Eklesiasta 9:9 - BIBELE Mahungu Lamanene

⁹ Tiphine hi swa vutomi lebyi, u titshamela ni nsati wa wena loyi u n'wi rhandzaka, ku ko ku hela malembe ya wena la misaveni lawa Xikwembu xi ku nyikaka wona, ma nga masikunyana ya ku hanya ka wena. Hi swona leswi u averiweke swona la misaveni, hi yona mihandzu ya ku tikarhata ka wena.

Xitsonga (Bibele)

⁹ Hanya swinene ni nsati lo u n'wi rhandzaka hi masiku hinkwawo ya wena ya swahava hikuva hi kona ku averiwa ka wena evutomini ni le ku karhaleni hinkwako ka wena loku u tikarhataka ha kona ehansi ka dyambu.

Eklesiasta 9:9 Referans Kwoze

Eklesiasta 2:10

Ndzi kumile hinkwaswo leswi mahlo ya mina a ma swi navela; leswi mbilu ya mina yi swi laveke, a ndzi yi tsonanga swona. Ndzi tinyungubyisile hi mintirho hinkwayo ya mavoko ya mina, yi va yona hakelo ya mina, eku tikarhateni ka mina.

Malakiya 2:15

Xana Xikwembu a xi mi hlanganisanga, mi va miri wun'we ni moya wun'we xana? Kutani leswi mi endliweke miri wun'we, xana mi lava yini, loko ku nga ri ku nyikiwa vana hi Xikwembu xana? Hikokwalaho wena tivonele, u tshembeka eka nsati loyi u n'wi tekeke wa ha ri jaha.

Eklesiasta 6:12

Xana i mani la tivaka leswi nga tiselaka munhu eminkateko, loko a ri karhi a hetisa masikunyana ya yena yo ka ya nga pfuni nchumu xana? Leswi a hundzaka emisaveni ku fana ni papanyana, xana i mani la nga tivisaka munhu loyi leswi nga ta humelela mundzuku, loko yena a ta va a nga ha ri kona xana?

Eklesiasta 3:13

Loko munhu a kota ku dya ni ku nwa, ni loko a vona leswo tsakisa entirhweni wa yena, ú ta va a lo nyikiwa swona hi Xikwembu.

Eklesiasta 7:15

Emasikwini yo koma ya ku hanya ka mina, ndzi vonile swilo leswo tala: Munhu wo lulama ú hatla a fa hambileswi a lulameke, kasi lowo homboloka ú hanya malembe eku hombolokeni ka yena.

Eklesiasta 5:18

Ndzi vonile ni leswi: I mhaka leyinene yo saseka loko munhu a kota ku dya ni ku nwa, a tikumela ntsako hi mintirho ya yena hinkwayo leyi a yi endlaka laha misaveni, emasikwini lawa Xikwembu xi n'wi nyikeke wona. Hi swona leswi a averiweke swona.

Eklesiasta 3:22

Kutani ndzi swi vonile leswaku munhu a nga na lexi a nga titsakisaka ha xona, loko yi nga ri mihandzu ya ntirho wa yena; hi swona leswi a averiweke swona. Xana i mani loyi a nga n'wi kombaka leswi nga ta humelela mundzuku xana?

Eklesiasta 2:24

Loko munhu a kota ku dya ni ku nwa, ni loko a vona leswo tsakisa entirhweni wa yena, a hi minkateko leyi a tikumeleke yona hi yexe, e-e. Hi ku twisisa ka mina, swilo leswi i tinyiko leti humaka eka Xikwembu.

Swivuriso 19:14

Muti ni rifuwo i ndzhaka leyi munhu a siyeriwaka yona hi vatswari va yena, kasi nsati wa miehleketo, i nyiko yo huma eka HOSI Xikwembu.

Swivuriso 18:22

Ku kuma nsati, i nkateko, i ku tsakeriwa hi HOSI Xikwembu.

Pisalema 144:4

Munhu ú fana ni moyanyana, vutomi bya yena byi hatla byi hundza tanihi ndzhutinyana.

Pisalema 39:5

Vona! U ndzi pfumelela ku hanya masikunyana ntsena; emahlweni ka wena malembe ya mina a hi nchumu; hakunene munhu hambi o titwa a tiyile, i moyanyana ntsena.

Genesa 26:8

Siku rin'wana loko ku hundzile nkarhi Isaka a ri eGerara, Abimeleke a hlometela ehansi hi le fasitereni ra yindlu ya yena, kutani a vona Isaka a vukarhile Rhaveka nsati wa yena.