Eksoda 1:13 - BIBELE Mahungu Lamanene

¹³ Hikokwalaho, Vaegipta va tirhisa Vaisraele hi tihanyi letikulu;

Xitsonga (Bibele)

¹³ Kutani Vaegipta va tirhisa vana va Israele hi vukhumbi;

Eksoda 1:13 Referans Kwoze

Duteronoma 4:20

HOSI Xikwembu xi mi tekile, xi mi humesa endzilweni wa le Egipta, lowu nga n'okisaka ni tinsimbhi, leswaku mi va tiko leri nga ra xona ntsena, kutani hi leswi mi nga swona ni namuntlha.

Genesa 15:13

kutani HOSI Xikwembu xi ku ka yena: “U fanele ku tshama u ri karhi u tiva mhaka leyi: Vatukulu va wena va ta va valuveri etikweni ra van'wana va hundzuka mahlonga kona, va xaniseka malembe yo ringana 400.

Eksoda 1:14

va va xanisa hi ku va nyika mintirho leyo tika ya ku pfuva ndzhope ni ku endla switina, va va nyika ni mintirho ya tinxaka-xaka ya le masin'wini. Emintirhweni leyi hinkwayo, a va va tirhisa hi tihanyi letikulu.

Levhitika 25:43

Mi nga tshuki mi va tirhisa hi tihanyi, kambe mi fanele ku chava mina Xikwembu xa n'wina.

1 TIHOSI 12:14

Kutani yi vulavula ni tiko hi ku landza xitsundzuxo xa majaha, yi ku: “Tatana ú tikisile mpingu wa n'wina, kambe mina ndzi ta wu engetelela; tatana ú mi xupurile hi nkhavi wunene, kambe mina ndzi ta mi ba hi nkhavi wa mitwa.”

2 TIKRONIKA 10:11

Tatana ú mi rhwexile mpingu lowo tika, kambe sweswi mina ndzi ta wu engetelela; tatana ú mi xupurile hi nkhavi wunene, kambe mina ndzi ta mi ba hi nkhavi wa mitwa!’ ”

Pisalema 105:25

Kutani Xikwembu xi pfuxa rivengo etimbilwini ta Vaegipta, va fuma malandza ya Xikwembu hi tihanyi letikulu.

Swivuriso 28:15

Munhu wo homboloka la fumaka tiko ra swisiwana, ú chavisa kukota nghala leyi bongaka kumbe xinkankanka lexi mpfhumpfhaka.