Eklesiasta 9:16 - BIBELE Mahungu Lamanene

¹⁶ Hambiswiritano, mina ndzi ri, tintlhari ti tlula tinhenha, hambileswi vutlhari bya xisiwana byi soriweke ni marito ya xona ma rivariweke!

Xitsonga (Bibele)

¹⁶ Kutani ndzi ku: “Vutlhari byi sasekile ku tlula matimba, hambiloko vutlhari bya xisiwana byi sandziwa, ni loko marito ya xona ma nga yingisiwi.”

Eklesiasta 9:16 Referans Kwoze

Eklesiasta 7:19

Munhu wo tlhariha ú sirheleriwa hi vutlhari byakwe, ku tlula muti wo lweriwa hi khume ra mavuthu.

Swivuriso 24:5

Munhu wo tlhariha ú tiyile ku tlula munhu wa matimba, ni munhu wa vutivi ú tlula loyi a nga ni ntamu.

Swivuriso 21:22

Munhu la tlhariheke, ú kota ku khandziya rirhangu, a nghena emutini wa vanhu va matimba, kutani a mbundzumuxa makhokholo lawa va ma tshembaka.

Eklesiasta 9:18

Vutlhari byi tlula matlhari hakunene! Mudyohi un'we a nga onha swilo swo tala leswinene.

Swivuriso 10:15

Khokholo ra n'wankumi i rifuwo ra yena, kasi swisiwana swi herisiwa hi vusweti bya swona.

Swivuriso 8:14

Ndzi ni switsundzuxo ni mianakanyo leyinene, ku twisisa ni matimba i swa mina.

Eklesiasta 7:12

Vutlhari byi sirhelela munhu, hilaha mali yi n'wi sirhelelaka hakona; ku va ni vutivi, swa pfuna: Vutlhari byi hanyisa vinyi va byona.

Eklesiasta 10:10

Loko xihloka xa wena xi bvinyekile hileswi u rivaleke ku xi lota, xi ta ku tikisela ntirho! Vutlhari byi pfuna ku lota miehleketo.