Eklesiasta 9:11 - BIBELE Mahungu Lamanene

¹¹ Ndzi engetile ndzi vona ni leswi: Laha misaveni, a hi vanhu lava tsutsumaka hi rivilo lava hetaka mpfhuka, naswona a hi lava nga ni matimba lava hlulaka enyimpini. A hi lavo tlhariha lava kumaka swakudya, ni rifuwo a ri kumiwi hi lavo dyondzeka. Lava tivaka maendlele a hi vona va tsakeriwaka. Hinkwaswo swi ni nkarhi lowu swi humelelaka ha wona.

Xitsonga (Bibele)

¹¹ Ndzi tlherile kambe ndzi vona ehansi ka dyambu leswaku eku siyisaneni, switsutsumi a swi siyi van'wana hi masiku kumbe tinhenha a ti hluri hi masiku ni swakudya a hi swa lavo tlhariha hi masiku, ni rifuwo a hi ra lava nga ni ku twisisa hi masiku, ni ku fundziwa a hi ka tintlhari hi masiku, hikuva nkarhi ni khombo, i swa hinkwavo.

Eklesiasta 9:11 Referans Kwoze

Yeremiya 9:23

HOSI Xikwembu xi vula sweswo xi ri: “Ntlhari yi nga tikurisi hi vutlhari bya yona, ni nhenha hi vunhenha bya yona, na yena la fumeke a nga tidzunisi hi rifuwo ra yena.

Eklesiasta 3:17

Emiehleketweni ya mina, ndzi te: Xikwembu xi ta hambanisa lavo lulama ni lavo homboloka, hikuva xi vekile nkarhi wo avanyisa swilo hinkwaswo ni mintirho hinkwayo.

Eklesiasta 3:14

Ndza swi tiva leswaku mintirho yihi kumbe yihi ya Xikwembu yi tiyile minkarhi hinkwayo: U nge engeteli nchumu eka yona, u nge hunguti nchumu eka yona. Xikwembu xi tirhise sweswo leswaku vanhu va ta xi chava.

Vaefesa 1:11

Hakunene Xikwembu xi endla hinkwaswo hilaha xi rhandzaka hakona ni hilaha xi pimaka hakona, kutani xi hlawurile hina Vayuda ku va vadyandzhaka va xona eka Kriste, hi ku tilulamisela ka xona ka khale,

2 TIKRONIKA 20:15

kutani a ku: “Yingisani hinkwenu vanhu va tiko ra Yuda, na n'wina vaaki va Yerusalema, na wena hosi Yoxafati! HOSI Xikwembu xi vulavula na n'wina xi ri, mi nga chaveni, mi nga tshuki mi hela matimba, loko mi vona ntshungu lowukulu lowu, hikuva a hi n'wina mi nga ta lwa nyimpi leyi, kambe yi ta lwiwa hi Xikwembu.

Duteronoma 8:18

kambe mi fanele ku tsundzuka HOSI Xikwembu xa n'wina, hikuva hi xona lexi xi nga ta va xi mi nyikile matimba ya ku kuma rifuwo ra kona; leswi, xi ta va xi swi endlile leswaku xi ta tiyisa ntwanano wa xona lowu xi wu hlambanyeleke vatata wa n'wina; ni namuntlha, swa ha ri tano.

Eklesiasta 4:4

Ndzi vonile ni leswi: Hinkwavo lava tikarhataka ni ku humelela emintirhweni ya vona, va susumetiwa hi ku vondzoka varikwavo. Na swona sweswo, a swi pfuni nchumu, i ku hlongorisa moya ntsena.

Yeremiya 46:6

Munhu wa rivilo a nga phonyoki, nhenha a yi koti ku baleka. Le n'walungwini eribuweni ra Yufrata, va khuguriwa va wa!”

Eklesiasta 7:13

Xiyaxiya matirhele ya Xikwembu: Swilo leswi xi swi endleke swi ri leswo gombonyoka, swi nge ololoxiwi hi munhu!

Eklesiasta 4:1

Kutani ndzi engeta ndzi vona hilaha vanhu va xanisanaka hakona emisaveni: Langutani mihloti ya vaxaniseki, ku hava loyi a va miyetaka; a va tweriwi vusiwana, hikuva vaxanisi va ni matimba.

Eklesiasta 2:12

Ndzi kambisisile ku hambana exikarhi ka vutlhari ni rihuhe kumbe vuphunta, kutani ndzi kuma leswaku hosi leyi nga ta sala yi fuma endzhaku ka mina, yi ta endla leswi tihosi ta khale a ti endla swona.

Ntirho 34:29

“Loko Xikwembu xi hlawula ku miyela, i mani la nga xi vekaka nandzu hi mhaka ya swona ke; ni loko xi tifihla, xi nga sindzisiwa hi mani ku vonaka ke? Ehenhla ka tiko ro karhi ni vanhu va rona,

2 SAMIELE 17:14

Kutani Abixalomu ni vavanuna va Israele hinkwavo va ku: “Switsundzuxo swa Huxayi swi twala ku tlula swa Ahitofele.” Mhaka hi leswaku HOSI Xikwembu a xi bohile leswaku switsundzuxo leswi twalaka swa Ahitofele, swi kanetiwa, xi ta kota ku vangela Abixalomu ekhombo.

Malakiya 3:18

Hikona mi nga ta vona ku hambana exikarhi ka lavo lulama ni lavo homboloka, ni le xikarhi ka lava va ndzi tirhelaka, ni lava va nga ndzi tirheliki mina Xikwembu.”

1 SAMIELE 17:50

Hi ndlela leyi, Davhida a hlula Mufilista: Ú lo n'wi ba hi ribye ra xipelupelu, a n'wi dlaya a nga tamelanga fumu.

Daniele 4:35

Vanhu hinkwavo va misava a hi nchumu emahlweni ka yena, lava akeke emisaveni, ni swivumbiwa hinkwaswo swa le tilweni, swi fumiwa hi yena. Ku hava loyi a nga n'wi sivelaka, kumbe loyi a nga n'wi vutisaka a ku: ‘U endla yini xana?’

2 SAMIELE 17:23

Loko Ahitofele a vonile leswaku switsundzuxo swa yena a swi amukeriwanga, a bohelela xitshamu embhongolweni a gada, a ya ekaya karikwavo; a fika a lulamisa swa ndyangu wa yena hinkwaswo, kutani a tihinga, a fa; va ya n'wi lahla emasirheni ya vatata wa yena.

Duteronoma 8:17

“Tivoneleni, mi nga tshuki mi anakanya leswaku rifuwo leri mi nga ta va na rona, mi ta va mi ri kumile hi ntamu wa n'wina ni mintirho ya n'wina ya matimba;

1 SAMIELE 6:9

N'wina mo yi languta ntsena: Loko yi khoma ndlela leyi kongomaka ekaya ka yona, ni loko yi tlhandlukela eBeta-Xemexe, khombo lerikulu leri ri nga hi wela, ri ta va ri vangiwile hi HOSI Xikwembu. Kambe loko swi nga ri tano, hi ta tiva leswaku a hi nkhavi wa xona lowu wu hi beke, i khombo leri nga lo tshuka ri humelela.”

Pisalema 76:5

Masocha lama tiyeke ma hlaseriwile ma ha etlele, ma tekeriwa leswi a ma swi phanghile; a ku vanga na nhenha na yin'we leyi koteke ku tlakusa voko.

Swivuriso 1:5

Na yena loyi a tlhariheke, loko a swi landza, ú ta dyondza a ya emahlweni. Munhu loyi a twisisaka, ú kuma switsundzuxo,

Eklesiasta 9:2

vanhu hinkwavo va wela hi swo fana, va boxeriwa ndlela yin'we, lowo lulama swin'we ni lowo homboloka, munhu lonene la tengeke swin'we ni loyi a nga tengangiki, la humesaka magandzelo swin'we ni loyi a nga humesiki, la hlayisaka milawu swin'we ni loyi a yi tlulaka, loyi a tibohaka hi ku hlambanya swin'we ni loyi a alaka ku tiboha.

Zakariya 4:6

Hiloko ntsumi yi ndzi lerisa ku ya byela Zerubabele rito ra HOSI Xikwembu leri nge: “Entirhweni wa wena, a wu nga humeleli hi vunhenha kumbe hi ku tirhisa matimba, kambe u ta humelela ntsena hi ku pfuniwa hi Moya wa mina. Ndzi vula sweswo, mina HOSI ya matimba hinkwawo.

Eklesiasta 9:3

Hinkwavo va wela hi swo fana, kutani exikarhi ka hinkwaswo leswi humelelaka laha misaveni, mhaka leyi yi bihile; naswona timbilu ta vanhu ti tele leswo biha, hinkwavo va hanya onge va ni rihuhe. Eku heteleleni, va ya exivandleni xa vafi.

Yeremiya 48:14

“N'wina vavanuna va Mowabu, mi nga vurisa ku yini mi ku: ‘Hi tinhenha hina, enyimpini a hi chavi nchumu!’