Eklesiasta 5:8 - BIBELE Mahungu Lamanene

⁸ Loko u vona swisiwana swi xanisiwa etikweni, ni loko milawu leyo lulama yi nga ha landzeleriwi, u nga hlamali hi mhaka yo tano, hikuva tindhuna ti fuma hi tindhuna-kulobye, kambe hinkwato ti le hansi ka ndhunankulu.

Xitsonga (Bibele)

⁸ Loko u nga vona etikweni rin'wana xisiwana xi xanisiwa, ni ku lulama ni ku avanyisa loko swi hombolokisiwa, u nga tshuki u hlamala ha swona, hikuva la tlakukeke ehenhla ka un'wana la tlakukeke u kona la langutelaka, ni Muungameri u kona la nga ehenhla ka vona.

Eklesiasta 5:8 Referans Kwoze

Eklesiasta 4:1

Kutani ndzi engeta ndzi vona hilaha vanhu va xanisanaka hakona emisaveni: Langutani mihloti ya vaxaniseki, ku hava loyi a va miyetaka; a va tweriwi vusiwana, hikuva vaxanisi va ni matimba.

Pisalema 12:5

HOSI yi ri: “Sweswi ndzi ta suka ndzi yima, hikuva swisiwana swi tekeriwa swilo swa swona, ni vapfumari va le ku konyeni. Vanhu lava nyefuriwaka, ndzi ta va nghenisa eku hlayisekeni.”

Eklesiasta 3:16

Emisaveni, ndzi vonile na leswi: Etihubyeni, nawu a wu landzeleriwi; laha ku lavekaka leswo lulama, ku tele leswo biha.

Pisalema 82:1

Xikwembu xi tshamile ehubyeni ya le henhla-henhla, xi avanyisa vanhu xi ri ni swivumbiwa swa le tilweni,

Yakobo 2:13

Hakunene muavanyisi a nga ka a nga tsetseleri munhu loyi a nga tsetselelangiki van'wana; kasi loyi a tsetselelaka van'wana wa khana esikwini ra ku avanyisa.

Timhaka 12:23

Hi nomu lo, ntsumi ya Hosi yi ba Heroda, hikuva a a nga dzunisanga Xikwembu; kutani a dyiwa hi swivungu, a fa.

Luka 1:76

Na wena xihlangi, u ta vuriwa muprofeta wa Loyi-a-nge-henhla-henhla, hikuva u ta rhangela Hosi emahlweni ku lunghisa ndlela ya yona,

Luka 1:35

Ntsumi yi n'wi hlamula, yi ku: “Moya lowo Kwetsima wu ta xikela ka wena, ni matimba ya Loyi-a-nge-henhla-henhla ma ta ku funengeta; hikwalaho n'wana lowo hlawuleka la nga ta velekiwa, ú ta vuriwa N'wana wa Xikwembu.

Luka 1:32

Yena ú ta va nkulukumba, a vuriwa N'wana wa Loyi-a-nge-henhla-henhla; Hosi Xikwembu xi ta n'wi nyika xiluvelo xa Davhida tata wa yena.

Malakiya 3:5

HOSI ya matimba hinkwawo yi ri: “Ndzi ta ta exikarhi ka n'wina ndzi ta mi avanyisa; ndzi ta hatla ndzi boxa nandzu wa vangoma ni wa lava endlaka vuoswi, ni wa lava hlambanyaka hi mavunwa; ndzi ta ba lava nga hakeriki vatirhi va vona hi fanelo, lava xanisaka tinoni ni swisiwana, ni lava hlongolaka valuveri. Ndzi ta avanyisa hinkwavo lava alaka ku ndzi komba xichavo.”

Zakariya 8:6

HOSI ya matimba hinkwawo yi vurisa sweswo yi ri: “Hambiloko masalela ya vanhu va mina ma ku: ‘Namuntlha, swilo leswi swi nge pfuki swi endlekile!’ mina ndzi ri, swi nga ka swi nga ndzi tsandzi; ndzi vurisa sweswo mina HOSI ya matimba hinkwawo.”

Mikiya 2:9

Vavasati va tiko ra mina, ma va hlongola, va huma tindlwini ta vona to saseka, mi tekela vana va vona ndzhaka leyi ndzi va nyikeke yona, mi nga ha va tlheriseli.

Amosi 6:12

Xana mi tshama mi vona tihanci ti tsutsumisiwa emaribyeni, kumbe munhu a rima lwandle hi tihomu, xana? Kambe n'wina mi hundzuluxile ku avanyisa lokunene ku va mhondzo, mi dyisile vanhu mbitsi hi ku tshika ku lulama.

Amosi 5:12

Mintirho ya n'wina leyo biha, ndza yi tiva hinkwayo, ndzi tiva ni ku tala ka swidyoho swa n'wina: Mi xanisa vanhu lava nga riki na nandzu, mi pfumela ku xaviwa ehubyeni, mi tlherisa vapfumari loko va ta eku mangaleni.

Esaya 57:15

Xikwembu xa le henhla-henhla, xona lexi nga kona minkarhi hinkwayo, lexi vito ra xona xi nga Muhlawuleki, xi vurisa sweswo xi ri: “Mina ndzi tshama ehenhla laha ku hlawulekeke, kambe ndzi kumeka ni le xikarhi ka lava khunguvanyekeke, lava titsongahataka; ndzi nyika lava titsongahataka matimba, lava khunguvanyekeke emoyeni, ndza va tiyisa.

Esaya 37:36

Kutani ntsumi ya HOSI Xikwembu yi humelela emixaxeni ya Vaasiriya, yi lovisa vavanuna va 185 000. Loko ri ya eku xeni, lavan'wana va pfuka, kutani vo vona mintsumbu ntsena.

Esaya 10:12

Loko N'wini wa hinkwaswo a heta hinkwaswo leswi a swi endlaka entshaveni ya Siyoni ni le mutini wa Yerusalema, ú ta ba hosi ya Asiriya, hikuva yi titshemba ngopfu ni ku tikurisa ku tlula mpimo.

Esaya 5:7

Vaisraele hi vona nsimu ya vhinya ya HOSI ya matimba hinkwawo; swimila swa yona leswi tsakisaka i vanhu va Yuda; HOSI Xikwembu a xi langutele ku lulama, kambe ku vonaka ku dlayana ntsena, a xi langutele leswinene, kambe ko twala swirilo ntsena!

Esaya 3:15

Xana mi xanisela yini vanhu va mina, mi kandziyelela yini swisiwana ehansi xana?” N'wini wa hinkwaswo ú vurisa sweswo, yona HOSI ya matimba hinkwawo.

Swivuriso 8:17

Ndzi rhandza lava va ndzi rhandzaka, lava fambaka va ndzi lava, va ndzi kuma.

Pisalema 95:3

hikuva HOSI i Xikwembu lexikulu, xi fuma swikwembu hinkwaswo, xa swi tlula hi vukulu.

Pisalema 83:18

Kutani vanhu va ta tiva leswaku hi wena ntsena u vuriwaka HOSI, wena Xikwembu lexi nga henhla-henhla, lexi fumaka misava hinkwayo.

Pisalema 55:9

We N'wini wanga, pfilunganya ku vulavula ka vona, leswaku va nga ha twanani!

1 Yohane 3:13

Hikokwalaho, mi nga hlamaleni, vamakwerhu, loko misava yi mi venga.

1 Petro 4:12

Varhandziwa, mi nga hlamaleni loko mi wela hi miringo leyi pfurhaka ku fana ni ndzilo ku ta ringa ku tiya ka n'wina, onge hi loko mi humeleriwa hi swin'wana leswi nga riki swona.

Varhoma 11:33

Vukosi bya Xikwembu, ni vutlhari bya xona, ni vutivi bya xona, a hi ku enta ka swona! Makungu ya xona ma nga pimisiwa ku yini, ni tindlela ta xona ti nga twisisiwa ku yini xana?

Swivuriso 22:16

Loyi a xanisaka xisiwana, wo xi fumisa, loyi a nyikaka van'wankumi, wo tichela vusiwana.

Swivuriso 24:12

Loko u ku: “Leswi, hina a hi nga swi tivi!” xana Loyi a vonaka swa le mbilwini, a nge swi kumi leswaku wa hemba xana? Loyi a hlayisaka vutomi bya wena, ú ta swi tiva, kutani ú ta avanyisa un'wana ni un'wana hi ku ya hi mintirho ya yena.

Eklesiasta 5:9

Eka hinkwaswo leswi, tiko ri ta pfuneka ntsena loko hosi yi tirimela masimu etlhelo.

Eklesiasta 7:7

Loko ntlhari yi xanisa varikwavo yi hundzuka xihlekiso; yi onheka miehleketo loko yi pfumela ku xaviwa.

Eklesiasta 8:9

Laha misaveni, ndzi xiyaxiyile swilo leswi vanhu va swi endlaka, kutani ndzi kumile leswaku lava nga ni matimba, va ma tirhisa ku xanisa vanhu van'wana.

Ezekiele 18:18

Kambe tata wa kona yena ú ta fela mintirho ya yena leyo homboloka, hikuva ú xanisile varikwavo, a va tekela swa vona, a endla leswi biheke exikarhi ka va ka vona.

2 TIKRONIKA 26:10

Uziya a aka swihondzo ni le handle ka Yerusalema, a kovotla emaribyeni makhele layo tala yo hlayisela mati, hikuva a a ri ni swifuwo leswo tala etimbaleni ni le minkoveni. Naswona a a ri ni vanhu lava hlayisaka masimu ya yena ya vhinya, va n'wi byalela ni mavele emagangeni ni le mitangeni, hikuva a a tsakela ngopfu swa vurimi.

Ntirho 24:23

Xi nga va tshika va titwa va hlayisekile, kambe xi le ku xiyaxiyeni ka tindlela ta vona.