Eklesiasta 6:8 - BIBELE Mahungu Lamanene

⁸ Xana ntlhari yi tlula xiphunta ha yini, swi pfuna yini ku titsongahata, ni ku tiva ku hanyisana ni vanhu, ke?

Xitsonga (Bibele)

⁸ Xana lowo tlhariha u tlula xihunguki ha yini? Kumbe xisiwana lexi tivaka ku tifambela emahlweni ka lava hanyaka, xi fuwa yini?

Eklesiasta 6:8 Referans Kwoze

Swivuriso 19:1

Xisiwana lexi tshembekeke, xi tlula xiphunta lexi tivulavulelaka swo huma ndleleni.

1 Timotiya 6:17

Kambe loko va ri lava va nga ni rifuwo ra misava leyi, va byele leswaku va nga tikurisi, kumbe ku veka ku tshemba ka vona erifuweni leri nga tiyangiki, kambe va veka ku tshemba ka vona eka Xikwembu: Hi xona xi hi nyikaka hi ntalo swilo hinkwaswo leswaku hi tikorwisa ha swona.

Luka 1:6

Ha vambirhi a va lulamile emahlweni ka Xikwembu, a va famba emilawini hinkwayo ya Hosi ni le swilerisweni swa yona, va ri hava xisolo.

Eklesiasta 5:11

Loko munhu a kuma swo tala, ku andza ni vadyi va swona. Xana n'wini wa swona ú vuyela ha yini, loko ku nga ri ku swi languta swi ri karhi swi nyamalala.

Pisalema 116:9

Hikokwalaho ndzi ta famba emahlweni ka wena, emisaveni ya lava hanyaka.

Pisalema 101:2

ndzi navela ku famba hi ndlela leyi nkhensekaka. Xana u ta ndzi endzela rini xana? Emutini wa mina, ndzi ta rhandza ku hanya hi mbilu leyi tengeke,

Genesa 17:1

Loko Abrama a ri ni malembe ya 99, HOSI Xikwembu xi humelela eka yena, xi ku: “Hi mina Xikwembu-xa-matimba-hinkwawo; u fanele ku hanya emahlweni ka mina, u ndzi yingisa hi ku hetiseka.

Eklesiasta 6:9

Ku vona xilo hi mahlo, swi tlula ku xi navela hi mbilu, kambe na swona sweswo, a swi pfuni nchumu, i ku hlongorisa moya ntsena.