Eklesiasta 9:5 - BIBELE Mahungu Lamanene

⁵ Lava hanyaka va swi tiva, va ya eku feni, kasi lava feke a va ha tivi nchumu. Va ha ta nkhensiwa hi mani xana, leswi va nga ha tsundzukiwiki hi munhu ke?

Xitsonga (Bibele)

⁵ Hikuva lava hanyaka va swi tiva leswaku va ta fa, kambe vafi a va tivi nchumu, kambe va nga ka va nga ha vi na hakelo emisaveni, hikuva ku tsundzuxiwa ka vona ku rivariwile.

Eklesiasta 9:5 Referans Kwoze

Esaya 26:14

Vanhu volavo sweswi va file, va nga ka va nga ha pfuki; va celeriwile emasirheni, va nga ka va nga ha humi; hi wena HOSI u va yeleke, u va ba u va herisa, ku nga sali na un'we loyi vanhu va nga ta va tsundzuka ha yena.

Eklesiasta 1:11

Leswi hundzeke, a swa ha tsundzukiwi hi munhu, ni leswi hi nga ta swi endla, vana va hina va ta swi rivala.

Pisalema 6:5

Xana lava feke va nga ku gandzela xana? U ta dzunisiwa hi mani exivandleni xa vafi ke?

Vaheveru 9:27

Tanihi leswi ku lulamisiweke leswaku vanhu va fa kan'we, kutani endzhaku ka swona ku ta ku avanyisiwa,

Ntirho 14:21

Vana va yena va nga dzunisiwa, kambe yena a nge swi tivi; ni loko va tsongahatiwa, a nge swi voni.

Eklesiasta 2:16

Ntlhari ni xiphunta a va hambananga, va fa hi ndlela yin'we; eminkarhini leyi taka, va nga ka va nga ha tsundzukiwi, hinkwavo va ta hatla va rivariwa.

Pisalema 109:15

Swidyoho leswi a swi tshame emahlweni ka HOSI Xikwembu, swi nga suki, kambe Xikwembu a xi suse xivongo xa ka vona emisaveni!

Eklesiasta 8:10

Ndzi vonile lavo homboloka loko va lahliwa hi xichavo; kambe lava endleke leswo lulama, lava a va nghena ni ku huma eTempeleni, va rivariwile emutini. Na swona sweswo, a swi pfuni nchumu.

Esaya 63:16

Tata wa hina, hi wena HOSI, hikuva Abrahama a nga ha hi tivi, hambi a ri Yakobo, ú hi rivarile. Hi wena tata wa hina, ku sukela khale, hi ku thyile vito ra ‘Mukutsuri’!

Eklesiasta 7:2

Ku kongoma emutini wa nkosi, swi tlula ku endzela emutini wa nkhuvo. Vanhu hinkwavo va helela esirheni, lava hanyaka va nga swi rivali sweswo!

Ntirho 30:23

Ndza swi tiva, u ndzi kongomisa esirheni, exivandleni lexi vanhu hinkwavo va hlengeletiwaka eka xona.

Eklesiasta 9:4

Kasi loyi a ha hlayiwaka ni lava hanyaka, wa ha ri ni ku tshembanyana, hikuva xivuriso xi ri: “Nghala leyi feke, yi tlula hi mbyana leyi hanyaka!”

Eklesiasta 9:10

Xin'wana ni xin'wana lexi u xi endlaka, tinyikete eka xona hi ntamu, hikuva exivandleni xa vafi lexi u yaka eka xona, a ku tirhiwi, a ku ehleketiwi, ku hava vutlhari ni vutivi.

2 SAMIELE 14:14

Mati loko ma halakile ma halakile, a ma ha oleriwi; na hina vanhu hi fana na wona, hi ta fa hinkwerhu. Xikwembu a xi vuyisi lava feke, kambe a xi tshiki ku endla makungu yo vuyisa munhu wa xona loyi a nga lo hlongoriwa kunene.

Pisalema 88:13

Kambe mina ndzi huwelela eka wena we HOSI, xikhongelo xa mina xi ta eka wena ka ha ri mixo.

Luka 20:32

Eku heteleleni, na yena wansati a fa.