Eksoda 10:17 - BIBELE Mahungu Lamanene

¹⁷ Hikokwalaho, ndzi kombela leswaku mi ndzi rivalela swidyoho swa mina, kan'we ntsena; naswona ndzi khongeleleni eka HOSI Xikwembu xa n'wina, leswaku xi bakanyela kule na mina khombo leri ra tinjiya.”

Xitsonga (Bibele)

¹⁷ Kambe sweswi u ndzi rivalela ku dyoha ka mina hi siku leri ntsena, kutani mi khongela Yehovha, Xikwembu xa n'wina, leswaku a susa ntungu lowu eka mina.”

Eksoda 10:17 Referans Kwoze

Eksoda 8:8

Kutani Faro a vitana Muxe na Aroni, a ku ka vona: “Khongelani mi kombela HOSI Xikwembu leswaku xi susa mintlambya laha ka mina, ni le ka vanhu va mina; hi kona ndzi nga ta tshika vanhu, va famba va ya humesela HOSI Xikwembu emagandzelo.”

Eksoda 9:28

Hi khongeleleni eka HOSI Xikwembu, hikuva tilo leri ni xihangu lexi swi hi karhatile ku ringana; ndzi ta mi tshika mi famba, a mi nga ha kali mi tshama.”

1 TIHOSI 13:6

Kutani hosi Yerobuwamu a ku eka munhu wa Xikwembu: “Kombela leswaku HOSI Xikwembu xa wena xi ndzi twela vusiwana, u ndzi khongelela leswaku voko ra mina ri vuyela etshamelweni ra rona.” Hiloko munhu wa Xikwembu a xi kombela ku twela Yerobuwamu evusiwana, kutani voko ra yena ri vuyela etshamelweni ra rona, ri va leswi a ri ri swona eku sunguleni.

2 Vakorinto 1:10

Xi hi ponisile emakhombyeni layo tano lama vangaka rifu, kutani xi ta engeta xi hi ponisa eka wona. Hi vekile ku tshemba ka hina eka xona, kutani xa ha ta hi ponisa,

Varhoma 15:30

Kutani ndza mi khongotela, vamakwerhu, hi Hosi ya hina Yesu Kriste ni rirhandzu ra Moya, leswaku mi ndzi seketela hi matimba, emikhongelweni ya n'wina leyi mi ndzi khongelelaka ha yona eka Xikwembu,

Timhaka 8:24

Simoni a hlamula, a ku: “Ndzi khongeleleni mi ri n'wina eka Hosi, leswaku ndzi nga tshuki ndzi humeleriwa hi xilo ni xin'we xa leswi mi swi vuleke.”

Esaya 26:16

We HOSI, Vaisraele va ku tsundzukile loko va ri eku vavisekeni; loko u va tshinya, va tile va ta rila ka wena.

2 TIHOSI 4:40

Vavanuna va phameriwa, kambe loko va ringeta ku dya xixevo lexi, va huwelela va ku: “Ehee! We munhu wa Xikwembu, leswi nga la mbiteni swa dlaya!” Kutani va tshika ku dya.

1 SAMIELE 15:25

Sweswi ke, ndza kombela, ndzi rivalele ku dyoha ka mina, hi tlhela hi vuyelelana, ndzi ta kota ku ya gandzela HOSI Xikwembu.”

Eksoda 8:28

Kutani Faro a hlamula a ku: “Ndzi ta mi tshika mi famba mi ya humesela HOSI Xikwembu xa n'wina emagandzelo emananga, ntsena mi nga yi kule ngopfu. Ndzi khongeleleni!”

Eksoda 9:27

Faro a rhuma vanhu, va ya vitana Muxe na Aroni, kutani a ku ka vona: “Sweswi ndza pfumela leswaku ndzi dyohile. HOSI Xikwembu a xi na nandzu, nandzu wu na mina ni vanhu va mina.

Eksoda 8:4

Mintlambya yi ta tlula yi tshama ehenhla ka wena, ni le henhla ka vanhu va wena, ni le henhla ka malandza ya wena hinkwawo.’ ”

Tinhlayo 21:7

Hiloko Vaisraele va tsutsumela eka Muxe, va fika va ku ka yena: “Hi dyohile, hikuva hi sandzile HOSI Xikwembu, hi tlhela hi sandza na wena; sweswi hi kombela leswaku u hi khongelela eka HOSI Xikwembu leswaku xi hi susela tinyoka leti.” Kutani Muxe a va khongelela.