Eklesiasta 7:22 - BIBELE Mahungu Lamanene

²² Na wena, eminkarhini leyo tala, u hlevile van'wana; ripfalo ra wena ra swi tiva sweswo.

Xitsonga (Bibele)

²² Hikuva mbilu ya wena yi tiva swisandzu leswinyingi leswi, na wena u nga hleva van'wana ha swona.

Eklesiasta 7:22 Referans Kwoze

Yakobo 3:9

Ha rona hi dzunisa Hosi, loyi a nga Tatana; nakambe ha rona hi rhukana vanhu, lava endliweke hi xifaniso xa Xikwembu.

Matewu 15:19

Hikuva miehleketo leyo biha, ni ku dlayana, ni vuoswi, ni vuphukuphuku, ni ku yiva, ni vumbhoni byo hemba, ni ku sandzana, swi huma embilwini;

1 TIHOSI 2:44

Hosi Solomoni a engeta a ku: “Wa swi tiva embilwini ya wena hinkwaswo leswo biha leswi u dyoheleke Davhida tata wa mina ha swona; hikokwalaho, HOSI Xikwembu xi ta ku rhwexa nandzu wa wena wa leswo biha.

Eklesiasta 7:21

U nga yingiseli hinkwaswo leswi vanhu va swi vulaka, hikuva u nga tshuka u twa nandza wa wena a ri karhi a ku hleva.

Eklesiasta 7:23

Hinkwaswo leswi, ndzi swi kambisisile ndzi ri karhi ndzi lava vutlhari; a ndzi ku, ndzi ta va la tlhariheke, kambe sweswo swi ndzi tsandzile.