Eksoda 1:17 - BIBELE Mahungu Lamanene

¹⁷ Kambe vavasati lava va tisungukati a va chava Xikwembu, kutani a va endlanga leswi hosi ya Egipta yi va leriseke swona: Va tshika vana va vafana va hanya.

Xitsonga (Bibele)

¹⁷ Kambe masungakati ma chava Xikwembu; a ma endlanga hilaha hosi ya Egipta yi ma byeleke hakona; kambe ma ponisa vandzisanyana.

Eksoda 1:17 Referans Kwoze

Timhaka 5:29

Kambe Petro ni vaapostola lavan'wana va hlamula, va ku: “Hi fanele ku yingisa Xikwembu ku tlula vanhu.

Eksoda 1:21

Naswona Xikwembu xi andzisa mindyangu ya lava va tisungukati, hikuva a va xi kombile xichavo.

Luka 12:5

Ndzi ta mi komba loyi mi fanelaka ku chava yena; chavani loyi a nga ni matimba ya ku lovisa munhu, a n'wi hoxa eTiheleni. Ina, ndzi ri ka n'wina, yena yoloye, n'wi chaveni!

Matewu 10:28

“Mi nga tshuki mi chava lava dlayaka miri, va ri hava matimba yo dlaya moya; kambe chavani loyi a nga ni matimba yo lovisa moya ni miri wa munhu eTiheleni.

Eklesiasta 12:13

Eka hinkwaswo leswi u swi tweke, rito ro hetelela hi leri: Chava Xikwembu, u hlayisa milawu ya xona, hikuva sweswo i fanelo ya munhu un'wana ni un'wana.

Daniele 6:13

Kutani va hlambanya emahlweni ka hosi, va ku: “Un'wana wa vabohiwa lava humaka etikweni ra Yuda, loyi va nge i Daniele, a nga ku yingisi we hosi, hambi nawu lowu u wu fungheke, yena a nga na mhaka na wona; ú ya emahlweni a khongela Xikwembu xa yena kanharhu hi siku!”

Swivuriso 16:6

Munhu loyi a nga ni tintswalo, a tlhela a tshembeka, HOSI Xikwembu xa n'wi rivalela milandzu ya yena, naswona loyi a xi chavaka, ú kota ku papalata leswo biha.

Eklesiasta 8:12

Munhu wo homboloka a nga ha hanya malembe layo tala, hambileswi a dyoheke ka dzana; kambe mina ndza swi tiva leswaku lava chavaka Xikwembu, va ta kateka hikwalaho ka vukhongeri bya vona.

Pisalema 31:19

Swilo leswinene leswi u swi hlayiselaka malandza ya wena a hi ku tala ka swona! U swi endlela lava tumbelaka ka wena, vanhu hinkwavo va ri karhi va swi vona.

Genesa 42:18

Hi siku lera vunharhu, Yosefa a ku ka vona: “Mina ndzi munhu loyi a chavaka Xikwembu; loko mo endla leswi ndzi nga ta mi byela swona, ndzi ta mi tsetselela:

Hosiya 5:11

Va ka Efrayimi va tshikeleriwa, timhaka ti dya vona, hikuva va tinyiketele ku landzelela leswi nga pfuniki nchumu.

Swivuriso 8:13

Loyi a chavaka HOSI Xikwembu ú venga leswo biha. Ku tikurisa, ni ku tiarisa, ni mahanyelo layo biha, ni ku vulavula mavunwa, ndza swi venga.

Nehemiya 5:15

Tindhunankulu leti fumeke loko ndzi nga si ta, a ti tikisela vanhu vutomi; a ti lava swakudya na vhinyo, ehandle ka mali leyi a yi humesiwa ya tisilivhere ta 40. Hambi ma ri malandza ya tona a ma xanisa vanhu; mina sweswo a ndzi swi endlanga hikuva ndzi chava Xikwembu.

Mikiya 6:16

Mi landzile milawu ya Omri ni mahanyelo hinkwawo ya va ka Akabu, mi endla hinkwaswo leswi a va swi endla; hikokwalaho ndzi ta endla leswaku vanhu va mi nyenya; loko va vona va ka n'wina, va ta hlakahla tinhloko, mi ta va xihlekiso exikarhi ka vanhu va matiko.”

Genesa 20:11

Abrahama a ku: “Loko ndzi endla mhaka leyi, a ndzi ehleketa leswaku endhawini leyi ku ta va ku ri hava na munhu na un'we loyi a chavaka Xikwembu, kutani a ndzi anakanya leswaku vanhu va kona va nga ndzi dlaya hikwalaho ka nsati wa mina.

Eksoda 1:18

Kavaloko hosi yi va vitana, yi ku ka vona: “Mi endlele yini ku tshika vana va vafana va hanya, xana?”

1 SAMIELE 22:17

Kutani hosi Sawulo a lerisa varindzi lava a va yimile va n'wi rhendzela, a ku: “Yanani mi ya dlaya vaprista va HOSI Xikwembu, hikuva na vona va seketela Davhida; naswona va swi tivile loko a baleka, kambe a va ndzi tivisanga nchumu!” Kambe malandza ya Sawulo ma ala ku juma vaprista va HOSI Xikwembu ma va dlaya.

2 SAMIELE 24:4

Kambe hosi Davhida a hlula Yowabu ni tindhuna ta mavuthu hi marito ya yena; kutani Yowabu ni tindhuna ta mavuthu va suka eka hosi Davhida, va famba va hlaya vanhu va Israele.

Estere 3:3

Malandza laman'wana ma vutisa Mordekayi leswaku hikwalaho ka yini a ala ku endla leswi hosi yi leriseke swona.