Eksoda 10:19 - BIBELE Mahungu Lamanene

¹⁹ Hiloko HOSI Xikwembu xi tlherisa moya, xi wu hungisa wu huma evupeladyambu, wu vunga tinjiya wu ya ti chela eka Lwandle-ro-Tshwuka; ematlhelweni hinkwawo ya tiko ra Egipta, a ku salanga ni njiya ni yin'we.

Xitsonga (Bibele)

¹⁹ kutani Yehovha a hungisa emheho leyikulu ya vupeladyambu, yi susa tinjiya, yi ti hoxa eLwandle-ro-Tshwuka. A ku salanga na njiya na yin'we etikweni hinkwaro ra Egipta.

Eksoda 10:19 Referans Kwoze

Yuwele 2:20

“Lava taka hi le n'walungwini, ndzi ta va hlongola va ya kule na n'wina, ndzi ta va yisa emananga, etikweni leri omeke swinene. Lava rhangeke emahlweni, ndzi ta va byisela eLwandle-ra-ku-fa, lava saleke endzhaku ka vona, ndzi ta va nghenisa eLwandle-ra-Mediteraniya. Mintsumbu ya vona yi ta nun'hwa yi ku ngù-ngù-ngù, hikuva va mi hoxele ngopfu.

Vaheveru 11:29

Hi ku pfumela, Vaisraele va perile Lwandle-ro-Tshwuka onge hi loko ku ri laha ku omeke. Kambe loko Vaegipta va ringetile ku endla sweswo, va dyiwile hi mati.

Eksoda 15:4

“Makalichi ya Faro ni mavuthu ya yena, HOSI yi swi hoxile elwandle. Vafambisi lavo tiya va muvuthu ya Faro va dyiwile hi Lwandle-ro-Tshwuka.

Eksoda 13:18

Kambe Xikwembu xi va rhendzelekisile hi ndlela ya mananga, leyi kongomaka Lwandle-ro-Tshwuka, va hlomile matlhari.

Eksoda 10:18

Kutani Muxe a huma eka Faro, a ya khongela HOSI Xikwembu.

Eksoda 10:20

Kambe HOSI Xikwembu xi nonon'hwisa mbilu ya Faro, a nga tshiki vanhu va Israele va famba.

Pisalema 109:23

Ndzi ya eku nyamalaleni kukota mindzhuti nimadyambu, va ndzi dzudzile ku fana ni njiya.