Eksoda 12:23 - BIBELE Mahungu Lamanene

²³ Kutani loko HOSI Xikwembu xi tsemakanya tiko ra Vaegipta ku va lovisa, xi ta vona ngati erimbeni ra le henhla ni le marimbeni ya le matlhelo ya rivanti, kutani xi ta ri hundza ntsena; xi nga ka xi nga pfumeleri loyi a rhumiweke ku dlaya, a nghena etindlwini ta n'wina ku ta mi lovisa.

Xitsonga (Bibele)

²³ Kutani Yehovha u ta hundza exikarhi ka Egipta ku yi ba; kutakuloko a vona ngati emarimbeni ya nyangwa, u ta hundza ntsena etinyangweni, a nga pfumeleli mudlayi ku nghena kona a mi dlaya.

Eksoda 12:23 Referans Kwoze

Nhlavutelo 9:4

Ti lerisiwa leswaku ti nga onhi byanyi bya misava, hambi ximila xihi na xihi xa rihlaza, kumbe murhi wihi na wihi, kambe ti yela vanhu lava nga riki na mfungho wa Xikwembu emimombyeni ya vona.

Nhlavutelo 7:3

Ntsumi yi ku: “Mi nga onhi misava, kumbe lwandle, kumbe mirhi, ku kondza loko hi ta fungha malandza ya Xikwembu xa hina hi mfungho emimombyeni ya vona.”

Vaheveru 11:28

Hi ku pfumela, ú lunghisile Paseka, a xuva timbanti hi ngati leswaku Muherisi wa mativula a nga khumbi mativula ya Vaisraele.

1 Vakorinto 10:10

Mi nga ngurangureni ku fana ni leswi van'wana va vona va endliseke swona; kutani va herisiwile hi Ntsumi leyi dlayaka.

Ezekiele 9:6

dlayani vakulukumba swin'we ni majaha ni vanhwana ni vavasati ni swihlangi, mi va heta; kambe lava funghiweke emimombyeni, mi nga tshuki mi va khumba! Sungulani hi va le Tempeleni.” Hiloko va sungula hi ku dlaya vakulukumba lava a va yimile emahlweni ka Tempele.

Esaya 37:36

Kutani ntsumi ya HOSI Xikwembu yi humelela emixaxeni ya Vaasiriya, yi lovisa vavanuna va 185 000. Loko ri ya eku xeni, lavan'wana va pfuka, kutani vo vona mintsumbu ntsena.

2 SAMIELE 24:16

Loko ntsumi yi kongoma muti wa Yerusalema ku ya wu herisa, HOSI Xikwembu xi yimisa ntungu lowu wo chavisa, kutani xi byela ntsumi leyi a yi ri karhi yi herisa vanhu xi ku: “Swi ringene, yima!” Enkarhini lowu, ntsumi ya HOSI Xikwembu a yi yimile kusuhi ni xivuya xa Arawuna wa Muyebusi.

Vaheveru 12:24

mi tile ni le ka Yesu, muyimeri wa ntwanano lowuntshwa, ni le ngatini leyi halatiweke, leyi vulaka leswikulu ku tlula ngati ya Avele.

Ezekiele 9:4

HOSI Xikwembu xi ku ka yena: “Emutini wa Yerusalema, ku ni vanhu lava twaka ku vava, lava rilaka loko va vona manyala hinkwawo lama endliwaka emutini; kutani wena, rhendzeleka ni muti, u va fungha emimombyeni.”

Eksoda 11:4

Kutani Muxe a ku ka Faro: “HOSI Xikwembu xi vurisa sweswo xi ri: ‘Exikarhi ka vusiku, ndzi ta rhendzeleka na tiko ra Egipta.

Eksoda 12:7

Kutani va fanele ku teka ngatinyana va xuva ha yona marimba ya timbanti ematlhelo ni le henhla, etindlwini leti va nga ta dyela eka tona nyama ya swifuwo.

Esaya 26:20

N'we vanhu va ka hina, nghenani tindlwini, mi tipfalela kona, mi tumbela kona nkarhinyana, ku kondza vukari bya HOSI Xikwembu byi rhelela.

Ntirho 14:13

Loko a wo kota ku ndzi fihla exivandleni xa vafi, u ndzi tumbeta kona vukari bya wena byi ko byi hela, a wu ta veka nkarhi lowu u nga ta ndzi anakanya ha wona.