Eklesiasta 7:5 - BIBELE Mahungu Lamanene

⁵ La nkhensaka ku tshinyiwa hi ntlhari, ú tlula la tsakelaka ku phatiwa hi swiphunta.

Xitsonga (Bibele)

⁵ Swi sasekile loko munhu a yingisela ku holovela ka lavo tlhariha ku ri ni ku yingisela risimu ra swihunguki.

Eklesiasta 7:5 Referans Kwoze

Pisalema 141:5

Loko munhu wo lulama a ndzi ba ni ku ndzi tshinya hi rirhandzu, eka mina i mafurha layo nun'hwela, ndzi nge ali ku cheriwa wona enhlokweni; kambe ndza ha ta khongela ndzi lwa ni mintirho ya lavo homboloka.

Nhlavutelo 3:19

Ndzi tshinya ni ku laya lava ndzi va rhandzaka; hikokwalaho, tikarhate u hundzuka!

Swivuriso 13:18

Loyi a alaka ku layiwa, ú tivangela vusiwana ni tingana, kasi loyi a pfumelaka ku tshinyiwa, wa dzunisiwa.

Swivuriso 27:6

Ku boxiwa timbanga hi loyi a nga munghana, swa antswa, ku ri ni ku ntswontswiwa hi nala wa wena.

Swivuriso 17:10

Munhu loyi a twisisaka, ú hatla ku twa loko a tshinyiwa, kasi xiphunta, hambi xo himeteriwa ka dzana, a xi twi.

Swivuriso 13:13

Loyi a solaka switsundzuxo, ú tivangela rifu, kasi loyi a yingisaka nawu, wa vuyeriwa.

Swivuriso 9:8

Musandzi, u nga n'wi tshinyi, hikuva ú ta ku venga, tshinya loyi a tlhariheke, yena ú ta ku rhandza.

Pisalema 69:12

Lava dzumbaka enyangweni ya muti, va vulavula hi mina, va ndzi hlekula hi tinsimu emabyalweni.

Swivuriso 6:23

Switsundzuxo i rivoni, milawu i ku vonakala, marito yo tshinya ni ku laya ma komba ndlela ya ku hanya.

Swivuriso 25:12

Swiletelo swa vutlhari, eka munhu loyi a swi yingisaka, swi fana ni xingwavila xa nsuku, kumbe vuhlalu bya nkoka.

Eklesiasta 7:4

Vanhu vo tlhariha va kumeka enkosini, emutini wa ntsako, ku tele swiphunta.

Eklesiasta 9:17

Marito yo hola lama vuriwaka hi munhu wo tlhariha, ma tlula marito lama huweleriwaka hi hosi ya swiphunta.

Eklesiasta 12:11

Marito ya vanhu vo tlhariha, ma fana ni tinhonga to tontswa, kumbe timhingu leti dzimiweke hansi ti tiya. Vadyondzisi va marito lawa, hi nyikiwile vona hi Murisi a ri un'we.