Eksoda 10:26 - BIBELE Mahungu Lamanene

²⁶ Swifuwo swa hina, hi fanele ku famba na swona; a ku nga sali ni xinyondzwana xa swona ni xin'we, hikuva hi ta pambula swifuwo swin'wana exikarhi ka swona, hi tlhavela HOSI Xikwembu xa hina; naswona a hi si tiva leswaku hi ta xi humesela yini, swi ta tiveka ntsena loko hi fikile kwale.”

Xitsonga (Bibele)

²⁶ Mitlhambi ya hina, na yona, yi ta famba na hina, ku nga sali ni xinyondzwana. Hikuva hi ta teka eka yona ku tirhela Yehovha, Xikwembu xa hina, hikuva a hi tivi leswi hi nga ta tirhela Yehovha ha swona, hi kondza hi fika kona.”

Eksoda 10:26 Referans Kwoze

Vaheveru 11:8

Hi ku pfumela, Abrahama, siku a vitaniweke ku rhurha a ya etikweni leri Xikwembu a xi n'wi tshembisile rona, ú yingisile, a rhurha a nga tivi lomu a fanelaka ku ya kona.

2 Vakorinto 8:5

I mhaka leyi hina a hi nga yi langutelanga, hikuva va rhangile hi ku tinyiketa eka Hosi, kutani hi ku rhandza ka Xikwembu va tlhele va tinyiketa eka hina.

Zakariya 14:20

Hi siku rolero, hambi swi ri swingelengele swa tihanci swi ta tsariwa marito lama nge: “Lexi xi hlawuleriwe HOSI!” Na tona timbita to sweka ha tona eTempeleni, ti ta va ti hlawulekile ku fana ni minkambana leyo hlawuleka leyi va yi tirhisaka alitarini;

Hosiya 5:6

Va ta teka swifuwo leswikulu ni leswitsongo, va famba va lava HOSI Xikwembu, kambe va nga ka va nga xi kumi; HOSI Xikwembu xi tihambanisile na vona.

Esaya 23:18

Mali leyi vaaki va Tiri va nga ta yi kuma emabindzwini ya vona, va ta yi nyiketa eka HOSI Xikwembu; a yi nga hlengeletiwi yi vekiwa, kambe yi ta tirha ku xava swakudya leswo tala ni swiambalo leswo saseka, swi nyikiwa lava tirhelaka HOSI Xikwembu.

Swivuriso 3:9

Nkhensa HOSI Xikwembu hi leswi u nga na swona, u xi humesela ni leswi u nga ta rhanga u swi tshovela emasin'wini hinkwawo ya wena,

Eksoda 12:32

Tekani tinyimpfu ni timbuti ni tihomu ta n'wina, hilaha mi kombeleke hakona, kutani mi huma etikweni. Na mina, mi ndzi kombelela minkateko!”

Eksoda 10:9

Muxe a hlamula a ku: “Hi fanele ku famba hinkwerhu, hambi va ri lavatsongo kumbe lavakulu. Hambi va ri vana va hina va majaha kumbe vanhwana, hi ta famba na vona; na tona timbuti ni tinyimpfu ni tihomu ta hina, a ti nga sali, hikuva hi ta va ni nkhuvo wo tlangela HOSI Xikwembu.”

Eksoda 10:25

Kambe Muxe a hlamula a ku: “Xana u ta hi nyika swo humesa magandzelo lama dyiwaka ni lama hisiwaka, hi gandzela HOSI Xikwembu ha swona, xana?

Eksoda 8:27

Hina hi fanele ku teka riendzo ra masiku manharhu, hi ya emananga hi ya humesela HOSI Xikwembu xa hina emagandzelo lawa xi nga ta hi lerisa wona.”