Eklesiasta 7:29 - BIBELE Mahungu Lamanene

²⁹ Mhaka leyi ndzi yi kumeke hi leyi: Xikwembu xi endlile vanhu va ri lava lulameke, kambe vona va tilavele tindlela to tala leti hambukeke.

Xitsonga (Bibele)

²⁹ Languta ntsena lexi ndzi xi kumeke: Hi leswaku Xikwembu xi endlile vanhu lava lulameke, kambe vona va lavile mikhuva yo tala.

Eklesiasta 7:29 Referans Kwoze

Yeremiya 4:22

HOSI Xikwembu xi ri: “Vanhu va mina i swiphukuphuku, ni ku ndzi tiva a va ndzi tivi. I maphuphula kunene, a va twisisi nchumu. Ku endla leswinene, a va swi lavi, kambe emintirhweni leyo biha, va thwasile!”

Tito 3:3

Na hina khale a hi ri swiphukuphuku, hi humile endleleni, hi ala ku yingisa; a hi ri mahlonga ya ku navela, ni ya ku titsakisa ka tinxaka-xaka; a hi ri lava hanyaka hi nsele ni mavondzo; a hi vengiwa, na hina hi vengana.

Genesa 5:1

Lowu i nongonoko wa va ka Adamu. Loko Xikwembu xi tumbuluxa munhu, xi n'wi endlile a fana na xona.

Pisalema 106:39

Na vona vinyi va tinyamisile hi swiendlo swa vona, va nga ha tshembeki eka Xikwembu.

Pisalema 106:29

va hlundzukisa Xikwembu hi swiendlo swa vona, kutani ku humelela ntungu exikarhi ka vona.

Pisalema 99:8

We HOSI Xikwembu xa hina, a wu va hlamula, u va rivalela, kambe a wu nga tshiki ku va ba loko va ku dyoherile.

Eklesiasta 8:1

Xana i mani la fanaka ni ntlhari, i mani la tivaka ku hlamusela timhaka ke? Munhu la tlhariheke, wa n'wayitela, nghohe ya yena a yi na minkonya.

Ezekiele 28:15

A wu ri ni mahanyelo lamanene ku sukela siku leri u tumbuluxiweke ha rona, kambe u sungurile ku endla leswo homboloka.