Eksoda 1:20 - BIBELE Mahungu Lamanene

²⁰ Hikokwalaho Xikwembu xi katekisa tisungukati; Vaisraele vona va ya va andza, matimba ya vona ma engeteleka ngopfu.

Xitsonga (Bibele)

²⁰ Kutani Xikwembu xi katekisa masungakati; tiko ri andza ri tala ngopfu.

Eksoda 1:20 Referans Kwoze

Eklesiasta 8:12

Munhu wo homboloka a nga ha hanya malembe layo tala, hambileswi a dyoheke ka dzana; kambe mina ndza swi tiva leswaku lava chavaka Xikwembu, va ta kateka hikwalaho ka vukhongeri bya vona.

Esaya 3:10

Lava lulameke va katekile, va ta dya mihandzu ya mintirho ya vona.

Swivuriso 11:18

Munhu wo homboloka a nga holi swo nyawula, kasi loyi a seketelaka leswo lulama, a nga kanakani hi hakelo ya yena.

Vaheveru 6:10

Hikuva Xikwembu a xi na mona, xi nga ka xi nga rivali ntirho wa n'wina ni rirhandzu leri mi ri kombeke hi vito ra xona, hi ku tirhela vahlawuriwa va xona, hilaha mi swi endlaka hakona nisweswi.

Pisalema 111:5

lava va xi chavaka, xi va phamela swakudya, ntwanano wa xona a xi wu rivali ni siku ni rin'we.

Luka 1:50

ni tintswalo ta yena i ta minkarhi ni minkarhi eka lava n'wi chavaka.

Matewu 25:40

Hosi yi ta va hlamula, yi ku: ‘Ndzi tiyisile ndzi ri ka n'wina, loko mi tshame mi endla swilo leswi eka un'wana wa vamakwerhu lavatsongo lava, mi swi endlele mina.’

Matewu 10:42

Ndzi tiyisile ndzi ri ka n'wina: Un'wana ni un'wana la nyikaka hambi wu ri ndzheko wa mati yo titimela eka un'wana wa lavatsongo lava, hi ku tiva leswaku i mudyondzisiwa wa mina, a nga ka a nga pfumari hakelo ya yena.”

Swivuriso 19:17

Ku nyika xisiwana, i ku lomba HOSI Xikwembu, kutani HOSI Xikwembu xi ta ku tlherisela hinkwaswo.

Pisalema 145:19

Lava va xi chavaka, xi va endlela hi ku navela ka vona, loko va rila eka xona, xa va twa kutani xi va ponisa.

Pisalema 103:11

Hilaha matilo ma tlulaka misava hi ku tlakuka ni vukulu, na rona rirhandzu ra Xikwembu i rikulu eka lava va xi chavaka.

Pisalema 85:9

Hakunene Xikwembu xi le kusuhi ni lava va xi chavaka: Xi ta va ponisa, kutani ku dzuneka ka xona a ku nga ha suki etikweni ra hina.

Pisalema 61:5

We Xikwembu, u yingisile xikombelo xa mina, hikuva u ndzi nyikile ndzhaka, va nga vanhu lava chavaka vito ra wena.

Eksoda 1:12

Kambe, hambileswi a va xaniseka, Vaisraele va ya va andza, va tata tiko, kutani Vaegipta va sungula ku va chava.

Eksoda 1:7

Kambe vanhu va rixaka ra Israele va tswalelene va andza, ntsengo wa vona wu ya wu kula, matimba ya vona ma engeteleka ngopfu swinene, kutani va tata tiko hinkwaro.

Eksoda 1:19

Vona va hlamula Faro, va ku: “Vavasati va Vaheveru va tiyile, a va fani ni vavasati va Vaegipta! Loko lava va tisungukati va nga si fika eka vona, va va kuma va tintshunxile!”