Eklesiasta 7:18 - BIBELE Mahungu Lamanene

¹⁸ Swa antswa ku hlayisa switsundzuxo leswi, u nga hambani na swona, hikuva lava chavaka Xikwembu, va swi landza hi vumbirhi bya swona.

Xitsonga (Bibele)

¹⁸ Swi sasekile loko u tamela lexi, na rona voko ra wena ri nga tshuki ri fularhela lexiya, hikuva la chavaka Xikwembu u huma emakhombyeni hinkwawo.

Eklesiasta 7:18 Referans Kwoze

Eklesiasta 12:13

Eka hinkwaswo leswi u swi tweke, rito ro hetelela hi leri: Chava Xikwembu, u hlayisa milawu ya xona, hikuva sweswo i fanelo ya munhu un'wana ni un'wana.

Luka 11:42

“Mi ni khombo n'wina Vafarisi, hikuva mi humesa vukhume bya ximbowa-mbowani, ni bya mbowa, ni bya matsavu hinkwawo, kasi a mi na mhaka ni ku lulama na rirhandzu ra Xikwembu! A mi fanerile ku endla swilo leswi, loko mi ri karhi mi endla ni leswiya swin'wana.

Luka 1:50

ni tintswalo ta yena i ta minkarhi ni minkarhi eka lava n'wi chavaka.

Malakiya 4:2

Kambe n'wina lava chavaka vito ra mina, ndzi ta mi komba ntamu wa mina wa ku ponisa; Wu ta fana ni dyambu leri miseve ya rona yi horisaka mavabyi. Mi ta ntshunxiwa mi tlalamba kukota marhole loko ma huma etshangeni.

Eklesiasta 11:6

Haxa mbewu ka ha ra nimixo, ni loko ri rhengile u nga tshami hi mavoko, hikuva a wu tivi leyi nga ta mila. Ku nga mila leyi kumbe liya, kumbe yi mila hinkwayo.

Eklesiasta 8:12

Munhu wo homboloka a nga ha hanya malembe layo tala, hambileswi a dyoheke ka dzana; kambe mina ndza swi tiva leswaku lava chavaka Xikwembu, va ta kateka hikwalaho ka vukhongeri bya vona.

Yeremiya 32:40

Ndzi ta endla na vona ntwanano lowu nga heriki; a ndzi nga tshiki ku va katekisa; ndzi ta va pfuna ku ndzi komba xichavo va nga ha ndzi fularheli.

Eklesiasta 3:14

Ndza swi tiva leswaku mintirho yihi kumbe yihi ya Xikwembu yi tiyile minkarhi hinkwayo: U nge engeteli nchumu eka yona, u nge hunguti nchumu eka yona. Xikwembu xi tirhise sweswo leswaku vanhu va ta xi chava.

Swivuriso 8:20

Gondzo leri ndzi fambaka ha rona ri yisa eka leswo lulama, i ndlela leyi kongomaka emilawini leyinene.

Eklesiasta 5:7

Milorho yo tala ni ku jakatseka a swi pfuni nchumu, kambe wena u nga rivali ku chava Xikwembu.

Eklesiasta 8:13

Lowo homboloka yena a nge kateki; masiku ya ku hanya ka yena ma ta hundza kukota papanyana, hikuva a nga chavanga Xikwembu.

Swivuriso 12:21

Lowo lulama a nga weli hi khombo, kasi lavo homboloka va rhendzeriwa hi maxangu.