Eklesiasta 8:6 - BIBELE Mahungu Lamanene

⁶ Hakunene mhaka yin'wana ni yin'wana yi ni minkarhi ya yona ni maendlele ya yona. Leswi makhombo layo tala ma rhendzelaka munhu,

Xitsonga (Bibele)

⁶ Hikuva hinkwaswo leswi u rhandzaka ku swi endla nkarhi wu kona wa swona, ni mfanelo yi kona ya swona. Hikuva khombo ra munhu ri kulukumba ehenhla ka yena.

Eklesiasta 8:6 Referans Kwoze

Eklesiasta 3:1

Laha misaveni, mintirho hinkwayo yi vekeriwe tinguva ta yona, hinkwaswo swi endleka hi nkarhi wa swona.

Eklesiasta 3:17

Emiehleketweni ya mina, ndzi te: Xikwembu xi ta hambanisa lavo lulama ni lavo homboloka, hikuva xi vekile nkarhi wo avanyisa swilo hinkwaswo ni mintirho hinkwayo.

Eklesiasta 3:11

Xi endlile hinkwaswo swi va leswi fambelanaka ni minkarhi ya swona; naswona xi nyikile vanhu ku twisisa ku landzelelana ka tinguva. Hambiswiritano, matirhele ya Xikwembu ku sukela eku sunguleni ka wona ku fikela emakumo, munhu a nge ma twisisi.

Luka 13:25

Loko n'wini wa muti a pfuka, a ya pfala nyangwa, n'wina mi nga yima le handle, mi ta sungula ku gongondza, mi ku: ‘Hosi, hi pfulele!’ Kambe ú ta mi hlamula a ku: ‘A ndzi tivi leswaku mi huma kwihi.’

Eklesiasta 11:9

Wena lontshwa, tsakela vuntshwa bya wena, u tiphina emasikwini wolawo. Famba hi tindlela leti u ti rhandzaka, leti kokaka mahlo ya wena, kambe tiva leswaku Xikwembu xi ta ku avanyisa ehenhla ka leswi hinkwaswo.

Ntirho 10:13

Kambe ndza swi tiva: Exihundleni xa mbilu ya wena, u ni makungu ya ku ndzi xanisa:

Ntirho 33:17

Xi va tshikisa mintirho ya vona leyo biha, xi va sivela ku tikurisa.

Ntirho 33:19

“Xikwembu xi nga tshinya munhu hi switlhavi, xi n'wi etlerisa emasangwini, marhambu ya yena ma pandza ma nga miyeli.