Eksoda 12:27 - BIBELE Mahungu Lamanene

²⁷ mi ta va hlamula, mi ku: ‘Leri i gandzelo ra nkhuvo wa Paseka wo tlangela HOSI Xikwembu, hikuva xi hundzile ntsena xi nga khumbi tindlu ta Vaisraele le Egipta, loko xi ri karhi xi lovisa Vaegipta, kutani xi tsetselerile mindyangu ya hina.’ ” Kavaloko Vaisraele va nkhinsama hi matsolo, va khongela,

Xitsonga (Bibele)

²⁷ Mi ta ku eka vona: ‘I gandzelo ra Paseka ya Yehovha la nga hundza etindlwini ta vana va Israele eEgipta, loko a ba Egipta, a hlayisa tindlu ta hina.’ ” Kutani tiko ri korhama ri khinsama.

Eksoda 12:27 Referans Kwoze

Eksoda 4:31

Kavaloko Vaisraele va kholwa: Loko va twisisile leswaku HOSI Xikwembu xi tile eka vona hakunene, ni leswaku xi vonile ku xaniseka ka vona, va korhamela hansi va xi gandzela.

Eksoda 12:11

Loko mi dya xifuwo lexi, mi fanele ku va mi tikhamile, mi ambarile tintanghu, mi khomile tinhonga emavokweni; naswona, mi dya hi ku hatlisa. Hi wona nkhuvo wa Paseka lowu endleriwaka mina HOSI.

1 Vakorinto 5:7

Cukumetani comela xa khale, leswaku mi ta va mbila leyintshwa. Mhaka ya kona hileswaku a ma ha ri na comela, hikuva Kriste, la nga xinyimpfana xa hina xa Paseka, ú tlhaviwile.

Eksoda 12:23

Kutani loko HOSI Xikwembu xi tsemakanya tiko ra Vaegipta ku va lovisa, xi ta vona ngati erimbeni ra le henhla ni le marimbeni ya le matlhelo ya rivanti, kutani xi ta ri hundza ntsena; xi nga ka xi nga pfumeleri loyi a rhumiweke ku dlaya, a nghena etindlwini ta n'wina ku ta mi lovisa.

Nehemiya 8:6

Ezra a dzunisa HOSI Xikwembu, xona Xikwembu lexikulu, kutani vanhu hinkwavo va hlamula va ku: “Amen! Amen!” va ri karhi va tlakusela mavoko ehenhla. Kutani va nkhinsama, va korhamela hansi va khongela HOSI Xikwembu.

2 TIKRONIKA 29:30

Kutani hosi Hezekiya ni varhangeri va tiko va lerisa Valevhi ku ya emahlweni va dzunisa HOSI Xikwembu hi tinsimu leti qambiweke hi Davhida na Asafa mavonakule. Valevhi va endlisa sweswo, va yimbelela va tsakile ngopfu, va pfa va korhamela hansi, va gandzela na vona.

2 TIKRONIKA 20:18

Kutani Yoxafati a nkhinsama, a korhama, nhloko ya yena yi ko yi khumba hansi, na vona va ka Yuda hinkwavo ni vaaki va Yerusalema va nkhinsamela HOSI Xikwembu va xi gandzela.

1 TIKRONIKA 29:20

Kutani Davhida a vulavula ni nhlengeletano hinkwayo, a ku: “Tlangelani HOSI, Xikwembu xa n'wina!” Hiloko nhlengeletano hinkwayo yi tlangela HOSI, Xikwembu xa vatata wa vona, va korhamisa tinhloko va xi khongela, kutani va tiboha ku tirhela hosi ya tiko.

Duteronoma 16:5

Mi nga tshuki mi humesela magandzelo ya Paseka emitini leyi HOSI Xikwembu xa n'wina xi nga ta mi nyika yona,

Duteronoma 16:2

Mi fanele ku pambula swifuwo swin'wana emintlhambini ya leswikulu kumbe leswitsongo, kutani mi humesela HOSI Xikwembu xa n'wina magandzelo ya Paseka ha swona, endhawini leyi xi nga ta yi hlawula leswaku vito ra xona ri gandzeleriwa eka yona.

Eksoda 34:25

“Loko mi ndzi tlhavela magandzelo, mi nga tshuki mi katsa ngati ya xifuwo ni xinkwa lexi nga ni comela; naswona, loko mi humesa magandzelo enkhubyeni wa Paseka, ku nga tshuki ku va ni leswi nga ta tshama ku fikela nimpundzu.

Eksoda 34:8

Kutani Muxe a korhamela hansi hi ku hatlisa, a khongela,

Eksoda 10:2

kutani wena u ta rungulela vana va wena ni vatukulu va wena hilaha ndzi tlangeke hi Vaegipta hakona; u ta va hlayela ni swikombiso leswi ndzi swi humeseke exikarhi ka Vaegipta, kutani mi ta tiva leswaku hi mina HOSI Xikwembu.”

Eksoda 12:28

kutani va ya endla hilaha HOSI Xikwembu xi leriseke Muxe na Aroni ha kona.

Eksoda 13:14

Kutani eka minkarhi leyi taka, loko vana va n'wina va mi vutisa va ku: ‘Xana leswi swi vula yini xana?’ mi ta va hlamula mi ku: ‘HOSI Xikwembu xi hi humesile hi matimba ya xona lamakulu etikweni ra Egipta, laha a hi ri mahlonga kona.

Pisalema 44:1

We Xikwembu, vatata wa hina va hi byerile leswi u swi endleke khale eminkarhini ya vona, hi swi twile hi tindleve ta hina:

Eksoda 13:8

Hi siku rero ra nkhuvo, mi fanele ku byela vana va n'wina, mi ku: ‘Hi endla leswi hikwalaho ka mintirho leyi HOSI Xikwembu xi hi endleleke yona, siku hi humeke le Egipta.’

Pisalema 78:5

Xikwembu xi vekile nawu exikarhi ka Vaisraele, xi wu lerisa vona va ka Yakobo; xi lerisile vatata wa hina, leswaku va wu dyondzisa vana va vona,