Eklesiasta 7:8 - BIBELE Mahungu Lamanene

⁸ Ku heta ntirho, swi tlula ku wu sungula, la tiyiselaka, ú tlula la titshembaka.

Xitsonga (Bibele)

⁸ Makumu ya mhaka ma tlula masungulo ya yona. Mbilu yo leha yi sasekile ku tlula mbilu leyi tikurisaka.

Eklesiasta 7:8 Referans Kwoze

Vaheveru 10:36

Swa fanela leswaku mi tiyisela, leswaku mi ta kota ku endla ku rhandza ka Xikwembu, mi ta amukela leswi xi nga mi tshembisa swona.

Swivuriso 14:29

Munhu loyi a kotaka ku tiyisela swilo, ú twisisa ngopfu, kasi munhu wa ximbilwa-mbilwana, u nyanya ku paluxa vuphukuphuku bya yena.

1 Petro 1:13

Hikokwalaho, pfukani emiehleketweni! Tikhomeni! Vekani ku tshemba ka n'wina hinkwako ehenhla ka tintswalo leti mi nga ta kombiwa tona, siku Yesu Kriste a nga ta humelela.

Yakobo 5:11

Langutani, lava hi vulaka leswaku va katekile, hi lava va tiyiseleke. Mi twile ta ku tiyisela ka Yobo, nakona mi vonile leswi Hosi a yi kongomile swona, ni hilaha Hosi yi taleke musa ni tintswalo hakona.

Yakobo 5:8

Na n'wina, lehisani timbilu mi tiyisela, hikuva ku ta ka Hosi ku kusuhi.

Vagalatiya 5:22

Kasi mihandzu ya Moya i rirhandzu, ni ku tsaka, ni ku rhula, ni ku leha mbilu, ni vunene, ni ku hanana, ni ku tshembeka,

Luka 21:19

hi ku tiyisela ka n'wina, mi ta tikumela vutomi.

Swivuriso 16:32

Loyi a hlwelaka ku hlundzuka, ú tlula nghwazi, munhu la kotaka ku tikhoma, ú tlula loyi a hlulaka miti.

Swivuriso 15:18

Munhu wa ximbilwa-mbilwana ú pfuxa madzolonga, kasi loyi a tiyiselaka swilo, ú miyeta ku holova.

Luka 16:25

Kambe Abrahama a ku: ‘N'wananga, tsundzuka leswaku u kumile rifuwo evutomini bya wena, kasi Lazaro yena a a vaviseka enkarhini wolowo; kambe sweswi wa chaveleriwa haleno, kasi wena u twisiwa ku vaviseka.

Swivuriso 28:25

La nga ni makolo, ú vanga madzolonga, kasi munhu loyi a tshembaka HOSI Xikwembu, ú ta dya a xurha.

Swivuriso 13:10

Ku tikurisa, swi vanga madzolonga ntsena, kasi vutlhari i bya lava pfumelaka ku tsundzuxiwa.

Vaefesa 4:2

Masiku hinkwawo, titsongahateni, mi va ni musa, mi lehisa mbilu; kombani rirhandzu ra n'wina hi ku yingiselana.

Eklesiasta 7:1

Ku va ni vito lerinene, swi tlula mafurha layo nun'hwela; siku ra ku fa ri tlula ra ku velekiwa.