29

Siku leri tlhandlamaka, Yohane a vona Yesu a ri karhi a ta a n'wi kongomile, kutani a ku: “Vonani! Hi lexi Xinyimpfana xa Xikwembu lexi susaka swidyoho swa misava!

Levhitika 5:6

kutani a humesela HOSI Xikwembu mhamba leyi nga ta susa xidyoho lexi; a nga humesa xifuwo lexitsongo xa xisati, xo fana ni nyimpfu kumbe mbuti. Kutani muprista ú ta n'wi basisa exidyohweni lexi a xi endleke.

Levhitika 1:2

ku ya vulavula ni Vaisraele, a ku ka vona: “Loko un'wana wa n'wina a lava ka humesela HOSI Xikwembu magandzelo, ú fanele ku pambula xin'wana xa swifuwo swa yena leswikulu kumbe leswitsongo, a humesa xona.

Yohane 12:12

Siku leri tlhandlamaka, ntshungu lowukulu wa vanhu lava a va tile enkhubyeni, wu twa leswaku Yesu wa ta eYerusalema;

Yohane 1:36

A vona Yesu a ri karhi a hundza, kutani a ku: “Vonani! Hi lexi Xinyimpfana xa Xikwembu!”

2 TIKRONIKA 35:7

Yosiyasi a hlawula swinyimpfana ni swimbutana swa 30 000 emintlhambini ya yena, a pambula ni tinkuzi ta 3 000, a nyika vanhu va yena lava a va ri kona, leswaku va humesa ha swona magandzelo ya Paseka.

Tinhlayo 15:11

“Hi swona leswi swi nga ta humesiwa loko ku tlhaviwa nkuzi, kumbe khuna, kumbe swinyimpfana swa xinuna kumbe swimbutana swa xinuna.

Eksoda 12:6

xi hlayisiwa ku fikela siku ra vu-14 ra n'hweti leyi, kutani hi siku leri, Vaisraele hinkwavo va ta hlengeletana, va tlhava swifuwo swa vona hi minkarhi ya madyambu.

Eksoda 6:6

Hikokwalaho tivisa Vaisraele leswaku ndzi ri ka vona: ‘Hi mina HOSI Xikwembu, kutani ndzi ta mi humesa emintirhweni yo tika ya le Egipta, ndzi mi ponisa evuhlongeni bya kona, ndzi mi kutsula hi mintirho ya mina ya matimba ni ku avanyisa loku hlamarisaka.

Eksoda 4:30

Kutani Aroni a tivisa vanhu hinkwaswo leswi HOSI Xikwembu xi leriseke Muxe swona, a endla ni swikombiso emahlweni ka vona.

Genesa 22:8

Abrahama a hlamula a ku: “N'wananga, loko swi ri swa xinyimpfana xa gandzelo leri hisiwaka, swi ta vona hi Xikwembu.” Kutani va ya emahlweni va famba swin'we.

Genesa 4:4

kasi Avele yena ú lo pambula swinyimpfana leswi noneke swa mativula exikarhi ka ntlhambi wa yena, a humesela HOSI Xikwembu. Kutani xona xi amukela Avele ni gandzelo ra yena,

Nhlavutelo 13:8

Kutani vaaki hinkwavo va laha misaveni va ta xi gandzela; hileswaku un'wana ni un'wana loyi vito ra yena ri nga tsariwangiki khale, hi mpfhuka misava yi tumbuluka, ebukwini ya vutomi ya Xinyimpfana lexi dlayiweke, ú ta gandzela xivandzana.

1 SAMIELE 7:9

Kavaloko Samiele a tlhava xinyimpfana lexa ha mamaka, a endla gandzelo leri hisiwaka ha xona, a xi humesela HOSI Xikwembu; kutani Samiele a khongelela Vaisraele hi ku huwelela eka xona, kutani xona xi hlamula xikhongelo xa kona.

Yoxuwa 7:14

Mundzuku nimpundzu, mi ta xaxametiwa hi tinyimba ta ka n'wina, kutani nyimba leyi mina Hosi ndzi nga ta yi hlawula yi ta xaxamela hi mindyangu ya yona; kutani ndyangu lowu ndzi nga ta wu hlawula, wu ta xaxamela hi tindlu ta wona; kutani vanhu va yindlu leyi ndzi nga ta yi hlawula, va ta xaxamela ha un'we-un'we.

Eksoda 20:19

Kutani va ku ka Muxe: “Vulavula na hina wena, hi ta yingisa, kambe xi nga vi Xikwembu lexi vulavulaka na hina, hikuva hi nga fa!”

Eksoda 14:15

Kutani HOSI Xikwembu xi ku ka Muxe: “Xana u huwelela u lava yini eka mina xana? Byela Vaisraele leswaku va famba va ya emahlweni.

Yohane 12:1

Loko ka ha sele masiku ya 6 nkhuvo wa Paseka wu nga si va kona, Yesu a ya eBetaniya. Kona a ku tshama Lazaro loyi Yesu a a n'wi pfuxile eku feni.

Eksoda 12:2

“N'hweti leyi eka n'wina yi ta va yo sungula ya tin'hweti hinkwato, mi ta sungula lembe ha yona.

Eksoda 12:4

loko va ndyangu wun'we va vona leswaku va ta tsandzeka ku dya xifuwo va heta va ri voxe, va fanele ku twanana ni vaakelani va vona, va lava xifuwo xin'we, va avelana xona hi ku landza nhlayo ya vona, ni leswi munhu un'wana ni un'wana a nga ta dya swona.

Eksoda 12:21

Kutani Muxe a vitana vakulukumba va Israele hinkwavo, a ku ka vona: “Hatlisani mi lavela mindyangu ya n'wina swinyimpfana, mi swi tlhavela nkhuvo wa Paseka.

Ezekiele 40:1

Eku sunguleni ka lembe ra vu-25 hi ri evukhumbini, ri nga lembe ra vu-14 endzhaku ka ku hlaseriwa ka Yerusalema, esikwini ra vukhume ra n'hweti, HOSI Xikwembu xi ndzi khoma hi matimba ya xona; kutani esikwini rero,