Eklesiasta 7:13 - BIBELE Mahungu Lamanene

¹³ Xiyaxiya matirhele ya Xikwembu: Swilo leswi xi swi endleke swi ri leswo gombonyoka, swi nge ololoxiwi hi munhu!

Xitsonga (Bibele)

¹³ Xiyisisa ntirho wa Xikwembu, hikuva i mani la nga ololoxaka lexi petsiweke hi xona?

Eklesiasta 7:13 Referans Kwoze

Eklesiasta 1:15

Lexi gombonyokeke, u nge xi ololoxi, u nge hlayi xilo lexi xi nga riki kona.

Ntirho 12:14

“Leswi Xikwembu xi swi wiseke, swi nge pfuxiwi hi munhu; munhu loyi xi nga n'wi pfalela ekhotsweni, a nge pfuleriwi hi un'wana.

Esaya 5:12

Eminkhubyeni ya vona va nwa vhinyo va ri karhi va chaya switende hi tiharipa ni swingomana ni tinanga; kambe mintirho ya HOSI Xikwembu a va na mhaka na yona, ni leswi xi swi endleke, a va swi voni.

Eklesiasta 3:11

Xi endlile hinkwaswo swi va leswi fambelanaka ni minkarhi ya swona; naswona xi nyikile vanhu ku twisisa ku landzelelana ka tinguva. Hambiswiritano, matirhele ya Xikwembu ku sukela eku sunguleni ka wona ku fikela emakumo, munhu a nge ma twisisi.

Vaefesa 1:11

Hakunene Xikwembu xi endla hinkwaswo hilaha xi rhandzaka hakona ni hilaha xi pimaka hakona, kutani xi hlawurile hina Vayuda ku va vadyandzhaka va xona eka Kriste, hi ku tilulamisela ka xona ka khale,

Esaya 14:27

HOSI ya matimba hinkwawo yi bohile mhaka, xana ú kona la nga kanetaka? Yi tlakusile voko ra yona, xana ú kona la nga ri tlherisaka?

Pisalema 107:43

Munhu wo tlhariha a a xiyaxiye timhaka leti, kutani ú ta twisisa leswaku HOSI Xikwembu xi ni rirhandzu!

Varhoma 9:19

Loko swi ri tano, u ta ku ka mina: “Hikwalaho ka yini Xikwembu xa ha veka vanhu milandzu xana? Hikuva i mani la nga kanetaka leswi xona xi swi vulaka xana?”

Varhoma 9:15

Hikuva xi byela Muxe xi ku: “Ndzi ta tsetselela loyi ndzi rhandzaka ku n'wi tsetselela; loyi ndzi rhandzaka ku n'wi twela vusiwana, ndzi ta n'wi twela vusiwana.”

Esaya 43:13

Xikwembu hi mina ntsena, ndzi ta va xona minkarhi hinkwayo; loko ndzi khoma xilo, a ku na la nga xi vutlaka, ni loko ndzi tirha, a ndzi kavanyetiwi hi munhu.”

Ntirho 37:14

“We Yobo, yingisa mhaka leyi, u ringeta ku anakanya mintirho yo hlamarisa ya Xikwembu:

Daniele 4:35

Vanhu hinkwavo va misava a hi nchumu emahlweni ka yena, lava akeke emisaveni, ni swivumbiwa hinkwaswo swa le tilweni, swi fumiwa hi yena. Ku hava loyi a nga n'wi sivelaka, kumbe loyi a nga n'wi vutisaka a ku: ‘U endla yini xana?’

Pisalema 8:3

Loko ndzi hlalela matilo lawa tintiho ta wena ti ma vumbeke, ni n'weti, ni tinyeleti leti u ti vekeke evutshan'wini bya tona,

Ntirho 34:29

“Loko Xikwembu xi hlawula ku miyela, i mani la nga xi vekaka nandzu hi mhaka ya swona ke; ni loko xi tifihla, xi nga sindzisiwa hi mani ku vonaka ke? Ehenhla ka tiko ro karhi ni vanhu va rona,

Ntirho 11:10

Loko Xikwembu xi hundza xi khoma munhu, xi n'wi yisa ehubyeni, xi nga siveriwa hi mani xana?

Ntirho 9:12

Loko xi lava ku khoma xanchumu, xi nga siveriwa hi mani; i mani la nga xi vutisaka a ku: ‘U endlele yini sweswo ke?’

Eklesiasta 8:17

Naswona ndzi vonile ntirho hinkwawo lowu Xikwembu xi wu endlaka laha misaveni, lowu vanhu va tsandzekaka ku wu twisisa; hambiloko munhu a tikarhatela ku wu lavisisa, a nge wu kumi, na yona ntlhari leyi vulaka leswaku ya wu tiva, yi nge wu kumi.

Luka 12:26

Sweswi ke, loko mi tsandzeka ku endla xilonyana lexo tano, mi tivilerisela yini hi leswi swin'wana?