Eklesiasta 9:6 - BIBELE Mahungu Lamanene

⁶ Hambi rirhandzu, kumbe rivengo, kumbe mavondzo, eka vona swi nyamalarile hinkwaswo; emintirhweni hinkwayo leyi tirhiwaka la misaveni, a va ha nghenisi voko.

Xitsonga (Bibele)

⁶ Rirhandzu ra vona, ni ku venga ka vona, ni mona wa vona swi lahlekile a va ha ri na ku averiwa eka hinkwaswo leswi endliwaka ehansi ka dyambu ni siku ni rin'we.

Eklesiasta 9:6 Referans Kwoze

Matewu 2:20

“Pfuka, u teka xihlangi ni mana wa xona, u tlhelela etikweni ra Israele, hikuva lava a va lava ku xi dlaya, va file.”

Eklesiasta 6:12

Xana i mani la tivaka leswi nga tiselaka munhu eminkateko, loko a ri karhi a hetisa masikunyana ya yena yo ka ya nga pfuni nchumu xana? Leswi a hundzaka emisaveni ku fana ni papanyana, xana i mani la nga tivisaka munhu loyi leswi nga ta humelela mundzuku, loko yena a ta va a nga ha ri kona xana?

Swivuriso 10:28

Ku tshemba ka lavo lulama ku hela hi ntsako, kambe leswi lavo homboloka va swi langutelaka, swi helela empfhukeni.

Eksoda 1:8

Loko ku hundzile nkarhi, ku vekiwa hosi leyintshwa etikweni ra Egipta; hosi leyi a yi tivanga nchumu hi Yosefa,

Eklesiasta 2:10

Ndzi kumile hinkwaswo leswi mahlo ya mina a ma swi navela; leswi mbilu ya mina yi swi laveke, a ndzi yi tsonanga swona. Ndzi tinyungubyisile hi mintirho hinkwayo ya mavoko ya mina, yi va yona hakelo ya mina, eku tikarhateni ka mina.

Eklesiasta 3:22

Kutani ndzi swi vonile leswaku munhu a nga na lexi a nga titsakisaka ha xona, loko yi nga ri mihandzu ya ntirho wa yena; hi swona leswi a averiweke swona. Xana i mani loyi a nga n'wi kombaka leswi nga ta humelela mundzuku xana?

Eklesiasta 9:1

Ndzi tikarhatile ku twisisa leswi hinkwaswo, kutani ndzi kumile nhlamuselo leyi ya swona: I Xikwembu xi fumaka lavo lulama ni tintlhari, swin'we ni mintirho ya vona. Hambi ú ta rhandziwa kumbe a vengiwa, munhu a nga swi tivi, hinkwaswo swa ha ri emahlweni ka yena;

Esaya 38:11

A ndzi ku ndzi nge he voni HOSI Xikwembu ndzi ri emisaveni ya lava hanyaka, ni leswaku a ndzi nga ha vonani na vanhu, hi ku ya tshama laha swilo hinkwaswo swi helelaka kona.