Eklesiasta 9:12 - BIBELE Mahungu Lamanene

¹² Munhu a nga wu tivi nkarhi wa ku fa ka yena; tanihi leswi tinhlampfi ti phasiwaka hi tinkoka, ni tinyanyana ti welaka entlhan'wini, munhu na yena ú ta humeleriwa hi khombo enkarhini wa rona, ri n'wi wela hi xitshuketa.

Xitsonga (Bibele)

¹² Hikuva munhu a nga tivi nkarhi wa yena, kukota tinhlampfi leti phasiwaka hi rikoka, ni tinyanyana leti phasiwaka hi mitlhamu; vana va vanhu va phasisiwa sweswo na vona, hi nkarhi wa khombo, loko ri va wela hi xipuku.

Eklesiasta 9:12 Referans Kwoze

1 Vatesalonika 5:3

Siku vanhu va nga ta ku: “Ku rhulile, ku hava xo karhata”, hi wona nkarhi lowu ku onhaka ku nga ta va wela henhla hi xitshuketa, tanihi ku lumiwa ka wansati la nga kusuhi ni ku kuma n'wana; va nga ka va nga poni.

Swivuriso 29:6

Munhu wo biha mbilu, ú wela entlhan'wini wa swidyoho swa yena, kasi lowo lulama, wo tiyimbelelela a tsakile.

2 Timotiya 2:26

Kutani va nga kota ku pona entlhan'wini wa Diyavulosi, loyi a va khomeke ku va endlisa ku rhandza ka yena.

2 Vakorinto 6:2

Hikuva Xikwembu xi te: “Ndzi ku yingisile enkarhini wa mina wa ku tsetselela, esikwini ra mina ra ku ponisa, ndzi ku lamulerile.” Vonani, nkarhi lowunene wa ku tsetseleriwa wu fikile, namuntlha hi rona siku ra ku ponisiwa.

Swivuriso 6:15

Hikokwalaho, ú ta wela hi khombo a nga ehleketanga, ú ta jumiwa a wiseriwa ehansi, a nga ha pfuki.

2 Petro 2:12

Kambe vanhu lava va fana ni swivumbiwa swo pfumala miehleketo, swiharhi swa nhova swo tswaleriwa ku khomiwa ni ku dlawa ntsena; va sandza etimhakeni leti va nga tiviki nchumu eka tona, kutani va ta herisiwa hi ku herisiwa loku fanaka ni ka swiharhi.

1 Petro 2:12

Hanyani hi mukhuva lowo saseka exikarhi ka vamatiko, leswaku loko va tshuka va mi lumbeta, va ku, mi vadyohi, va ta vona mintirho ya n'wina leyo saseka, va dzunisa Xikwembu, hi siku leri xi nga ta ta ha rona.

Luka 12:39

Kambe tivani leswaku loko n'wini wa yindlu onge a tivile nkarhi lowu khamba ri nga ta ta ha wona, ingi a nga tshikanga yindlu ya yena yi tshoviwa.

Luka 12:20

Kambe Xikwembu xi ku ka yena: ‘Wee xihunguki! Hi vusiku byebyi, u ta tekeriwa moya wa wena; kutani leswi u swi lunghiseke swi ta va swa mani xana?’ ”

Esaya 30:13

Leswi swi mi vangela nandzu; mi fana ni khumbi ro leha leri handzukeke swinene, ri huma rifa; ku nga ri khale, ri ta wela ehansi hinkwaro hi xinkarhanyana,

Eklesiasta 8:11

Leswi mintirho ya lavo homboloka yi nga avanyisiwangiki hi ku hatlisa, vanhu van'wana va tsutsumela ku endla leswi biheke.

Pisalema 11:6

Lavo homboloka, yi va nisela mpfundze ni xivavula, mpandzwa wa vona i moya lowu hisaka.

Eklesiasta 3:19

Vanhu ni swiharhi i swivumbiwa leswi kombiweke ndlela yin'we: Hinkwaswo swa hefemula, naswona hinkwaswo swa fa. Vanhu a va tluli swiharhi ha nchumu. Hakunene ku hava lexi pfunaka.

Eklesiasta 9:13

Laha misaveni, ndzi vonile ni mhaka yin'wana hi tlhelo ra vutlhari, kutani ndzi dyonzile leswo tala eka yona:

Esaya 24:18

Loyi a ringetaka ku tsutsuma loko a twa mpfumawulo wa leswo chavisa, ú ta ya hojomela ekheleni; loko a huma ekheleni, ú ta ya wela entlhan'wini. Matilo ma ta pfuleka, ni misava yi ta tsekatseka.

Hosiya 9:8

Mina muprofeta ndzi murindzi wa va ka Efrayimi, vona vanhu va Xikwembu xa mina; hambiswiritano, ndzi rhiyiwa hi mintlhamu etindleleni ta mina hinkwato, etikweni ra Xikwembu xa mina, va ndzi venga.

Swivuriso 24:22

hikuva vanhu lava va ta hatla va wela ekhombyeni, naswona i mani loyi a tivaka siku leri va nga ta herisiwa ha rona, xana?

Eklesiasta 8:8

Ku hava munhu la nga ni matimba ya ku tihlayisela moya wa yena, kumbe la kotaka ku yimisa siku ra ku fa ka yena. Lava yeke enyimpini, a va ntshunxiwi yi nga si hela, na vona lava tinyiketeke eka leswo biha, va nge ntshunxiwi eka swona.

Ezekiele 32:3

Hikokwalaho mina HOSI N'wini wa hinkwaswo ndzi ri: Ndzi ta tlharamula ritavala ndzi ku khubumeta, vamatiko lavo tala va ku rhendzerile; ndzi ta ku tsavula ematini hi rikoka ra mina,

Hosiya 7:12

Ndzi ta andlala ritavala ra mina ehenhla ka vona, loko va ri karhi va rhendzeleka ni matiko; ndzi ta va phasa ku fana ni tinyanyana, ndzi va ba, ndzi va bela mintirho ya vona leyo homboloka.