Eklesiasta 8:5 - BIBELE Mahungu Lamanene

⁵ Munhu la yingisaka swileriso, a nga ngheni etimhakeni leti biheke; la tlhariheke, ú tiva minkarhi ni maendlele.

Xitsonga (Bibele)

⁵ “La hlayisaka nawu, a nga tivi mhaka yo biha, ni mbilu ya lowo tlhariha yi tiva mikarhi ni timfanelo.

Eklesiasta 8:5 Referans Kwoze

Vaheveru 5:14

Kambe swakudya leswi tiyeke i swa lava kuleke, i swa lava miehleketo ya vona yi vupfeke, lava toloveleke ku hlawula leswinene eka leswo biha.

Timhaka 4:19

Kambe Petro na Yohane va va hlamula, va ku: “A ku avanyise n'wina: Xana swi lulamile emahlweni ka Xikwembu ku yingisa n'wina ku tlula xona xana?

Luka 20:25

Hiloko a ku ka vona: “Hikokwalaho, nyikani Khezari leswi nga swa Khezari, ni Xikwembu leswi nga swa Xikwembu.”

1 TIKRONIKA 12:32

Va ka Isakara, va nga vanhu vo xiya minkarhi ni ku tiva leswi Vaisraele va fanelaka ku endla swona, a va ri ni tindhuna ta 200, ni masocha ya ka vona lawa a ma ri hansi ka tindhuna teto.

Timhaka 5:29

Kambe Petro ni vaapostola lavan'wana va hlamula, va ku: “Hi fanele ku yingisa Xikwembu ku tlula vanhu.

Hosiya 5:11

Va ka Efrayimi va tshikeleriwa, timhaka ti dya vona, hikuva va tinyiketele ku landzelela leswi nga pfuniki nchumu.

Eklesiasta 10:2

Miehleketo ya lowo tlhariha yi n'wi tisela nkateko, kasi ya xiphunta yi xi vangela makhombo.

Eklesiasta 8:2

Mina ndzi ri, amukela swileriso swa hosi, hikuva u hlambanyele sweswo emahlweni ka Xikwembu.

Eklesiasta 2:14

Munhu wo tlhariha ú vona laha a yaka kona, xiphunta xona xi gugurhuteka emunyameni. Hambiswiritano, ndza swi tiva: Eku heteleleni, hinkwavo va kuma swo fana.

Swivuriso 17:24

Munhu loyi a twisisaka, ú tikarhatela ku yingisa swa vutlhari ntsena, kasi miehleketo ya xiphunta yi hangalaka ni misava hinkwayo.

Eksoda 1:17

Kambe vavasati lava va tisungukati a va chava Xikwembu, kutani a va endlanga leswi hosi ya Egipta yi va leriseke swona: Va tshika vana va vafana va hanya.

Vakolosa 1:9

Hikokwalaho, ku sukela siku leri hi swi tweke, a hi tshikanga ku mi khongelela, ni ku kombela Xikwembu leswaku xi mi tata hi vutivi bya ku rhandza ka xona, evutlharini hinkwabyo ni ku twisiseni hinkwako loku nyikiwaka hi Moya;

Pisalema 119:6

Loko ndzi landzelela swileriso swa wena, a ndzi nga khomiwi hi tingana.

Swivuriso 12:21

Lowo lulama a nga weli hi khombo, kasi lavo homboloka va rhendzeriwa hi maxangu.

Eklesiasta 12:13

Eka hinkwaswo leswi u swi tweke, rito ro hetelela hi leri: Chava Xikwembu, u hlayisa milawu ya xona, hikuva sweswo i fanelo ya munhu un'wana ni un'wana.