Eklesiasta 6:2 - BIBELE Mahungu Lamanene

² Xikwembu a xi nyikile munhu un'wana erifuwo lero tala, xi n'wi nyika ni ku chaviseka; munhu loyi ú kumile hinkwaswo leswi a a swi navela. Kambe Xikwembu a xi n'wi pfumelelanga ku tiphina hi swilo leswi, hikuva swi lo dyiwa hi munhu wa tiko rimbe. Swilo sweswo, a swi pfuni nchumu, i khombo leri vavisaka.

Xitsonga (Bibele)

² Hi leswaku loko Xikwembu xi nyikile munhu rifuwo, ni xuma, ni ku twala, ku fikela loko a nga ha pfumali nchumu eku hanyeni ka yena, hambi xi ri xilo xin'we xa hinkwaswo leswi a swi navelaka, Xikwembu a xi n'wi nyiki nkarhi wa ku dya swona, i un'wana la swi dyaka. Swoleswo i vuhava ni khombo leri vavisaka.

Eklesiasta 6:2 Referans Kwoze

Eklesiasta 5:19

Xikwembu xi nga nyika munhu loyi rifuwo lero tala, xi n'wi pfumelela ku ri tirhisa, a nkhensa leswi a averiweke swona, a dya mihandzu ya ku tikarhata ka yena; hinkwaswo leswi, ú lo nyikiwa hi Xikwembu.

Pisalema 17:14

We HOSI, ndzi ponise hi voko ra wena eka vanhu lava vo biha, lava averiweke vutomi bya nkarhinyana ntsena. Va xurhise hi leswi u nga va vekela swona, vana va vona a va kolwe ha swona, va siyela ni vatukulu va vona.

Pisalema 73:7

Mahlo ya vona ma nyupela emafurheni ma nga ha vonaki. kambe makungu ya vona ya le mbilwini ma tikomba swinene.

1 TIHOSI 3:13

Tlhandlakambirhi, na leswi u nga swi kombelangiki, ku fana ni ku fuwa ngopfu, kumbe ku xiximiwa ngopfu, ndzi ta ku nyika swona. Hikokwalaho, a ku nga vi na hosi yin'wana leyi nga ta fana na wena, evutomini bya wena hinkwabyo.

Swirilo 5:2

Ndzhaka ya hina yi nyikiwile vamatiko, miti ya hina yi tekiwile hi swi-ta-swi-famba.

Pisalema 39:6

Vanhu va ya hala ni hala, wonge i mindzhuti, va tikarhatela swa hava, va tihlengeletela swilo, va nga tivi leswaku swi ta va swa mani.

Hosiya 7:9

Vanhu va le handle va heta matimba ya va ka Efrayimi, kambe vona a va voni nchumu; va n'wan'waseriwa misisi yo basa enhlokweni, kambe vona a va swi tivi.

Daniele 5:18

We hosi, Xikwembu xa le henhla-henhla xi nyikile Nebukadnetsara vuhosi ni vukulukumba ni ku dzuneka loku hlamarisaka.

Eklesiasta 5:16

Mhaka yin'wana yo tika hi leyi: Munhu ú fa a ri leswi a nga velekiwa a ri swona. Ku tikarhata ka yena ku n'wi vuyisela yini ke? Ú lo hlongorisa moya ntsena!

Eklesiasta 4:8

Munhu la tshamaka a ri yexe, la pfumalaka n'wana kumbe makwavo, a nga tshiki ku tirha a dzuka nyuku, hikuva a nga kolwi hi rifuwo ra yena. Ú rivala ku tivutisa, a ku: “Xana ndzi tikarhatela mani, ndzi titsonela yini leswo nandziha, xana?” Na swona sweswo, a swi pfuni nchumu, i ku tikarhatela mahala ntsena.

Eklesiasta 4:4

Ndzi vonile ni leswi: Hinkwavo lava tikarhataka ni ku humelela emintirhweni ya vona, va susumetiwa hi ku vondzoka varikwavo. Na swona sweswo, a swi pfuni nchumu, i ku hlongorisa moya ntsena.

2 TIKRONIKA 1:11

Xikwembu xi hlamula xi ku ka Solomoni: “Leswi u nga lavangiki ku tikombelela vukosi ni rifuwo, kumbe ku vona ku fa ka valala va wena, kumbe ku hanya malembe layo tala, ni leswi u tikombeleleke vutlhari ni ku twisisa leswaku u ta kota ku fuma tiko leri ndzi ri vekeke ehansi ka wena,

1 TIKRONIKA 29:28

Loko Davhida a fa, a a kurile swinene, a ri ni malembe layo tala, a fuwile swinene, naswona vanhu a va ha n'wi komba xichavo. Kutani Solomoni n'wana wa yena a sala a fuma.

1 TIKRONIKA 29:25

HOSI Xikwembu xi nyika Solomoni endzhuti emahlweni ka Vaisraele, xi tiyisa vuhosi bya yena ku tlula bya tihosi tin'wana leti nga tshama ti va kona exikarhi ka Vaisraele.

Vaavanyisi 18:10

Loko mi ya kona, mi ta fika mi kuma leswaku vanhu va kona a va ehleketeleli munhu swo biha. Tiko leri Xikwembu xi mi nyikaka rona ri anamile swinene, naswona eka rona a ku pfumaleki na xilo na xin'we xa leswi kumekaka emisaveni.”

Duteronoma 28:43

“Valuveri lava akeke exikarhi ka n'wina va ta ya va kula va kuma matimba, kambe n'wina mi ta ya mi lahlekeriwa ha wona, ha kutsongo-tsongo.

Duteronoma 28:33

Swa le masin'wini ya n'wina ni mihandzu ya nyuku wa n'wina, swi ta dyiwa hi vanhu lava mi nga va tiviki. Vutomi bya n'wina hinkwabyo mi ta va eku xanisekeni, mi tshikeleriwa,

Eklesiasta 5:13

Laha misaveni, ndzi vonile mhaka leyi tikaka ku tlula mpimo: Munhu ú tihlengeletela rifuwo kambe ri n'wi vangela maxangu.

Esaya 55:2

Xana mi xavela yini hi mali ya n'wina swilo leswi nga riki swakudya, naswona hikwalaho ka yini mi tirhela leswi nga xurhisiki, xana? Tikarhateleni ku yingisa mina, kutani mi ta dya leswo nandziha, mi hanya emafurheni.

Eklesiasta 5:18

Ndzi vonile ni leswi: I mhaka leyinene yo saseka loko munhu a kota ku dya ni ku nwa, a tikumela ntsako hi mintirho ya yena hinkwayo leyi a yi endlaka laha misaveni, emasikwini lawa Xikwembu xi n'wi nyikeke wona. Hi swona leswi a averiweke swona.