Eklesiasta 9:2 - BIBELE Mahungu Lamanene

² vanhu hinkwavo va wela hi swo fana, va boxeriwa ndlela yin'we, lowo lulama swin'we ni lowo homboloka, munhu lonene la tengeke swin'we ni loyi a nga tengangiki, la humesaka magandzelo swin'we ni loyi a nga humesiki, la hlayisaka milawu swin'we ni loyi a yi tlulaka, loyi a tibohaka hi ku hlambanya swin'we ni loyi a alaka ku tiboha.

Xitsonga (Bibele)

² Hinkwavo va humeleriwa hi leswi fananaka: khombo ri ri rin'we ri tumbulukela la lulameke ni lowo biha, lonene, la tengeke, ni wa thyaka, la gandzelaka, ni la nga gandzeriki. Lonene u kotisa mudyohi, la rhuketelaka u fana ni la chavaka ku rhuketela.

Eklesiasta 9:2 Referans Kwoze

Malakiya 3:18

Hikona mi nga ta vona ku hambana exikarhi ka lavo lulama ni lavo homboloka, ni le xikarhi ka lava va ndzi tirhelaka, ni lava va nga ndzi tirheliki mina Xikwembu.”

Malakiya 3:5

HOSI ya matimba hinkwawo yi ri: “Ndzi ta ta exikarhi ka n'wina ndzi ta mi avanyisa; ndzi ta hatla ndzi boxa nandzu wa vangoma ni wa lava endlaka vuoswi, ni wa lava hlambanyaka hi mavunwa; ndzi ta ba lava nga hakeriki vatirhi va vona hi fanelo, lava xanisaka tinoni ni swisiwana, ni lava hlongolaka valuveri. Ndzi ta avanyisa hinkwavo lava alaka ku ndzi komba xichavo.”

Pisalema 73:3

hikuva ndzi naverile swa lavo homboloka, lava humelelaka hambileswi va tikurisaka ngopfu.

Ntirho 9:22

“Hinkwaswo swa fana! Hikokwalaho ndzi ri, vanhu vo lulama ni vanhu lavo homboloka, Xikwembu xi va herisa ku fana!

Malakiya 3:15

Hina hi vona leswi: Lava tikurisaka, hi vona va katekaka, lavo biha va humelela; hambiloko va ringa Xikwembu, xona a xi va bi!’ ”

Eklesiasta 7:18

Swa antswa ku hlayisa switsundzuxo leswi, u nga hambani na swona, hikuva lava chavaka Xikwembu, va swi landza hi vumbirhi bya swona.

Eklesiasta 7:2

Ku kongoma emutini wa nkosi, swi tlula ku endzela emutini wa nkhuvo. Vanhu hinkwavo va helela esirheni, lava hanyaka va nga swi rivali sweswo!

Eklesiasta 6:6

Hambiloko mufumi a hanya malembe ya 2 000, a nge tsakisiwi hi nchumu la misaveni, hikuva yena ni xihlangi lexiya, va kongoma endhawini yin'we.

Eklesiasta 2:26

Munhu loyi Xikwembu xi n'wi tsakelaka, ú nyikiwa hi xona vutlhari ni vutivi ni ku tsaka. Kasi mudyohi yena ú rhwexiwa ntirho wo hlengeleta swilo ni ku swi hlayisa, a ri karhi a tirhela loyi Xikwembu xi n'wi tsakelaka. Na swona sweswo, a swi pfuni nchumu, i ku hlongorisa moya ntsena.

Genesa 24:3

kutani ndzi ta ku hlambanyisa emahlweni ka HOSI Xikwembu xa matilo ni misava, leswaku u nge tshuki u laverile n'wananga ensati exikarhi ka vanhwanyana va Vakanana lava ndzi tshamaka etikweni ra vona;

1 SAMIELE 14:26

Loko masocha ma nghena exihlahleni, ma kuma vulombe lebyi tshonaka, a ma chava ku byi yisa enon'weni, hikuva a ma arisiwile hi ku hlambanya ka Sawulo.

Eklesiasta 3:19

Vanhu ni swiharhi i swivumbiwa leswi kombiweke ndlela yin'we: Hinkwaswo swa hefemula, naswona hinkwaswo swa fa. Vanhu a va tluli swiharhi ha nchumu. Hakunene ku hava lexi pfunaka.

Eklesiasta 9:3

Hinkwavo va wela hi swo fana, kutani exikarhi ka hinkwaswo leswi humelelaka laha misaveni, mhaka leyi yi bihile; naswona timbilu ta vanhu ti tele leswo biha, hinkwavo va hanya onge va ni rihuhe. Eku heteleleni, va ya exivandleni xa vafi.

Eklesiasta 9:11

Ndzi engetile ndzi vona ni leswi: Laha misaveni, a hi vanhu lava tsutsumaka hi rivilo lava hetaka mpfhuka, naswona a hi lava nga ni matimba lava hlulaka enyimpini. A hi lavo tlhariha lava kumaka swakudya, ni rifuwo a ri kumiwi hi lavo dyondzeka. Lava tivaka maendlele a hi vona va tsakeriwaka. Hinkwaswo swi ni nkarhi lowu swi humelelaka ha wona.

Yeremiya 43:6

Masalela ya kona, a va ri vavanuna ni vavasati ni vana ni vanhwana va le ntsindza, va nga vanhu hinkwavo lava Nebuzaradani ndhuna ya vasirheleri a va siyeke emavokweni ya Gedaliya n'wana Ahikama wa Xafani. Yohanani a teka na muprofeta Yeremiya, na Baruku n'wana Neriya, a famba na vona.