Eklesiasta 5:6 - BIBELE Mahungu Lamanene

⁶ U nga pfumeleri nomo wa wena wu ku wisela eku dyoheni. U nga kanetani ni muprista, u ku: “Ndzi hlambanyile hi xihoxo!” Xikwembu xi nga ku twa xi ku hlundzukela, xi onha ntirho wa mavoko ya wena.

Xitsonga (Bibele)

⁶ U nga tshuki u tshiketa nomu wa wena wu yisa nyama ya wena exidyohweni, u nga tshuki u vula emahlweni ka ntsumi [ya Xikwembu] leswaku u hoxile ntsena. Hikuva Xikwembu a xi ta karihela yini rito ra wena, a xi ta onhela yini ntirho wa mavoko ya wena-ke?

Eklesiasta 5:6 Referans Kwoze

Yakobo 1:26

Loko munhu a anakanya leswaku ú ni vukhongeri, kambe a nga fumi ririmi ra yena, munhu loyi wa tixisa, vukhongeri bya yena a byi pfuni nchumu.

2 Yohane 1:8

Hikokwalaho, tivoneleni leswaku mi nga lahlekeriwi hi leswi mi nga tikarhatela swona, kambe mi kota ku kuma hakelo leyi yi mi fanelaka.

Yakobo 3:2

Hina hinkwerhu hi ni swihoxo leswo tala, kambe loko munhu a nga hoxi eku vulavuleni ka yena, munhu yoloye ú hetisekile, wa swi kota ku fuma miri wa yena hinkwawo.

Malakiya 2:7

Hakunene ntirho wa muprista i ku dyondzisa vanhu ku tiva mina Xikwembu; vanhu va fanele ku ya kuma milawu eka yena, hikuva i murhumiwa wa mina HOSI ya matimba hinkwawo.

Genesa 48:16

yona ntsumi leyi yi ndzi kutsuleke eka leswo biha hinkwaswo, a xi katekise majaha lawa! A va ve vona lava nga ta yisa vito ra mina emahlweni, ni mavito ya vatata wa mina Abrahama na Isaka. A va andze va va vanhu va ntsandza-vahlayi emisaveni leyi!”

Tinhlayo 15:25

Muprista ú ta mi basisa hinkwenu, kutani mi ta rivaleriwa, hikuva a mi endlanga ha vomu, naswona mi ta va mi ndzi humeserile gandzelo leri hisiwaka ni mhamba yo susa swidyoho.

Vaheveru 1:14

Xana tintsumi hinkwato a hi mimoya leyi tirhelaka Xikwembu, leyi rhumiweke ku pfuna vanhu lava fanelaka ku kuma ku ponisiwa xana?

1 Timotiya 5:21

Emahlweni ka Xikwembu ni ka Kriste Yesu ni ka tintsumi leto hlawuleka, ndza ku khongotela swinene ku hlayisa tifanelo leti, u nga tekeli ku avanyisa, nakona u nga yi hi nghohe.

1 Vakorinto 11:10

Loko swi ri tano, hikwalaho ka tintsumi, wansati ú fanele ku va ni xikombiso enhlokweni, xa ntikelo wa yena.

Malakiya 3:1

HOSI ya matimba hinkwawo yi ri: “Vonani, ndzi ta rhuma nandza wa mina leswaku a ndzi khulelela ndlela. Kutani mina N'wini wa hinkwaswo loyi mi ndzi languteleke, ndzi ta hatla ndzi nghena eTempeleni ya mina. Vonani, nandza loyi mi n'wi tsakelaka, wa ta ku ta mi tivisa ta ntwanano wa mina.”

Levhitika 4:2

ku ya vulavula ni Vaisraele, a va tivisa marito ya xona lama nge: “Munhu a nga tshuka a dyoha ku nga ri ha vomu, a endla xin'wana xa swilo leswi HOSI Xikwembu xi leriseke leswaku swi nga tshuki swi endliwa.

Levhitika 4:22

“Murhangeri a nga tshuka a dyoha ku nga ri ha vomu, a endla xin'wana xa swilo leswi HOSI Xikwembu xa yena xi leriseke leswaku swi nga tshuki swi endliwa, kutani a tikuma a ri ni nandzu.

Swivuriso 23:17

Vadyohi, u nga va naveli, kambe minkarhi hinkwayo, chava HOSI Xikwembu,

Eklesiasta 3:14

Ndza swi tiva leswaku mintirho yihi kumbe yihi ya Xikwembu yi tiyile minkarhi hinkwayo: U nge engeteli nchumu eka yona, u nge hunguti nchumu eka yona. Xikwembu xi tirhise sweswo leswaku vanhu va ta xi chava.

Eklesiasta 10:12

Vanhu va tsakela marito ya ntlhari, kasi nomo wa phuphula wa ri dlayisa;