Eklesiasta 9:1 - BIBELE Mahungu Lamanene

¹ Ndzi tikarhatile ku twisisa leswi hinkwaswo, kutani ndzi kumile nhlamuselo leyi ya swona: I Xikwembu xi fumaka lavo lulama ni tintlhari, swin'we ni mintirho ya vona. Hambi ú ta rhandziwa kumbe a vengiwa, munhu a nga swi tivi, hinkwaswo swa ha ri emahlweni ka yena;

Xitsonga (Bibele)

¹ Kunene hinkwaswo leswi, ndzi swi xiyisisile, kutani ndzi swi vona eku vonakaleni leswaku lavo lulama ni lavo tlhariha va le vokweni ra Xikwembu kun'we ni mitirho ya vona; vanhu va nga ka va nga swi tivi leswaku va rhandziwa kumbe va vengiwa; hinkwaswo swi le mahlweni ka vona.

Eklesiasta 9:1 Referans Kwoze

Duteronoma 33:3

Vanhu va xona, xa va rhandza hakunene, hinkwavo lava xi nga tihlawulela vona va le vokweni ra xona, va nkhinsama emilengeni ya xona, va amukela swileriso swa xona.

1 Petro 1:5

n'wina lava mi pfumeleke, kutani mi hlayisiwa hi matimba ya Xikwembu, leswaku mi ta kuma ku ponisiwa loku yimeleke ku kombisiwa enkarhini wa makumu.

Eklesiasta 8:14

Laha misaveni, ka ha ri ni swin'wana leswi nga pfuniki nchumu: Ku ni vanhu vo lulama lava welaka hi makhombo ya lavo homboloka; kambe ku ni lavo homboloka lava kumaka minkateko ya lavo lulama. Na swona sweswo, ndza ha vula leswaku a swi pfuni nchumu.

Ntirho 12:10

Hi xona xi hlayisaka vutomi bya leswi hanyaka hinkwaswo, munhu un'wana ni un'wana ú hanyisiwa hi xona.

2 Timotiya 1:12

Kutani ndzi xaniseka hi ndlela leyi hikwalaho ka swona; kambe a ndzi na tingana, hikuva ndzi tiva loyi ndzi pfumeleke eka yena, kutani ndzi tshemba swinene leswaku wa swi kota ku hlayisa leswi a swi vekeke emavokweni ya mina, ku fikela siku lerikulu.

Esaya 26:12

We HOSI, u ta hi tisela ku rhula, hikuva hinkwaswo leswi hi koteke ku swi endla, hi swi endlile hi matimba ya wena.

Swivuriso 16:3

Loko u endla xilo, kombela HOSI Xikwembu xi ku pfuna, kutani makungu ya wena ma ta katekisiwa.

Pisalema 31:5

We HOSI, ndzi veka vutomi bya mina emavokweni ya wena; u ndzi kutsurile we HOSI, wena Xikwembu xo tshembeka.

1 SAMIELE 2:9

HOSI yi ta hlayisa vutomi bya lava va yi tshembaka, kambe lavo biha va ta nyamalala emunyameni, hikuva munhu a nga ka a nga khani hi matimba ya yena.

Eklesiasta 10:14

Xiphunta xi vulavula ngopfu, hambileswi munhu a nga tiviki leswi nga ta humelela mundzuku, hambileswi a nga twisisiki leswi nga ta va kona loko a hundzile.

Eklesiasta 8:16

Ndzi ringetile hi matimba ku twisisa vutlhari, ni mintirho leyi vanhu va yi endlaka emisaveni, ndzi vona ni hilaha va hetaka vusiku ni nhlekanhi hakona va nga etleli.

Eklesiasta 7:25

Ndzi tinyiketile hi mbilu ya mina hinkwayo ku kuma vutlhari ni tinhlamuselo ta byona, ndzi swi kambisisa ni ku ringeta ku swi twisisa, kutani ndzi vonile leswaku ku endla leswo homboloka, i rihuhe, ni leswaku mintirho ya vuphunta a yi aki nchumu.

Eklesiasta 7:15

Emasikwini yo koma ya ku hanya ka mina, ndzi vonile swilo leswo tala: Munhu wo lulama ú hatla a fa hambileswi a lulameke, kasi lowo homboloka ú hanya malembe eku hombolokeni ka yena.

Eklesiasta 1:17

Kutani, hi ku tirhisa miehleketo ya mina, ndzi kambisisile ku hambana exikarhi ka vutlhari na rihuhe kumbe vuphunta, ndzi ya kuma leswaku sweswo na swona i ku hlongorisa moya,

Pisalema 73:3

hikuva ndzi naverile swa lavo homboloka, lava humelelaka hambileswi va tikurisaka ngopfu.

Pisalema 10:14

Kasi wena wa swi vona; ina, maxangu ni mahlomulo wa ma vona, u tiyimisele ku lwela swisiwana. Hikokwalaho, lava tsaneke va tinyiketa eka wena, lava pfumalaka vatswari, va kuma ku pfuneka eka wena.

Ntirho 5:8

Elifasi a engeta a ku: “Loko mina a ndzo va wena, a ndzi ta khongela Xikwembu, ndzi boxa mhaka ya mina emahlweni ka xona.

Pisalema 119:109

Minkarhi hinkwayo ndzi le kusuhi ni ku dlawa, kambe a ndzi rivali nawu wa wena.

Eklesiasta 9:6

Hambi rirhandzu, kumbe rivengo, kumbe mavondzo, eka vona swi nyamalarile hinkwaswo; emintirhweni hinkwayo leyi tirhiwaka la misaveni, a va ha nghenisi voko.

Yeremiya 43:6

Masalela ya kona, a va ri vavanuna ni vavasati ni vana ni vanhwana va le ntsindza, va nga vanhu hinkwavo lava Nebuzaradani ndhuna ya vasirheleri a va siyeke emavokweni ya Gedaliya n'wana Ahikama wa Xafani. Yohanani a teka na muprofeta Yeremiya, na Baruku n'wana Neriya, a famba na vona.

Ntirho 27:12

N'wina hinkwenu, leswi humeleleke mi swi vonile, hikwalaho ka yini mi tikanganyisa hi swilo swa hava, xana?”

Eklesiasta 8:7

a nge tivi leswi nga ta humelela mundzuku; naswona, i mani la nga n'wi tivisaka matele ya swona xana?