Eksoda 12:12 - BIBELE Mahungu Lamanene

¹² “Hi vusiku byebyo, ndzi ta tsemakanya tiko ra Egipta, ndzi lovisa mativula hinkwawo ya Vaegipta, mativula ya vanhu ni ya swifuwo; swikwembu hinkwaswo swa Egipta, ndzi ta swi avanyisa: Hi mina HOSI.

Xitsonga (Bibele)

¹² “Hi vusiku byebyo ndzi ta hundza etikweni ra Egipta, ndzi dlaya mativula hinkwayo ya tiko ra Egipta, ya vanhu ni ya swifuwo; kutani ndzi ta avanyisa swikwembu hinkwaswo swa Vaegipta. Hi mina Yehovha.

Eksoda 12:12 Referans Kwoze

Tinhlayo 33:4

Loko Vaisraele va karhi va huma, Vaegipta a va ri eku lahleni ka vana va mativula lava HOSI Xikwembu xi va heriseke exikarhi ka vona, loko xi ri karhi xi avanyisa swikwembu swa vona.

Eksoda 12:23

Kutani loko HOSI Xikwembu xi tsemakanya tiko ra Vaegipta ku va lovisa, xi ta vona ngati erimbeni ra le henhla ni le marimbeni ya le matlhelo ya rivanti, kutani xi ta ri hundza ntsena; xi nga ka xi nga pfumeleri loyi a rhumiweke ku dlaya, a nghena etindlwini ta n'wina ku ta mi lovisa.

Sofoniya 2:11

HOSI Xikwembu xi ta va ba hi ndlela yo chavisa, swikwembu hinkwaswo leswi nga misaveni, xi ta swi tsongahata, kutani vanhu va tinxaka hinkwato va ta xi nkhinsamela ematikweni ya vona.

Ezekiele 12:16

Kambe ndzi ta ponisa va nga ri vangani exikarhi ka vona; a va nga dlayiwi hi matlhari ni tindlala ni mintungu; kutani loko va yisiwile ematikweni, va ta tisola hikwalaho ka manyala hinkwawo lawa va ma endleke, naswona vamatiko va ta tiva leswaku HOSI Xikwembu hi mina!”

Yeremiya 43:13

Ú ta faya maribye lamakulu ya vukhongeri emutini wa Beta-Xemexe lowu nga tikweni ra Egipta, a hisa ni tindlu ta swikwembu swa kona.’ ”

Esaya 19:1

Lawa i mahungu hi tlhelo ra tiko ra Egipta. Vonani, HOSI Xikwembu xa ta, xi ta hi papa ra rivilo swinene, xi tela Vaegipta; swifaniso swa swikwembu swa Vaegipta swi ta rhurhumela emahlweni ka xona, hambi va ri vona Vaegipta va ta hela matimba hi ku chava.

Pisalema 82:6

“Ndzi vurile leswaku n'wina mi swikwembu, ni leswaku hinkwenu mi vana va Loyi a nge henhla-henhla.

Pisalema 82:1

Xikwembu xi tshamile ehubyeni ya le henhla-henhla, xi avanyisa vanhu xi ri ni swivumbiwa swa le tilweni,

Eksoda 6:2

Xikwembu xi ku ka Muxe: “Hi mina HOSI Xikwembu.

Amosi 5:17

hambi ku ri emasin'wini hinkwawo ya vhinya, ku ta va ni ku kalakala, hikuva ndzi ta vanga makhombo exikarhi ka n'wina, ku vula mina HOSI.”

1 TIKRONIKA 14:12

Vafilista va tsutsuma va siya swikwembu swa vona leswi vatliweke, kutani Davhida a lerisa leswaku swikwembu leswi swi hisiwa.

1 SAMIELE 5:3

Hi siku leri tlhandlamaka, loko vaaki va Axidodo va pfuka nimpundzu, va kuma leswaku Dagona ú wele ehansi hi mombo, emahlweni ka Areka ya HOSI. Kutani va n'wi pfuxa, va n'wi tlherisela evutshan'wini bya yena.

Eksoda 22:28

“Mi nga tshuki mi ndzi sandza mina Xikwembu, kumbe ku rhuketela murhangeri wa vanhu va ka n'wina.

1 SAMIELE 6:5

Kutani mi fanela ku vumba swifaniso swa matshumba ya kona, ni swifaniso swa makondlo ya kona lama hlaselaka tiko, kutani mi dzunisa Xikwembu xa Israele. Kumbexana xi ta tshika ku mi ba hi nkhavi wa xona, n'wina ni swikwembu swa n'wina ni tiko ra ka n'wina.

Eksoda 21:6

n'wini wa rona ú ta ya na rona eka Xikwembu, a ri yimisa ri khegetela rivanti kumbe rimba ra rona, a ri boxa ndleve kwalaho hi ntlhavo; kutani ri ta va hlonga vutomi hinkwabyo.

Eksoda 18:11

Sweswi ndza swi tiva leswaku HOSI Xikwembu xi tlula swikwembu hinkwaswo, hikuva xi ponisile Vaisraele eka Vaegipta lava a va va khomile hi tihanyi.”

Pisalema 135:8

Hi xona xi dlayeke mativula ya vanhu ni ya swifuwo etikweni ra Egipta.

Yeremiya 43:12

Ndzi ta herisa hi ndzilo tindlu ta swikwembu swa le Egipta: Nebukadnetsara ú ta hisa swikwembu swa kona, swin'wana ú ta swi phangha a famba na swona. Ú ta basisa tiko ra Egipta ku fana ni murisi loko a susa swigalana eswiambalweni swa yena. Kutani ú ta timukela hi ku rhula.

Yeremiya 46:25

HOSI ya matimba hinkwawo, Xikwembu xa Israele, xi ri: “Ndzi ta ba Amoni xikwembu xa le Teba; ndzi ta ba na Faro, ni Vaegipta hinkwavo, ni swikwembu swa vona, ni tindhuna ta vona. Loko ndzi ba Faro, ndzi ta ba ni hinkwavo lava va n'wi tshembaka.

Eksoda 9:6

Kunene hi siku leri tlhandlamaka, HOSI Xikwembu xi endla mhaka leyi: Swifuwo swa Vaegipta swi fa hinkwaswo, kambe eka swifuwo swa Vaisraele a ku fanga ni xin'we.

Pisalema 91:7

Hambiloko vanhu va madzana-dzana va nga wa kusuhi na wena, makhombo lawa ma nge ku humeleli.

Pisalema 95:3

hikuva HOSI i Xikwembu lexikulu, xi fuma swikwembu hinkwaswo, xa swi tlula hi vukulu.