Eklesiasta 5:5 - BIBELE Mahungu Lamanene

⁵ Loko u nga hlambanyi, swa antswa, ku ri na ku hlambanya u nga ha endli.

Xitsonga (Bibele)

⁵ Lexi lulameke i ku ka u nga hlambanyi, ku ri ni ku hlambanya loko u nga hetisi ku hlambanya ka wena.

Eklesiasta 5:5 Referans Kwoze

Timhaka 5:4

Ni loko u yi xavisile, xana nxavo wa yona a wu nga ri wa wena ke? Mhaka leyi u yi pfumelerise ku yini embilwini ya wena xana? A wu hembelanga vanhu, kambe u hembele Xikwembu.”

Swivuriso 20:25

Swi ni khombo ku tsutsumela ku vula, u ku: “Xilo lexi, ndzi xi nyiketa HOSI Xikwembu!” kutani endzhaku u hundzuluxa miehleketo, eka leswi u tiboheke swona hi ku hlambanya.

Duteronoma 23:22

Loko mi chava ku tiboha hi ku hlambanya, a mi nga vi na nandzu,

Duteronoma 23:21

“Loko mi tiboha hi ku hlambanya ku humesela HOSI Xikwembu xanchumu, mi nga tsandzeki ku humesa xilo xa kona, hikuva loko swi nga vi tano, HOSI Xikwembu xi ta xi lava, kutani mi tikuma mi ri enandzwini.

Vaavanyisi 11:35

Kuteloko Yefta a n'wi vona, a handzulela swiambalo swa yena, a ku: “Yo n'wananga, u ndzi dlele! U ndzi vangele khombo lerikulu, hikuva ndzi tshembisile HOSI Xikwembu hi ku hlambanya, kutani ndzi nge swi koti ku tlhelela endzhaku eka leswi ndzi swi vuleke hi nomo wa mina!”

Yonasi 2:9

Kambe loko a ri mina, ndzi ta endla leswi ndzi swi hlambanyeke: Ndzi ta ku humesela magandzelo, hi tinsimu to tlangela. Hakunene Xikwembu xa ponisa!”

Levhitika 5:4

Kumbe munhu a nga tshuka a tiboha hi ku hlambanya leswaku a ta endla swin'wana, swi nga va leswo biha kumbe leswinene, kutani a nga rhangi hi ku tiehleketa swinene; ku nga va ku hlambanya kwihi na kwihi loku vanhu va nga tibohaka ha kona va nga tiehleketanga. Hambiloko xidyoho xa yena a nga xi tivi, siku a byeriwaka xona, ú ta va ni nandzu.

Malakiya 2:7

Hakunene ntirho wa muprista i ku dyondzisa vanhu ku tiva mina Xikwembu; vanhu va fanele ku ya kuma milawu eka yena, hikuva i murhumiwa wa mina HOSI ya matimba hinkwawo.