Eksoda 12:17 - BIBELE Mahungu Lamanene

¹⁷ Hlayisani siku leri ra nkhuvo wa xinkwa xo-ke-comela, hikuva hi rona siku leri ndzi humeseke mintshungu ya n'wina etikweni ra Egipta ha rona; ri endleni siku ra xiboho, eka n'wina ni ka lava nga ta velekiwa, hilaha ku nga heriki.

Xitsonga (Bibele)

¹⁷ Mi ta hlawula sweswo nkhuvo wa vuswa lebyo kala comela, hikuva hi siku leri ndzi ta humesa mavandla ya n'wina etikweni ra Egipta; mi ta hlayisa siku lero etinxakeni ta n'wina, ku ve ku lerisa loku nga heriki.

Eksoda 12:17 Referans Kwoze

Eksoda 13:8

Hi siku rero ra nkhuvo, mi fanele ku byela vana va n'wina, mi ku: ‘Hi endla leswi hikwalaho ka mintirho leyi HOSI Xikwembu xi hi endleleke yona, siku hi humeke le Egipta.’

Eksoda 13:3

Kutani Muxe a byela vanhu, a ku: “Siku leri, mi nga tshuki mi ri rivala, hikuva hi rona siku leri HOSI Xikwembu xi mi humeseke hi matimba ya xona etikweni ra Egipta, laha a mi ri mahlonga kona. Hi siku leri, mi nga tshuki mi dya xinkwa lexi nga ni comela.

Eksoda 12:41

Loko ku hundzile malembe ya 430, hi siku roleri ra nkhuvo, mintshungu hinkwayo ya HOSI Xikwembu yi humile etikweni ra Egipta.

Eksoda 7:5

Loko ndzi tirhisile matimba ya mina ehenhla ka tiko ra Egipta ku humesa vanhu va mina exikarhi ka rona, hi kona Vaegipta va nga ta tiva leswaku hi mina HOSI Xikwembu.”

Tinhlayo 20:16

Kuteloko hi yisile xirilo xa hina eka HOSI Xikwembu, xi hi hlamurile, xi hi rhumela ntsumi, yi ta hi humesa etikweni ra Egipta; kutani sweswi hi kwala Kadexe, muti lowu nga ndzilekaneni wa tiko ra n'wina.

Eksoda 6:26

Aroni na Muxe, hi vona lava Xikwembu xi nga va byela xi ku: “Humesani vanhu va Israele etikweni ra Egipta, hi mintshungu ya vona.”

Eksoda 12:6

xi hlayisiwa ku fikela siku ra vu-14 ra n'hweti leyi, kutani hi siku leri, Vaisraele hinkwavo va ta hlengeletana, va tlhava swifuwo swa vona hi minkarhi ya madyambu.

Eksoda 12:14

“Siku leri, mi fanele ku ri tsundzuka; ri ta va siku leri mi nga ta endla nkhuvo wo tlangela HOSI Xikwembu ha rona. Nkhuvo lowu wu ta va xiboho ni le ka hinkwavo lava nga ta velekiwa, hilaha ku nga heriki.

Eksoda 12:24

Timhaka leti, mi fanele ku ti hlayisa; a ti ve xiboho, eka n'wina ni ka vatukulu va n'wina, hilaha ku nga heriki.

Eksoda 13:10

Hikokwalaho, swa mi boha ku endla nkhuvo lowu lembe rin'wana ni rin'wana, hi nkarhi lowu vekiweke.

Eksoda 34:18

“Mi ta endla nkhuvo wa Xinkwa lexo-ke-comela, hilaha ndzi mi leriseke hakona. Mi fanele ku dya xinkwa lexo-ke-comela masiku ya 7, hi nkarhi lowu vekiweke eka n'hweti ya Abibi, hikuva hi yona n'hweti leyi mi humeke ha yona etikweni ra Egipta.

Duteronoma 16:3

Nyama ya kona, mi nga tshuki mi yi dya ni xinkwa lexi nga ni comela; mi ta yi dya masiku ya 7 ni xinkwa lexo-ke-comela. Xinkwa lexi xi komba ku xaniseka, hikuva mi humile etikweni ra Egipta hi ku tsutsuma; siku leri mi humeke ha rona etikweni ra Egipta, mi fanele ku ri tsundzuka vutomi bya n'wina hinkwabyo.