Eklesiasta 8:14 - BIBELE Mahungu Lamanene

¹⁴ Laha misaveni, ka ha ri ni swin'wana leswi nga pfuniki nchumu: Ku ni vanhu vo lulama lava welaka hi makhombo ya lavo homboloka; kambe ku ni lavo homboloka lava kumaka minkateko ya lavo lulama. Na swona sweswo, ndza ha vula leswaku a swi pfuni nchumu.

Xitsonga (Bibele)

¹⁴ Swahava swin'wana leswi nga emisaveni hi leswi: ku na lavo lulama lava humeleriwaka hi hakelo leyi lulameleke mitirho ya lavo homboloka, kutani lavo homboloka va kona lava humeleriwaka hi hakelo leyi lulameleke mitirho ya lavo lulama. Ndzi vurile leswaku swoleswo na swona i swahava.

Eklesiasta 8:14 Referans Kwoze

Eklesiasta 7:15

Emasikwini yo koma ya ku hanya ka mina, ndzi vonile swilo leswo tala: Munhu wo lulama ú hatla a fa hambileswi a lulameke, kasi lowo homboloka ú hanya malembe eku hombolokeni ka yena.

Malakiya 3:15

Hina hi vona leswi: Lava tikurisaka, hi vona va katekaka, lavo biha va humelela; hambiloko va ringa Xikwembu, xona a xi va bi!’ ”

Eklesiasta 2:14

Munhu wo tlhariha ú vona laha a yaka kona, xiphunta xona xi gugurhuteka emunyameni. Hambiswiritano, ndza swi tiva: Eku heteleleni, hinkwavo va kuma swo fana.

Pisalema 73:3

hikuva ndzi naverile swa lavo homboloka, lava humelelaka hambileswi va tikurisaka ngopfu.

Ntirho 21:7

“Hikwalaho ka yini lavo homboloka va hanya, va tshama va tiyile va ko va dyuhala ke?

Yeremiya 12:1

We HOSI, u Xikwembu xo lulama, ndzi nge kanetani na wena, hambiswiritano ndzi ni timhaka leti ndzi lavaka ku ku vutisa tona: Hikwalaho ka yini lavo homboloka va kateka emintirhweni ya vona, vakanganyisi va hanyela yini emafurheni xana?

Eklesiasta 10:5

Laha misaveni, ndzi vonile mhaka yo biha, swi nga swihoxo leswi endliwaka hi tihosi:

Eklesiasta 4:8

Munhu la tshamaka a ri yexe, la pfumalaka n'wana kumbe makwavo, a nga tshiki ku tirha a dzuka nyuku, hikuva a nga kolwi hi rifuwo ra yena. Ú rivala ku tivutisa, a ku: “Xana ndzi tikarhatela mani, ndzi titsonela yini leswo nandziha, xana?” Na swona sweswo, a swi pfuni nchumu, i ku tikarhatela mahala ntsena.

Eklesiasta 4:4

Ndzi vonile ni leswi: Hinkwavo lava tikarhataka ni ku humelela emintirhweni ya vona, va susumetiwa hi ku vondzoka varikwavo. Na swona sweswo, a swi pfuni nchumu, i ku hlongorisa moya ntsena.

Ntirho 1:22

Emakhombyeni lawa hinkwawo, Yobo a nga dyohanga kumbe ku lumbeta Xikwembu.

Ntirho 27:12

N'wina hinkwenu, leswi humeleleke mi swi vonile, hikwalaho ka yini mi tikanganyisa hi swilo swa hava, xana?”