Eksoda 12:22 - BIBELE Mahungu Lamanene

²² Tshovani rhavi ra ximudyana xa hisopa, mi ri peta enkambanini lowu nga ni ngati ya xifuwo, kutani mi xuva ha yona marimba ya rivanti, ematlhelo ni le henhla; naswona ku nga tshuki ku va na un'we wa n'wina loyi a humaka endlwini ya yena ku kondza ri xa.

Xitsonga (Bibele)

²² Mi ta teka switluka swa hisopa, mi swi peta engatini, leyi nga ta va enkambaneni, mi xuva emarimbeni ya tinyangwa hi ngati leyi nga enkambaneni, kutani ku nga tshuki ku huma munhu endlwini ya yena ku fika nimixo.

Eksoda 12:22 Referans Kwoze

Vaheveru 11:28

Hi ku pfumela, ú lunghisile Paseka, a xuva timbanti hi ngati leswaku Muherisi wa mativula a nga khumbi mativula ya Vaisraele.

Pisalema 51:7

Ndzi xuve hi xitluka xa murhi wa hisopa, kutani ndzi ta va la tengeke, ndzi hlantswe, ndzi ta basa ku tlula ni gamboko.

Tinhlayo 19:18

Kutani munhu loyi a tengeke ú ta lava rhavi ra ximudyana xa hisopa, a ri peta ematini lawa, a xuva ntsonga ni swingolongondzwana, a xuva ni vanhu lava a va ri kwala ndzeni ka ntsonga. Loko munhu a khumbile rhambu ra munhu wo fa, kumbe ntsumbu wa loyi a dlayiweke kumbe loyi a ngo lo tifela, ni loko a khumbile sirha, na yena ú ta xuviwa hi ndlela yoleyo.

Vaheveru 9:19

Hikuva loko xileriso xin'wana ni xin'wana xa Nawu xi tivisiwile hi Muxe eka vanhu hinkwavo, ú tekile ngati ya marhole ni mati, a teka ni voya byo tshwuka ni matluka ya hisopa, a xuva ha swona buku ya Nawu ni vanhu hinkwavo,

Vaheveru 9:1

Sweswi ke, hambi wu ri ntwanano lowo sungula a wu ri ni milawu ya magandzelele ni xivandla lexi hlawulekeke xo endliwa hi vanhu.

Eksoda 12:7

Kutani va fanele ku teka ngatinyana va xuva ha yona marimba ya timbanti ematlhelo ni le henhla, etindlwini leti va nga ta dyela eka tona nyama ya swifuwo.

Vaheveru 9:14

ngati ya Kriste yona yi ta va leyi tlurisaka ngopfu hi matimba; hikuva Kriste ú tinyiketile hi yexe, hi moya lowu nga heriki, a nga ri na xivati emahlweni ka Xikwembu, kutani ngati ya yena yi basisa mapfalo ya hina emintirhweni leyi nga pfuniki nchumu, leswaku hi tirhela Xikwembu lexi hanyaka.

1 Petro 1:2

va nga lava hlawuriweke khale hi makungu ya Xikwembu Tatana, va hlawulekisiwa hi Moya leswaku va yingisa Yesu Kriste ni ku xuviwa hi ngati ya yena, ndzi ri: Tintswalo ni ku rhula a swi ve na n'wina swi mi talela.

Vaheveru 12:24

mi tile ni le ka Yesu, muyimeri wa ntwanano lowuntshwa, ni le ngatini leyi halatiweke, leyi vulaka leswikulu ku tlula ngati ya Avele.

Matewu 26:30

Kuteloko va yimbelerile risimu, va ya eNtshaveni ya Mitlhwari.

Esaya 26:20

N'we vanhu va ka hina, nghenani tindlwini, mi tipfalela kona, mi tumbela kona nkarhinyana, ku kondza vukari bya HOSI Xikwembu byi rhelela.

Yoxuwa 2:19

Loko un'wana o tshuka a humile, a famba-famba ehandle, ú ta va a lo tilavela rifu, hina a hi nga vi na nandzu; kambe loko un'wana wa lava u nga ta va u ri na vona endlwini o tshuka a vavisiwile, nandzu wu ta va na hina.