Eklesiasta 8:15 - BIBELE Mahungu Lamanene

¹⁵ Hikokwalaho mina ndzi ri, swi sasekile loko vanhu va kuma ku tsaka va ha hanya emisaveni; va nge nyikiwi nkateko wo tlula wa ku dya ni ku nwa va tiphina, hikuva hi swona leswi swi nga ta va wisisa eku tikarhateni ka vona, emasikwini ya ku hanya ka vona laha misaveni, lawa Xikwembu xi va nyikeke wona.

Xitsonga (Bibele)

¹⁵ Ndzi dzunisa ku tsaka, ndzi ku: “A ku na lexi sasekeke eka munhu ehansi ka dyambu, loko ku nga ri ku dya, ni ku nwa, ni ku titsakela; hi lexi a xi siyeriweke, eku tikarhateni ka yena hi masiku hinkwawo ya ku hanya ka yena, lawa Xikwembu xi n'wi nyikeke wona ehansi ka dyambu.”

Eklesiasta 8:15 Referans Kwoze

Eklesiasta 2:24

Loko munhu a kota ku dya ni ku nwa, ni loko a vona leswo tsakisa entirhweni wa yena, a hi minkateko leyi a tikumeleke yona hi yexe, e-e. Hi ku twisisa ka mina, swilo leswi i tinyiko leti humaka eka Xikwembu.

Eklesiasta 5:18

Ndzi vonile ni leswi: I mhaka leyinene yo saseka loko munhu a kota ku dya ni ku nwa, a tikumela ntsako hi mintirho ya yena hinkwayo leyi a yi endlaka laha misaveni, emasikwini lawa Xikwembu xi n'wi nyikeke wona. Hi swona leswi a averiweke swona.

1 Timotiya 6:17

Kambe loko va ri lava va nga ni rifuwo ra misava leyi, va byele leswaku va nga tikurisi, kumbe ku veka ku tshemba ka vona erifuweni leri nga tiyangiki, kambe va veka ku tshemba ka vona eka Xikwembu: Hi xona xi hi nyikaka hi ntalo swilo hinkwaswo leswaku hi tikorwisa ha swona.

Eklesiasta 3:22

Kutani ndzi swi vonile leswaku munhu a nga na lexi a nga titsakisaka ha xona, loko yi nga ri mihandzu ya ntirho wa yena; hi swona leswi a averiweke swona. Xana i mani loyi a nga n'wi kombaka leswi nga ta humelela mundzuku xana?

Pisalema 42:8

Hambiswiritano, HOSI Xikwembu xi ta ndzi komba tintswalo loko ri xile, nivusiku ndzi ta yimbelela risimu ra xona, ndzi khongela xona n'wini wa vutomi byanga.

Eklesiasta 2:1

Ndzi tibyerile ndzi ku: “Swi nga va njhani loko ndzi tiphina, ndzi kumanyana ku tsaka, ke?” Kambe na swona sweswo a swi pfunanga nchumu.

Eklesiasta 2:3

Ndzi lavile tindlela ta ku titsakisa hi ku nwa vhinyo, ndzi ringeta ku tipengisanyana, kambe ndzi nga tirivali; a ndzi navela ku vona leswaku loko munhu a ha ri laha misaveni, a nga endla yini ku kuma ntsako.

Eklesiasta 2:10

Ndzi kumile hinkwaswo leswi mahlo ya mina a ma swi navela; leswi mbilu ya mina yi swi laveke, a ndzi yi tsonanga swona. Ndzi tinyungubyisile hi mintirho hinkwayo ya mavoko ya mina, yi va yona hakelo ya mina, eku tikarhateni ka mina.