Eksoda 1:21 - BIBELE Mahungu Lamanene

²¹ Naswona Xikwembu xi andzisa mindyangu ya lava va tisungukati, hikuva a va xi kombile xichavo.

Xitsonga (Bibele)

²¹ Kambe, hikuva masungakati ma chavile Xikwembu, Xikwembu xi katekisa tindlu ta vona.

Eksoda 1:21 Referans Kwoze

1 TIHOSI 11:38

Tlhandlakambirhi, loko u yingisa hinkwaswo leswi ndzi ku lerisaka swona, ni loko u hanya etindleleni ta mina, u endla leswi lulameke emahlweni ka mina hi ku hlayisa milawu ya mina ni swileriso swa mina, tanihi Davhida nandza wa mina, ndzi ta va na wena; ndzi ta ku sungulela yindlu ya vuhosi leyi tiyeke, tanihileswi ndzi nga sungulela Davhida, kutani ndzi ta ku nyika tiko ra Israele.

1 SAMIELE 2:35

kutani ndzi ta tilavela muprista la tshembekeke, loyi a nga ta tirha hilaha ndzi swi tsakelaka hakona embilwini ya mina ni le moyeni wa mina. Ndzi ta n'wi nyika vatukulu lavo tala, kutani ú ta tirhela Muhlawuriwa wa mina hilaha ku nga heriki.

Pisalema 37:3

Wena tshemba HOSI, u endla leswinene, kutani u ta tshamiseka etikweni, u nga chavisiwi hi nchumu.

Eklesiasta 8:12

Munhu wo homboloka a nga ha hanya malembe layo tala, hambileswi a dyoheke ka dzana; kambe mina ndza swi tiva leswaku lava chavaka Xikwembu, va ta kateka hikwalaho ka vukhongeri bya vona.

1 TIHOSI 2:24

HOSI yi kona, yona leyi yi ndzi tiyiseke, leyi yi nga ndzi veka evuhosini bya Davhida tata wa mina, leyi yi ndzi sunguleleke yindlu ya vuhosi, hi ku landza xitshembiso xa yona; ndzi ri: Namuntlha, Adoniya wa fa!”

1 SAMIELE 25:28

Ndzi kombela leswaku u ndzi rivalela nandzu lowu mina nandza wa wena ndzi wu endleke. Ndzi vula tano, hikuva HOSI Xikwembu xi ta ku nyika rixaka leri tiyeke hakunene, wena n'wini wanga, naswona tinyimpi leti u ti lwaka, wena n'wini wanga, i tinyimpi ta HOSI Xikwembu. Kutani u nga ka u nga humeleriwi hi leswo biha, masiku hinkwawo ya ku hanya ka wena.

Pisalema 127:1

Loko yindlu yi nga akiwi hi HOSI, ntirho wa vaaki a wu pfuni nchumu. Loko muti wu nga rindziwi hi HOSI, valanguteri va rindzela mahala.

Yeremiya 35:2

“Yana eka va ka Rekabi u ya vulavula na vona, kutani u ta na vona eTempeleni, u va rhurhela eka yin'wana ya tindlu ta kona, u va tisela vhinyo leswaku va ta nwa.”

Swivuriso 24:3

Vutlhari byi aka muti, wu tiyisiwa hi ku twisisa,

Pisalema 127:3

Vana va xinuna i nyiko yo huma eka HOSI, hakunene ku va ni vana i nkateko.

Eksoda 1:17

Kambe vavasati lava va tisungukati a va chava Xikwembu, kutani a va endlanga leswi hosi ya Egipta yi va leriseke swona: Va tshika vana va vafana va hanya.

Pisalema 112:1

Dzunisani HOSI! Ku katekile munhu loyi a chavaka HOSI Xikwembu, la rhandzaka ku endla leswi xi lerisaka swona.